瀛喜日本料理 (Closed)

今次放題既鋪頭係荃灣既瀛喜 交通都算方便 一出地鐵站行大約5分鐘左右就到 天橋望向側邊就會叫到個招牌喺呢到入去上2樓就係呢到既環境比較舒服 特別係座位兩邊都係卡位唔會好似其他鋪頭咁逼 枱面都有好多位可以放唔少食物呢度既食物種類唔算特別多 同正常既放題差唔多計埋飲品同甜品有12樣好喇 事不宜遲 叫野食喇!!!首先就叫左一堆壽司 見到都覺得正~~賣相都算唔錯 試下味道點先~呢度既壽司真係幾好食首先食三文魚壽司先~呢度既壽司最特別既就係佢飯既比例小好多唔似其他放題咁食多左飯會塞飽你三文魚薄得黎味道都幾好之後就到花之戀我不嬲都中意食花之戀呢度既花之戀同其他放題差唔多但都係比較易爛 不過三文魚都幾足料跟住就係蟹柳壽司~一如之前 飯既比例都係比較細相比蟹柳就變到好似好大舊咁而且蟹柳既肉質好滑都算唔錯之後就叫左個烏冬食~~個烏冬都幾足料 又有蟹籽 又有菜同栗米食落個烏冬有少少麻醬既味食到停唔到口~之後就到芝士焗腸仔可能我本身又中意食芝士同腸仔加埋一齊真係好正 呢兩樣野加埋仲要有焗過既香味好快就清左一碟~之後要回本梗係唔少得叫刺身~!呢度既三文魚味道都算幾好冇雪藏味得黎反而仲有鮮味但就係嫌佢唔夠厚 食

因為知道呢間做緊優惠，二人同行一人半價，就係荃灣睇完戲順便黎試下~兩個路痴都揾左好耐路，沿住天橋直行5至10分鐘就見到大大個瀛喜招牌了。可能係平日嘅關係，唔洗等位但都full左7，8成我地兩個人佢比左四人枱我地，感覺好開心好闊落，可以盡情叫野食唔洗怕擺唔哂喔！同一般放題一樣分門別類左，第一時間叫刺身壽司啦緊係！一路飲野一路等，好快就有野食啦，我地叫左好多花之戀但賣相確實不是太好，好散亂嘅感覺，但又真係好多蟹籽但沙律醬又好味，三文魚又好濃郁，點算！如果佢賣相靚啲就perfect 啦…壽司類黎講，真係幾得意，好似係我食咁多間放題，舊飯整得最細件嘅一間，好得意，啱哂個啲食少少就飽嘅女仔，北寄見係好鮮甜好大塊！其他三文魚，生蝦壽司不過不失啦之後係冷盤！我最愛嘅蟹籽沙律！係足料嘅，有蟹柳，青瓜，好多蟹籽！好多沙律醬！好好味，咬落soksok聲，太心急食，唔記得比相機食先lol蟹籽胡麻醬撈烏冬，真係見到都覺得好好食，食落去個口感好好，但可能有啲油膩到刺身啦！食左好多先記得影相，我專攻甜蝦嘅，呢度嘅甜蝦係連頭個啲！好新鮮鮮甜，同埋我寫20隻，佢又真係出20隻比我，抵讚！三文魚係厚切，好肥美，口感好好

食放題最基本嘅嘢，一你即刻睇佢嗰啲點菜紙，串燒，刺身，天婦羅，一品料理，呢四樣一定唔少得。所以選擇想嚟講，合格。鍾意食生蠔嘅人仲可以加錢叫，＄20一隻買一送一，除返上嚟＄10一隻都算抵食。往往食放題，我最着重就係刺身。甜蝦係有頭嘅大殻甜蝦，唔霉且甜。WOW一上枱我哋俾呢一個刺身拼盤吸引左。一隻金雞型上，真係好有架勢，最鍾意食佢個象拔蚌刺身，好新鮮，甜同有嚼勁。三文魚骨腩油脂分布平均，食落口滿佈油香味。生蠔海水味適中，肉質肥美豐厚。螺肉好爽口，甜，都好欣賞。但帶子唔夠爽，而且無乜味道。天婦羅方面，個漿我覺得厚咗一啲，而且個sauce冇蘿蔔蓉。炒魷魚個汁夠辣，惹昧，刺激食慾！肥牛金菇豆腐鍋，日本豉油湯底甜，豆腐好滑，金菇吸晒啲湯嘅精華，正！如果蟹粥目標係食隻蟹ok，因為都有成1/4隻，但粥就無蟹既鮮味，只有粟米同調味料味。壽司方面就普通野。個燒菠蘿無燒個既痕跡，但入口熱，酸酸甜甜，很好甜品／飯後果。亦有其他甜品選舉，NESTLE杯裝雪糕，同MINI粒粒雪米糍（有taro/mango/seasame/vanilla）今時今日$200有找既放題，我唔expect much，但基本有齊，刺身鮮，

