鮨處松戶 (彩星集團大廈)

Open Now

Now Closed

又到星期日🥺 第二日又要返工啦🥲 咁啱同朋友喺尖沙咀做完facial就決左喺附近食埋飯🙆🏻‍♀️ 喺OpenRice搵到呢間日本餐廳, 似乎質素唔錯, 就決定呎間啦🥢日本菜式總類好多, 有串燒, 有刺身, 壽身, 亦有鍋物等等經典日本菜式👌🏻黎個鮨處松戶海鮮沙律($95) refresh吓先🍽 加入咗好多一舊舊嘅刺身, 十分足料. 抵食!再黎多個刺身😍好鮮味呀壽司拼盤, 有4種魚, 同朋友一人一舊. 食得出嘅油脂感同埋鮮味🔥當然唔少得薄切池魚刺身($230), 真正成條(連魚頭) 比埋你☺️免治雞肉捧($68@2), 食落幾有質感嘅雞肉棒👌🏻明太子玉子燒, 中間夾咗明太子, 蛋味濃.最後到熟食, 海鮮鍋($250), 入面有帶子, 三文魚, 魚尾等海鮮, 十分豐富. 唔食凍野嘅朋友可以叫呢個☺️見到有客人包咗房, 如果係一大班朋友gathering應該會幾合適.Overall: 鮮味十足嘅一餐, 食物質素唔錯, 而且種類繁多, cater到唔同人嘅喜好. (btw, 我同朋友一路食, 一路傾計, 不知不覺坐咗成2個幾鐘😂)

前排返工搞完展覽會，真係要食餐好的減下壓，咁岩經過尖沙咀接VIP放工，就係附近撞下有咩好食。估唔到！竟然撞到一間咁呢間餐廳可以包房，環境舒適不在話下，連隻杯都好得意XD 係我大魚大肉的時候教我健康之道?! (誤) 我要開動了～頭盤起初以為係普通沙律，點知⋯⋯魚生同沙律菜幾乎接近一樣比例！太瘋狂了！刺身種類很多，而且味道係最鮮濃的高級別食材。有吞拿魚，深海池魚，三文魚，油甘魚，帶子，三文魚子，仲有拖羅～而且份量唔少，價錢只係＄98抵食到有點震撼，下次要點3盤，主菜都慳返講返有幾好食，就係刺身比一般的鮮甜2倍。真係每種魚的味道都特別濃郁，我係日本都未曾試過＝＝"最正的當然係拖羅，一啖清菜一啖魚油，真係難為正邪定分界～平時食帶子一般肉質都軟身，今次係爽口鮮甜，值得一提的仲有三文魚子，平時得個鹹字，呢度係甜的！小食方面，有來自北海道的白粟米，可能因為生食，有少少渣在所難免，但佢清甜的味道可以媲美糖水，反而唔多粟米味，第一次試又幾特別。呢道菜就咁望一定覺得係枝豆，但其實佢係枝豆的親戚，叫茶豆，真係有茶味架！銀杏，即係白果，成粒鹽焗真係第一次見，試下無妨，味道同平時食糖水的一樣，只係由甜變鹹。主菜

上星期四，老豆生日。我提議再到松戶。年頭我生日食松戶，覺得好好食，所以今次都揀呢度。上網看一看，原來信用卡有優惠，刺身同壽司拼盤都有半價，好抵！要了特上刺身拼盤、特上壽司拼盤、立魚奶湯、燒牛舌、松戶海鮮沙律、鱆紅魚薄切&軟殼蟹卷。特上刺身拼盤賣相十分吸引！好靚嘅擺法。刺身名澤光鮮，味道新鮮。當中以牡丹蝦最為出色，size很大，而且好新鮮，肉質彈牙！原粒赤貝，新鮮即開，好爽口。三文魚籽波波都好新鮮，大大粒，粒粒都完整無缺，無一粒係穿嘅。特上壽司拼盤，當中有些無咁新鮮，色澤亦都較暗啞。鐵火卷特別唔新鮮，眼見魚肉已呈微灰，質地也太淋了。壽司整體都無刺身咁新鮮。燒牛舌唔係厚切，已大打折扣。切得薄，易燒得過火，口感也較遜色。松戶海鮮沙律，上一次都有食，今次店員再次推介。確實是好吃的，沙律菜新鮮，而且有好多魚生粒，有八爪魚、三文、鱆紅等等。材料豐富，醬汁酸酸的，開胃無比。鱆紅魚薄切，第一次試，上次試過醬汁左口魚薄切，所以試吓呢個鱆紅。鱆紅切得薄薄的，一片片圍住個碟而鋪出，十分漂亮。配以特製酸醬汁，味道不錯；但鱆紅有少少腥。整體味道不及醬汁左口魚薄切出色。軟殼蟹卷，一般，這裡的壽司卷物比較遜色。卷物