喜鍋 海鮮‧火鍋‧小廚 (Closed)

自從疫情之後就無食過火鍋，而家疫情緩和左當然要約朋友一齊打邊爐啦，更何況喜鍋店鋪位置方便，距離油麻地地鐵站5分鐘既路程。當日我地去得比較早，所以唔洗等就有位坐了。入座時店鋪亦好細心咁準備左口罩套比食客。由於同朋友想食唔同既鍋底，所以叫左個鴛鴦鍋，經典莞西皮蛋同埋沙爹湯底，沙爹湯底超濃超正，唔似其他火鍋店溝水，非常足料。話説叫完之後先見到魚湯海鮮鍋既相，本身個湯底已經附送好多海鮮，而且都只係$228，瞬間覺得自己蠢左，哈哈。火鍋食材選擇衆多，而且d料非常新鮮，其實食火鍋食材新鮮已經贏左一大半。水魷魚幫你切好曬，食洛鮮甜嫩滑。黑豚肉净係個色水已經好靚，食落入口即溶。另外個蟹子墨魚油炸鬼非常特別，係油炸鬼入面加入墨魚，再係面頭灑上蟹子，口感豐富過普通油炸鬼好多。我地2個人一共叫左6樣野，但已經非常飽，因爲每碟都好大碟。再加上而家有全單8.8折優惠，所以真係非常抵。

今日本來打算去旺角喜鍋打邊爐 點知見佢地有雞煲食 2個人可以叫半隻都唔錯 所以就變左食雞煲啦😆 佢地店員全部都十分有禮貌 仲有口罩袋提供 好貼心👍🏻 share 社交平台仲有88折😍食雞煲前我地試左個店員推介比我地既小食 蟹籽墨魚油炸鬼🤩 唔洗煮可以即刻食 炸得香脆既墨魚油炸鬼加上大量蟹籽 點埋泰式辣醬 好香口好食😋主角就係我地半隻重慶麻辣雞煲啦🐤 加熱一陣店員就會泥幫你炒 之後就食得啦🥰 佢地既醬料幾濃味 小辣都好夠辣 唔算好麻 雞肉都好嫩滑👅 食到咁上下店員就會幫你加湯打邊爐🥳火鍋配料我地就揀左炸魚皮同四寶餃 炸魚皮一上枱真係嚇左我地一跳 從來未見過咁足料咁大份炸魚皮😂 個兜同雞煲個煲幾乎一樣size 有超多魚皮😆 好彩好脆 浸少少湯都好好食👍🏻 四寶餃包含左雲吞 水餃 韭菜餃同椰酸餃 椰酸餃都幾特別 入面有椰菜同酸菜 椰菜令水餃口感爽口 酸菜又帶來味蕾既刺激 味道唔錯🌟

今日約了男朋友食打邊爐，到了油麻地這間火鍋店。服務不錯，服務員姐姐介紹了推介的火鍋湯底、雞煲、前菜等，又送上自調醬料（香蔥、蒜蓉、炸蒜粒、辣椒粒、麻油、麻醬、豉汁）好吸引；有禮友善的態度，效率高又勤力！地方都寬敞又光亮，更有不同的美食圖畫，也有優惠推介，如：add Facebook 簽到有小食送、更有生日優惠（有全單9折），好正點了小食：新出的胡麻醬涼拌冰菜開胃的、爽口的健康涼涼冰菜配上香滑惹味麻醬男朋友喜歡食雞煲（重慶麻辣雞煲-小辣）不會太麻辣，惹味非常，雞肉（半隻）好入味又滑溜的口感，唔會太肥膩，更有多種配料（三色椒、洋蔥、蒜頭等）食完雞煲，就是打邊爐了至尊本地牛頸脊好大碟顏色好吸引，牛味香又濃郁，有咬口，少少肥的部分，配合得剛好！新鮮超甜粟米金黃色的粟米，入湯加甜又吸汁炸魚皮好大盆好多魚皮，入湯浸軟好香四寶餃各味道有2粒，包括：鮮蝦雲吞、韭菜餃、鳳城水餃、椰酸餃，各有特色秀珍菇秀珍菇也是好大盆好多喔

