拾う月

Open Now

Now Closed

<壽喜燒牛肉鍋 (兩人份) 🍲 💲198>呢個鍋物一送嚟就已經聞到好香嘅湯底，有一碟牛肉同一碗寬粉，菜嘅種類都好豐富，有豆腐、菇類，生菜，擺盤一睇就知係精心準備嘅。牛肉又滑又腍，湯底都有甜甜嘅醬油味，加埋個生雞蛋一齊食真係好正。建議加返份烏冬 咁兩個人食就岩岩好啦🥰<自家制唐揚炸雞 🍖💲46>呢個炸雞真係令我驚喜，外皮炸得金黃鬆化，雞肉嫩滑多汁，調味都做得好啱，味道唔會太鹹，食落去有種外脆內軟嘅口感。我覺得佢做得比好多日本餐廳嘅炸雞都要好食，點埋個沙律醬真係世一😳<牛柳粒串🥩 💲36>我見到佢地都有串燒 所以都想叫串黎試一試，牛柳粒串燒得啱啱好，有種獨特嘅炭燒味，食落去好有口感，肉質鮮嫩，調味都做得好好🤤<白桃梳打🍑 💲24>我好鍾意呢杯梳打，因為飲落去好清新，白桃味好香，又唔會太甜，汽泡又夠充足，重點係超大杯☺️<龍眼冰🍹 💲24>呢杯龍眼冰都好有驚喜，好少係日本餐廳會見到龍眼冰，龍眼味好濃，甜度啱啱好，入面仲有好多龍眼肉，食落去好有口感。飲落去即刻覺得好解渴，好滿足🤩

係新蒲崗搵野食，冇諗過係新蒲崗廣場二樓原來都有餐廳，十分隱世❤️拾う月主打日式美食，同場仲有泰式選擇～好運泰國美食一間餐廳兩種風味😋壽喜燒牛肉鍋 $198牛肉鍋以打邊爐式加熱，幾時都滾熱辣♨️湯底係甜甜嘅壽喜燒汁牛肉份量十足，連同成鍋配料😍壽喜燒牛可以沾生雞蛋食，滿滿日式風格薯粉吸收壽喜燒汁，超級好味👍🏻豆腐亦都令人十分驚喜，滾左好耐依然嫩滑，仲有濃濃豆味招牌五色玉子燒 $68玉子燒有質素，微焦微甜配搭不同配料(明太子醬、鰻魚、蟹籽、蟹肉、呑拿魚蓉)，味道新奇而好味😋每件都可以一小口品嚐，試曬都唔會太飽濟章魚小丸子 $28港式口味，小丸子內粉漿偏向結實有口感配上燒汁、美乃滋、柴魚片、紫菜，味道十分圓滿👍🏻

見天氣開始凍，前幾日就去咗新蒲崗一間日本餐廳食壽喜燒牛肉鍋暖下身。佢哋嘅壽喜燒牛肉鍋有芋絲、豆腐、豆卜、金菇、紅蘿蔔、生菜同埋蔥。當然唔少得牛肉。餐廳仲提供兩隻生蛋可以點牛肉食。兩人份量，啱啱好俾到我哋滿足嘅感覺又有位食多少少，我仲試咗其他串燒。翠玉瓜，夠哂juicy。青椒仔燒到有少少焦香嘅味道，好好食。吉列炸蠔就到脆卜卜，好重蠔味。招牌五色玉子真係精緻到不得了，彩色細細粒好好睇。帶有啲甜味嘅燒玉子上面有燒鰻魚、明太子醬、蟹肉、吞拿魚蓉同蟹籽。燒鰻魚烤到魚皮有少少脆，夠哂香口。明太子醬辣辣地好開胃。我哋仲試咗佢哋嘅鯛魚燒，迷你版做飯後甜品啱啱好。

今日去新蒲崗探望朋友，佢介紹去拾う月這間餐廳。餐廳位置在新蒲崗廣場2樓，鋪面裝修成強烈的日式風。朋友介紹這裏的🥢🥢壽喜燒牛肉鍋（2人份量）很出色，我這個牛肉控當然要試一試啦。牛肉片條紋分明一看就知上等牛肉，簡單灼一灼，入口即溶牛味十足。果然冇介紹錯鍋底有紅蘿蔔、豆腐、炸豆腐、菜和大蒽，另配薯粉一碗。薯粉吸收了湯的精華，又入味，薯粉煙煙韌韌的，真想來多一碗。😚🥢🥢吉烈炸蠔，外皮炸得鬆脆，蠔很肥美，令人回味無窮。😋😋🥢🥢牛油蒜蓉燒帆立貝（兩隻），很專業地給我們爐燒，帆立貝很鮮甜，配上香濃的蒜蓉牛油，鮮味無比，自己動手燒特別好味😅🍹椰青清甜多水，椰肉嫩滑，解渴可口。還有很多食物想試，下次要再來。