瀛喜日本料理 (Closed)

1.選完食物等左好耐先到,等到火都來,仲要放係一邊不是即時拎過來,好多枱人客都投訴2.無點既食物就亂送過來,劃左既食物就好多漏單,之後仲話好多食物停止供應,高招3.無人來執枱,要催N次先有人黎執野4.就算店員俾折扣都彌補不到當晚既失望和怒火,就算去明將爭鮮食服務仲好過佢總結食得好唔happy,等既時間仲多過食,到喉唔到肺,永世不會再來,望本店嚴加正視問題

除夕夜到店內食放題，約半年前食過一感覺不錯，想趁這特別日子嘗多一次，之前看食評有些人說這是"揼波鐘放題"，以為是個別事件，但這次真受教了，一小時只到了兩三道菜，跟店員追單，隨便給你兩三碟，熟食是冷冰冰的，食完後繼續等，等待途中聽到連三文魚都沒有了，當時場內的人都不耐煩了，不停地投訴，再向店員追單店員只是不停地叫你再寫過單，其他客人都說不知寫了多少次單，都沒有上菜，店員竟回覆"那沒辦法了，你坐著等吧"第一次食放題之後要再找東西吃，不會再來了！刺身、壽司等冷盤味道還可以，但熟食這次去食真的不能接受，感覺比用微波爐翻熱般的。

等嘅時間多個食，寫五碟得一碟。好多仲無泥，轉個灣就放左張点菜纸落個白盒。五個人去餓住走，隔離六個大隻佬，狂叫肚餓。一味拖時間，呃錢。仲要隔離磯燒，狂噴廢氣，回家要食公仔麵，係咁咳。永不回頭！！！

同幾個大胃王去食放題，食嚟食去都係得幾間大部份香港人都知道嘅放題，但今次有個朋友講喺荃灣有間價錢唔貴之餘食物品質，比起貴價嘅放題有過之而無不及，所以幾個大胃王一於去試一試 價錢本身已經唔太貴仲要九點半後入座二人同行一人半價，簡直係超值得好緊要，雖然門面裝修唔太靚，但食放題梗係講食物嘅質素同埋種類 我哋叫咗個機燒加放題，磯燒之前店員會送一個叫做卜卜蜆，呢個卜卜蜆，同出面嗰啲煮蜆嘅分別係，每隻蜆都好大粒，食落又唔會有沙，亦都非常之鮮甜可口，這隻蜆都有半隻手掌咁大 食完個波波蜆，磯燒海鮮，先呢一個拼盤，然後可以再追加，拼盤裏面，有兩款蝦，聖子，青口，扇貝，魷魚，螺同埋蠔 將海鮮放上去磯燒爐裏面燒到咁上下加啲清酒同海鹽，帶出海鮮嘅鮮味，比較容易熟嘅有聖子，雖然性子細細隻 但係鮮甜到不得了，緊記一定要落多啲海鹽 帶出去開鮮嘅味道，扇貝要落多啲清酒，咁佢就會冇咁容易韌，以螺比較難處理 而魷魚亦都比較快熟一路見佢開始攣起身，就要快快落啲海鹽，一收乾就好食，亦都非常新鮮，而其他蝦生蠔等等，亦都唔會太難主都好好食 食放題點少得刺身呀但因為食咗個幾燒，咁多海鮮所以刺身上面嘅份量，要叫得少啲如果唔係點食熟食

黑邊三文魚刺身太恐佈，唔新鮮，基本上生和熟的食物完全唔不格，衛生超差，店內空氣油煙得很，污煙帳汽，座未夠半粒鐘真頂唔順要閃人，真心不是要求很高的人，亦是用平常心及這個價格去評論，跟元朗店水平差太遠，忍不住要上openrice發表一下，在openrice上見到食評很不錯，又驚喜，又好玩，又大滿足，又盛咁，只好說真的假不了，這水準正常没有要求的人也不能忍受，真的要試一次，你就會花200個字去寫出前所未有的食評，係咁多。

天氣涼涼地，想食放題，又好想食海鮮，朋友搵到間可以磯燒加放題嘅餐廳🍴，價錢而且唔貴，實惠，環境都好舒適，夠寬敞企理呢個即係磯燒嘅基本頭盤喇，有超過8種唔同嘅海鮮，首先最愛嘅大蝦，7節甘大，真係好吸引，仲有新鮮珍寶扇貝，好大粒，可以加小小水和蒜蓉一齊燒，鮮甜味出曬黎，唔會乾爭爭聖子皇更加係清甜脆口，好爽，珍寶蠔就建議一開始就燒，由於殼厚較其他海鮮慢熱，但係我自己都係加蒜蓉粒，好香甜，青口和鮮海蝦都好新鮮，海螺好快熟，太耐的話會有小小焦，都好好味清酒🍶煮大蜆好大粒，好清甜，就甘食已經好甜，肉好甜，好彈牙，粒粒都食到好正放題食物都好新鮮，刺身入口即溶，特別希凌魚好甜好脆，下下在口都係彈牙爽口，帶子好清甜，無雪味，甜蝦都好爽好甜，食得到嘅新鮮，三文魚頭燒🉐️岩岩好其他食物都好好味，特別鮮蟹粥，清甜到不得了，呢個價錢食到咁好味的，抵食