最近入秋開始涼涼地， 最啱打個暖笠笠邊爐啦！😏 之前曾經黎過旺角嘅「喜鍋 海鮮‧火鍋‧小廚 」， 覺得佢嘅火鍋湯底做得相當有水準，貨真價實， 火鍋配料都相當不錯， 同小妹去開旺角買野， 就再黎回味下啦！😌 火鍋店內裏裝潢雖然似普通嘅茶餐廳， 不過其實呢到麻雀雖小，但五臟俱全， 門外嘅水缸最能呈現呢到係有好多海鮮賣，😂 坐我地隔離嘅隔壁家仲食緊象拔蚌刺身，好正呀！😯 火鍋湯底選擇有18款之多， 上次食過花膠鯊魚骨膠原鍋， 今次就試下其他啦！😂 打邊爐先混個醬～ 基本嘅醬料：生蒜、炸蒜、香蔥、芫茜、辣椒🌶️、辣椒油、麻醬。 ⭐️推薦❗️胡椒濃湯豬骨煲（$168） 可能係小編打邊爐食過最濃嘅胡椒豬骨煲！😋 好多豬骨，而且仲有d軟腍入味嘅豬肉， 胡椒味香濃惹味！ 有好多吸湯紅蘿蔔、粟米、蘿蔔作配料～ 小編打邊爐建議落配料打邊爐之前， 飲多幾啖湯先！ ⭐️推薦❗️頂級安格斯牛頸脊（小）（$208） 比上次黎貴左$40，升幅還可以接受吧。 細份大概有18塊左右，兩個人食都算啱啱好！ 牛肉油花分佈均勻，只需涮一涮，涮至變色即可

火鍋湯底選擇多：花膠鍋、豬骨鍋、海鮮鍋、醉雞鍋、雜菜鍋等海量特色鍋底應有盡有。今次選擇了麻辣雞煲，滿足一下吃麻辣的慾望！重慶麻辣雞煲（中辣）🥘• 辣味比麻味重，未開蓋前已經聞到濃烈的米酒香，• 雞的肉質嫩滑連骨頭也香脆，醬料醃得入味，非常惹味香口！• 點選了半隻雞，二人份量已經很足夠。頂級安格斯牛頸脊🐂• 油脂分佈均勻，肉質鮮美很香牛肉味，• 肉片厚薄程度適中，有點咬口。秘製芝士墨魚丸🦑• 丸子爽口彈牙，未落鍋之前已經大大粒，• 中間芝士creamy香濃，一咬便湧出來。四寶餃子🥟• 分別是鮮蝦雲吞、鳳城水餃、韮菜餃、爺孫餃（椰菜＋酸菜），• 餡料新鮮豐滿、配合麻辣湯底別有一番風味，自家脆響鈴🔔• 個人認為吃雞煲必備的配料，可以大大吸收了雞煲的湯底濃香，• 響鈴鬆脆香口而且没有油膱味。油麥菜🥬• 也是雞煲其中一樣必備之選，同樣能吸收雞煲的香辣味！建議💡• 點選一渣他們的竹蔗茅根，甜度適中還可以解解辣。

與朋友看完電影，朋友帶了我來旺角「喜鍋」打邊爐，驟眼看與普通火鍋店差不多，但是食物來到之後，卻令我眼前一亮。墨魚滑油炸鬼，做法很特別，油炸鬼表面炸得金黃，咬一口香脆，裏邊有彈牙的墨魚滑。花膠鯊魚骨膠原湯底，女士吃相信很養顏，附有脆卜卜的脆米，加湯一齊吃份外甘香，這種食法也是第一次。新鮮蟶子鮑魚，爽口彈牙又很鮮甜。還有脆肉魚腩片，非常爽口新鮮。另外水餃包得飽滿，有四款口味，尤其是爺孫餃由椰菜、酸菜包，口感酸甜爽脆。與朋友食宵夜的話，我想這個地方也是挺不錯的選擇。

天氣時凉時暖，真係令人摸不着頭腦，今晚又涼返啲，仲下着雨，這天氣去火鍋也不錯，決意同友人一起火鍋旁取暖（有點誇張添....）。本以為火鍋店地方小小，因為只見一邊兩張卡座，另一邊一排長櫈配二至四人枱，坐坐下就知道原來還有上層。一走進內裏便看到一個幾層的大水缸，養着不同種類的生猛海鮮，看來今晚必定大飽口福。店內裝潢富心思，牆上除了有推介菜式的相片外，還有幾幅巨大的香港昔日景色海報，帶點懷舊的感覺。細閱各份餐牌，分別有餐前小食、特色火鍋湯底、牛肉類、豬羊雞、海鮮/河鮮、自家製丸子/餃子、粉麵、各類火鍋配料和新鮮菇菜。******************************點齊食品就先作好準備，做咩？就是混醬，有紅椒、炸蒜、胡麻醬、蔥花、蒜蓉、XO醬和豉油。愛火辣辣的我就加大量紅椒，再加些蔥花和炸蒜粒，配埋醬油，簡簡單單。******************************再準備定一渣凍竹庶馬蹄茅根($38)用來清熱降火。睇到落足料，內有紅蘿蔔、馬蹄、竹蔗和粟米，最後要差點連渣都吃掉。呷一口，冰涼透心，甜度剛好，清甜滋潤，用來配火鍋最適合不過。*******************

