窩子

Open Now

Now Closed

Saturday Treat🥰🥰🥰懶洋洋的星期六瞓到下就起身搵嘢食諗起去新蒲崗有好多好嘢食三點去到窩子一等就等到四點先有位雖然熱辣辣但係等咁耐都值得嘅因為真係好好食😘😘😘飲品先到解一解渴朋友叫咗一杯mocha 而我就叫咗一杯hazelnut latte咖啡即叫即沖好好飲拉花都好靚我真係好鍾意食risotto 呢個慢煮三文魚意大利飯超級正個飯煮得好好芝士味十足又夠冧三文魚香口又脆加埋檸檬汁好開胃分量原本睇落好細但同朋友分享都夠飽薄餅超級有驚喜除咗比預期中大之外佢個餅底係酥皮雖然好有罪惡感但真係好好好味而且佢仲係熱辣辣上碟Pizza果然係即叫即整即食最好味其實都已經好飽但仍然係好想食窩夫窩夫外脆內院二紅豆蓉都好好味不過真係太飽嘅關係我哋食咗一半就冇食到真係覺得有啲對佢唔住😂😂😂😂所以都係果句等一個鐘真係很值得😘😘😘而佢真係有三點開始等到同食到五點都仲係好多人排緊隊等要有心理準備啊🤣🤣🤣

之前幾次都想嚟食，因為個裝修幾有舊香港style，但次次都好多人等位今晚見少啲人終於試到。因為係開放式廚房嘅關係，一入到鋪頭已經聞到好香嘅牛油味！落完單侍應快就將我哋叫嘅卡邦尼意粉送上，一開頭我同我朋友都係比較禮讓，但食咗幾啖之後我哋食嘅速度就越嚟越快，因為真係好好食好濃郁嘅醬汁。雖然唔係好正宗嘅卡邦尼，但對於芝士控嘅我哋嚟講真係好滿足跟住等左一陣我哋叫嘅夏威夷pizza 都新鮮熱辣咁送到，真係好有驚喜，我哋冇預計到係酥皮pizza初頭都諗會唔會有伏，但食落真係好好味比一般嘅餅底更酥脆，令到Pizza好有層次。下次黎應該會再叫!!!甜品方面我哋就叫咗草莓窩夫，因為見好多枱都係食窩夫，不過呢樣就正常發揮，覺得不叫亦可

2月14日情人節 - 雖然社會上出現點問題，但都阻止唔到我外出一回的心情。店內環境分為左右2邊以開放式廚房的設計，但一點油煙都感覺不到；而且坐位與坐位之間有一定距離，坐得舒適，吃得放心。雖然到了一年一度的情人節，但餐廳都沒有在此日子加價，抵讚👍🏻。咖啡入口細緻順滑，甜度適中，為我倆打開情人節晚餐的序幕。野菌松露油忌廉扁意粉 - $79來到時已香氣撲鼻， 非常足料，滿滿的配料，而且扁意粉亦吸滿了忌廉的醬汁，吃起來更添層次。夏威夷薄餅 - $107原來這裡的餅底用上了酥皮制作，牛油香味濃郁，配料還加上大量的粟米，火腿，菠蘿，更有不可決少的沙律醬，真是啖啖的滋味在心頭。Dirty Tiramisu - $52Tiramisu賣相相當吸引，質地正正是我最愛吃的流質口感，中間夾了手指餅，再灑上朱古力粉，賣相吸引。口感細滑輕盈，芝士味濃郁，而且入口即溶而不膩，為我的情人節晚餐畫上句號。

呢日黎左新蒲崗行左一陣，發覺呢邊真係幾多野食上網搵到呢間窩子，仲係良心小店添，梗係要試下啦～入面既裝潢都幾懷舊，有好多特色擺設，好岩我～好舒服野食都有好多選擇，見到甜品個頁真係全部都想食哂去呀！真係唔係講笑＃自家製肉醬意粉呢個製肉醬意粉聽落好似普普通通，但食落真係好高質滿滿既芝士加埋自家製既肉醬，好正！！別有一番風味＃夏威夷薄餅呢個pizza好正呀！薄餅皮係酥皮，有滿滿既牛油香味，超好食！雖然入面都係普通既食材，但夾埋一齊食就好驚喜真係好想再食。。＃曲奇忌廉法式千層酥其實食完上面兩樣野已經好飽，但黎到又點可以唔食甜品我地叫左呢個極邪惡既千層酥個賣相已經好屈機～個千層酥真係岩岩整起，好香脆～仲有球雪糕，好滿足＃飲品Overall真係好滿足既一個晚餐，感覺係近期食過最高質既餐廳佢地全部野食都係即叫即整，一路等野食仲會一路聞到香味添店員服務態度好好，下次一定會再黎食！