自從過了日本後，都沒有在香港吃過日式放題，我都已經嚐過最新鮮的，香港再怎麼快也要飛機空運直送有時間差，現在都提不起勁主動去吃了，不過既然有朋友邀約去吃放題，聚聚舊也沒壞。入到餐廳看見全餐廳都坐滿，水準應該不會太差吧，我又不信大家將這裡當成明將來獨孤求敗。坐下後看一下點菜紙，好像超過十張款式還不少，實在花多眼亂，不過目標為本，貴價優先考慮，正是香港人精神。另外看海報見到有特價時段半價，也可以加錢換生蠔（正好第一張相片有寫），其他人興趣缺缺就不試了。放題必然要點刺身，這裡刺身的款式不少，而且有稀有品，像這盤就有三文魚、吞拿魚、油甘魚、希靈魚、馬刀貝、貝柱、深海紅象拔蚌。先吃一些大路款式，三文魚切得肥厚也有油香，吞拿魚雖是赤身但沒有血腥味，都不錯。希靈魚就切得太細塊，失去了其爽脆的口感，油甘魚則不錯，肉質結實有甜味。貝柱、馬刀貝和象拔蚌這明顯是Super rare款式，但貝柱畢竟是細小如指甲大的產物，吃起來鮮味夠卻不過癮。馬刀貝即蟶子，沒有期望刺身的蟶子會十分大條，出來的成品也符合預期沒失望，象拔蚌同樣是預期的大小，一款嫩滑一款爽口，相當討我歡心。 三文魚腩刺身自然比三文魚刺身吸引，切得不算

n年唔見一次嘅中同終於成功約齊人。人數都唔少，要滿足曬各人嘅需要，就只有兩個選擇：火鍋或者放題。最後都係放題，而地點係荃灣瀛喜日本料理。由於人數唔少，所以咩都點下，每人二百蚊有找，都幾抵食嫁!壽司方面，推介鰻魚壽司和黑松露三文魚壽司，前者味道清新，後者有黑松露點綴，與三文魚好夾。魚生方面，三文魚和鮑片很好，重點推介海膽，鮮甜又唔腥。炸物方面，南瓜，蕃薯，蝦和蠔都不過不失，略嫌有少少油膩。沙律嘅質素普通。極力推介三文魚腩，系必點，魚腩肥美滑溜，食落好滿足。而另一小食朱古力球棒，呈深啡色，圓碌碌，口感就似溫暖嘅麻薯，內裡是熱嘅朱古力，但唔會太甜，甜品愛好者必食!!!!幾個人，不論男女，都食到飽一飽，不錯耶!

想食日本壽司/刺身既時候，總係會先諗板X、元X之類~ 不過單點壽司始終都會貴同埋食既款式唔多，想乜都有得食? 放題係最啱既選擇，但係放題好多時又成二百幾蚊，都幾鬼貴!不過朋友介紹咗荃灣既呢間平價放題，雖然做到咁平真係驚中伏，但點都好，每人口味唔同，等我試試啦! 鋪頭要穿過一間泰國野先入到...入到來發現地方相當之大，座位好多，不過裝修太過似K房，牆上既銀色閃石真係不太好看...每張枱其實唔太大，但係都算係坐得鬆動既~呢度無論壽司、刺身和日式串燒等等都應有盡有，雖然未必有其他放題款式咁多，但係對我來講都相當足夠~當中都不乏創新口味既壽司，鮮味既自製醬汁應該都算係呢間店一大特色，例如柚子油甘魚壽司、黑松露和牛卷等等  特別既醬料會令壽司更加惹味，同埋始終香港人都中意試新野，所以創新絕對有必要!刺身併盤，除左外型華麗之外，刺身來貨都唔隨便，有朋友八掛問左原來三文魚由挪威入口，甜蝦由加拿大入口，聽完真係食得放心好多  整體上刺身雖然都幾新鮮，而且肥美，但係就講唔上好突出，而且冇吞拿魚食，但係呢個價錢來講已經好唔錯~ 刺身中唯一係佢既蝦，真係好鮮甜又多肉，真心推介餐廳既一品料理略嫌失

吃放題有好多選擇，點解要去荃灣，純粹遷就朋友，不過，四出覓食，畢竟都是我們的興趣。這晚我們其中三人約好在荃灣站等，然後一起去餐廳，都不熟荃灣的路，用上手機又問路人，最終花了半個鐘才到達這間瀛喜日本料理，才發覺地點原來距離地鐵站只是5分鐘，讓另一位幫我們訂座的朋友在餐廳久等了。這晚吃的日式放題，每位$186，兩小時任食，食物有壽司、刺身外，還有串燒、炸物、一品料理等，尚算豐富。我們四人都屬於瘦削型，郤叫了不少食物，當中最有食力的，原來是最瘦那位。點選的食物集中在四大類，方便吃之餘，亦方便店方一次過盛上。刺身: 三文魚腩、甜蝦、北寄貝、帶子、劍魚、立魚、海螺等壽司: 黑松露三文魚、柚子風油甘魚、火炙醋魚、火炙蒜香和牛、火炙三文魚、波士頓三文魚卷物、芒果加州卷物、黑松露和牛反卷炸物: 芝麻雞全翼、辛辣雞中翼、吉列蝦、吉列蠔、日式餃子、忌廉薯餅、芝士年糕串燒: 燒黑豬仔腸、汁燒雞肉串、雞脾菇、清酒雞腎串、墨魚丸、海蝦、燒雞皮、免治雞肉串飲品都有頗多選擇，例如我這罐橙汁，還有啤酒。小評:未吃前，也有點懷疑百多元的放題，質素好得到哪裡呢，結果比預期中好，尤其刺身和壽司，選擇多而也頗為新鮮，壽司之中