當晚，跟個女街坊食友走到旺角上海街略有風味又嘈吵的火鍋店 <喜鍋> 食火鍋，價錢算大眾價！麻煩了早放工的她先行入座！火鍋店佔地兩層，我們被安排到入門口那一層，餐桌分兩旁，左面為卡位，右面則有四張枱，靠牆位置是梳化位，我們坐在第四枱，這裏頗為嘈吵的關係，第一枱說什麼我們也聽得一清二楚！老闆態度有禮！女侍應主動加湯攪拌免黏底，值得一讚！這裡的火鍋配料算多元化， 我試咗兩樣從未試過嘅食物：牛脷託及鴨粉腸！😂😂亦有餐前小食供應！飲品不乏酒類，種類繁多！醬料 $20一位 有六款醬料任君選擇，包括：辣椒、蒜頭、炸蒜頭、花生醬、蔥粒...等！桌上已齊備火鍋爐、餐具及紙巾！竹蔗馬蹄茅根水 $38一渣竹蔗、馬蹄、茅根及紅蘿蔔， 真材實料！卻是入口幾甜， 好似飲糖水一樣！蟹子墨魚油炸鬼 $58火鍋及配料尚未送到時，我們可以先食小食醫肚！蟹子墨魚墨魚油炸鬼一客六件， 美中不足略嫌墨魚膠太少，油炸鬼香脆可口， 蘸上酸甜醬增添風味！ 我們也一致認為，淋上火鍋湯更滋味呀！招牌花膠鯊魚骨膠原湯鍋 $168 (送甘香泡飯)個湯鍋好巨型，好像食盆菜的盆！一聽見骨膠原，女人的恩物，真是女生大愛呀！湯底清甜

冬天暖笠笠最啱就係打邊爐，滋潤養顏充滿骨膠原嘅花膠湯底邊爐絕對是冬天的首選！ 骨膠原花膠湯底邊爐，還配送脆脆泡飯，一盅夠兩個人份量～餐廳提供六款醬油調味料給我們，我們可以自行調教味道 有天椒粒、香蔥、蒜蓉粒、芝麻粒、芝麻醬和辣椒油。先嚟“沙薑雞腳”作為頭盤，沙薑很入味，飲住啤酒黎食雞腳，一邊聊天，很開心“招牌花膠鯊魚骨膠原湯鍋”嚟啦火鍋湯底材料豐富， 全部都是釋放骨膠原的食材，有花膠～有豬手～有鯊魚骨～還有雞腳， 嚟到先喝一碗充滿骨膠原的湯底， 成個嘴都被骨膠原“張貼”住～雪花美國肥牛切得非常薄，肉與脂肪比例配合剛剛好， 放在湯底裏刷一刷，就即刻拿起點豉油吃，熟度剛好、非常滑溜很好味

天氣涼, 一星期總有一晚去打邊爐朋友住新填地街, 介紹我們一行四人去附近一間特色湯底火鍋店記得以前婆婆過節齊人就會煲鯊魚骨湯, 想起也很回味原來這家火鍋店有鯊魚骨湯外, 還加入了花膠雞腳豬腳不得了就這個湯底啦叫完湯底, 之後就like一下店舖fb, 就有每枱送冰菜一碟啦!!冰菜 (日式芝麻醬)這個菜很特別, 非常非常爽之餘, 還充滿水份,菜上菜內都滿佈水珠本是無味, 只有豐富清新感覺, 配上日式芝麻醬 perfect match!!前菜再來一道, 蟹籽墨魚油炸鬼油炸鬼很脆很香口, 內釀墨魚滑, 很彈牙配上表層蟹籽, 口感一流但因為太多蟹籽, 小心倒瀉然後, 鍋底來了！光是看湯底顏色就知道十分足料, 喝一啖氣, 鯊魚骨味很出鯊魚骨的口感就是軟身, 但起沙的最後雞腳也煮很很淋很入味打邊爐不可缺少的牛肉大眾對追求牛肉質素的要求愈來愈高造就了牛頸脊普及化頂級安格斯牛頸脊(大)愛吃牛的我們, 選了大碟牛頸脊, 這個價錢抵食脂肪分佈得均勻, 肉片有一定厚度, 多肉汁, 肉嫩朋友愛吃羊..羊的羶味很濃, 像內蒙古的味道元貝已經清理好內臟的扇貝, 最適合我這種嫌麻煩的人了先將扇貝放入鍋內, 元貝一熟就