今日去完荃灣citywalk， 就同男朋友去食火鍋自助餐任食唔錯，有8項咁抵，一於試試先好戲在後頭，可以打邊爐喇熱氣都系飲菊花茶同綠茶，飲品種類多這個豪華拼盤連紅色桃花上碟襯綠葉，加添藝術色彩～吸晴刺身三文魚好新鮮，最愛海膽，帶子大大粒，油甘魚刺身，厚身大件，見到口水流，龍蝦一人半邊，可以慢慢細嚐椰子煲雞湯底，夠滋潤適合秋天。辣汁蜆肉質鮮甜，全完沒有沙，大帥傅處理過，很好吃，全都被我兩位仲吃光了香草燒羊架，羊有少少肥，入口香草燒香了,啖啖肉，還有特制沙律醬汁，配搭得很細心飲白桃味酒有4%酒精咁少，女仔都唔怕醉日式清酒

今日book了位接朋友放工後，食日本料理打邊爐buffet 。這間新裝修的「瀛喜」由荃灣地鐵站步行5分鐘便到，約人食飯交通很方便，外圍還在搭棚裝修中，所以比較難搵得到，好在朋友先，致電給我才很快搵到餐廳一坐低第一時間「混醬」，今晚等朋友收工比較野八點半才開始食打邊爐buffet刺身日本料理，睇餐牌好多海鮮食18禁卜卜蜆，這道菜很好吃，給我兩個女孩吃清光一件也不留，證明係超級10分好食豪華刺身船有新鮮海膽，三文魚，帶子，油甘魚，甜蝦，一隻龍蝦開邊，實在大開眼界，好多種貴價海鮮可以一次過食喇大到不得了，差點連筷子都夾不穩，放入碗慢慢品嚐粟米椰子煲雞湯做打邊爐，好鮮甜，當湯飲仲得好戲在後頭，仲有個「航母級海鮮盤」吸晴指數爆燈！有聖子、帶子、特大生蠔，生猛海蝦，樣樣都好靚好新鮮同安格斯肥牛打邊爐，切到細細塊size, 浸一浸就食得，入口剛好一口食落，脂肪分布均勻，新鮮嫩滑又有牛肉味，一個字講晒：「正」燒雞翼同炸芝士波都好食，芝士波點左兩次order都想稱讚，同感謝這裏的侍應態度十分有禮！下次一定會再嚟幫襯

今晚第一次幫襯呢間放題，睇網上食評都好多人界正面嘅評價，所以都有所期待, 因17:30呢個時段第三位有半價，所以選擇咗呢個時間上去食，一上到門口寫上(碌卡機壞咗，只收現金)…………無所謂啦，落樓下櫃員機攞錢囉，但一入到去，話…………D裝修好殘舊喎，都唔緊要啦，我來食野姐，最緊要係食物嘅質素，當點野食時發現原來D選擇都好小，有好多之前D食評寫有嘅野都無咗…………是旦啦最緊要D刺身掂吖馬，當刺身上枱後，就立即試下先…………唉…………唔多新鮮，賣相又一般…………我老婆由座底後EE哦哦，哦到離開為止…………唉………以後都唔會再來了。

星期二去咗荃灣食瀛喜日本料理，入到去餐廳職員都主動招待，今日食咗好多烤物，其中隻海蝦好大隻，聖子同帶子都好味。另外芝士年糕好彈牙，榴槤炸彈當中嘅榴槤好食好鮮味。刺身當中嘅帶子都好鮮甜。

瀛喜火鍋+放題必食之選 話說今日同朋友farewell,諗左好耐都唔知食咩好。一個又話食日本野;一個又話要打邊爐,一個又話要食放題....諗來諗到,最後比我地諗到有一間可以一次過滿足哂佢地既---就係瀛喜啦。 去到即叫左個火鍋+放題=滿足所有人 先來一個18禁卜卜蜆, 對於一向唔食辣野既我都食到停唔到。同埋D蜆肉真係好大粒。 之後就係一個刺身船入面有齊5種唔同既海鮮又大份又好食。 最後就係重點推介既火鍋啦。 今次我地叫左兩個唔同既湯底, 特別係個蕃茄湯底真心夠濃, 夠入味。所以我今次連醬廢事去拎。 至於配菜同熱食方面有以下選擇, 全部都夠新鮮夠同份量。 當然唔少得甜品同飲品啦。 好少可以任飲既梅酒,似所以飲左好多杯。 我諗都無咩機會食到既榴槤雪條, 鐘意食既朋友千其唔好錯過啦。同埋椰子香芋都好好味架。 當然都有好多其他既選擇,任你食….食到飽為止。 飲品櫃大量飲料可供選擇。 一班親朋好友去其實都幾好….一來選擇多, 二來又唔會話食得放題又絛得打邊爐…打得邊爐來又唔可以食剌身….

今日同朋友一齊去荃灣既瀛喜日本料理食飯，樓下既廣告牌就可以見到可以揀火鍋或者磯燒任揀其一再配日式放題，而且價格合理。而我地就揀左火鍋加放題。我地既頭盤係十八禁卜卜蜆，鍋既辣味好開胃，蜆既size都好大，份量亦好足夠。然後就到火鍋，我地揀左鴛鴦鍋底，蕃茄濃湯加四川麻辣，麻辣湯底既材料好多，鐘意辣既朋友可以一試，值得一讚係蕃茄湯底，用料十足，好多鮮茄，非常濃郁。待應拎個鍋黎既時候已經聞到好強烈既蕃茄味。海鮮拼盤有大蝦、鮮蝦、扇貝、蜆、鮑魚，蟶子等等，好豐盛。順帶一提鮑魚好大隻，好鮮甜。食完火鍋後再叫左放題同甜品

因為男友大食加超愛食日本野，今年佢生日我又搵左間日式放題，仲要有埋磯燒！！！！地方都算幾大，起碼可以坐得舒服d!!坐好就開始叫野食啦刺身，天婦羅，炸物！！！勁多選擇！但今次主食磯燒。哈哈首先，食個辣硯先，真係好鬼辣！！！不過好正跟住刺身燒烤同時進行，真係好多海鮮！！！我同男友都勁心心眼！樣樣野都大大隻！正太多正野不能盡錄，不過最後有個不得不提，就係野飲，好多特色既飲，日本果酒，韓國啤酒，岩晒我，係咁不停飲，哈哈哈。試左好多味！

今日，四個朋友約埋一齊，食咩好？朋友A話打邊爐，有朋友B話『 Da 咩！』要放題。我話『瀛喜』去到門口，今次掂呀！哩間野有火鍋，放題，同磯燒。我地就簡左火鍋加放題，任食2.5小時。位都未坐暖，先黎一鍋『十八禁卜卜蜆』，䁔一身先。心諗有咩咁十八禁？黎到就知啦，一定係辣椒既數量。嘩！好彩小弟早已夠18，食落唔算太辣，但係好香，食完一隻會引你食多隻。連旁邊唔食得辣既朋友，都連食幾隻。好彩都唔係咁18禁姐。暖左胃，就進入簡火鍋湯底環節， 黎個鴛鴦鍋 - 『蕃茄濃蝦湯底』同埋『四川麻辣湯底』。之後，加碟『安格斯手切牛肉』，再加啲海鮮，蟶子、鮑魚、扇貝、大蝦。食材，都幾新鮮，唔錯👍打邊爐打到咁上吓，係時候試埋『日式放題』。『芝士焗扇貝』，必試。小弟至愛，三文魚，都算新鮮，夠肥美。最後，當然唔少得甜品。哩度，竟然有榴槤雪條。我欣賞！立馬開返條，食住嗌埋單！

今次朋友聚會 試下食火鍋+放題 呢間荃灣瀛喜日本料理地點好方便價錢方面 合理我地叫左呢個辣既卜卜蜆 好正好入味 個湯都好香 讚！飲料方面好多選擇 仲有酒精飲品 唔只有啤酒仲有梅酒呢個航母級海鮮盤 有鮑魚 聖子 大蝦 帶子 都是我的最愛～我地4個人 岩岩好一人一隻湯底揀左鴛鴦湯底 蕃茄濃蝦+四川麻辣 （推介）蕃茄湯底有好多蕃茄肉 好濃郁手切安格斯牛肉 口感唔錯 岩曬鐘意食牛既人 唔會太溥或太厚你點一個就會黎一個 十分好 唔會浪費食物打完邊爐 未夠喉 再黎個放題 有壽司 刺身 海鮮，種類足夠 咁既價錢 有咁多種類 簡直超值，適合家庭聚會 或朋友生日 一間餐廳滿足曬幾樣要求 ！