鴨仔冰室

Open Now

Now Closed

餐廳屬開放式，有黑膠唱片機裝飾，裝修似舊式70-80年代西餐廳，服務殷勤，食物中規中矩。.🔸餐湯分數: (7.5/10)甘筍湯有驚喜，甜甜地，有甘筍蓉，又冇陣臭青味。.🔸沙律(跟餐)分數: (6.8/10)正正常常，沙律醋調味幾開胃。.🔸法式寶雲酥羊架($158)分數: (7.8/10)鐵板上，羊架外脆，好香，肉質嫩，揀左黑椒汁，薯蓉，黑椒味唔濃。.🔸大蝦牛柳 ($168)分數: (6.2/10)用鐵板上，個牛柳的確有啲失望，牛柳內部肉質嫩，可惜外皮太燶，有苦味。大蝦唔大，不過用蒜蓉焗，確實好香。揀左黑椒汁，意粉，汁早啲倒落鐵板冇咁易燶。

#觀塘 #TheUglyDuckling #鴨仔冰室今晚又黎咗觀塘鴻圖大廈愛琴坊食飯，上次食過呢度嘅burger同pizza，今日就食喺正中間嘅「鴨仔冰室 The Ugly Duckling」啦。呢間冰室嘅裝修有少少懷舊feel，有粉紅色格仔嘅枱布又有個舊年代唱片機，設計嘅有心思。🐏 法式寶雲酥羊架 餐 （$158）👉🏻 配餐湯、薯蓉、燒汁有三大舊羊架，每舊上面都舖滿咗蒜蓉，好香口，一啲都唔腥。 肉質都好好，一啲都唔韌。🐄 大蝦牛柳 餐 （$168）👉🏻 餐湯、意粉、燒汁朋友叫咗大蝦牛柳汁，佢覺得牛柳對佢黎講偏生，但個蝦就好好食。🍸 Aegean Sea （$48）我叫咗杯cocktail叫Aegean Sea，佢係類似Magarita咁，杯邊舖滿咗鹽嘅。唔同嘅係，杯cocktail會比較甜，啱曬女仔。🍷 Red Wine （$68）朋友叫咗Red Wine，佢叫我一定要喺食評度寫好好飲，完全係佢同其他女仔會鍾意嘅味度，有好淡淡嘅酸同澀，非常香醇，容易入口。

一睇以為佢係普通冰室，點知係一間懷舊格局既扒房，一開餐廳已經比佢個大蝦牛扒所吸引，仲嗌埋佢個丹麥豬排配薯條，所有套餐你都可以揀配薯條/薯蓉/飯，仲配埋餐飲，沙律同餐湯就二揀一。首先上左沙律同餐湯，沙律用畫意大利黑醋，酸酸甜甜好開胃，是日餐湯係意大利雜菜湯，都幾足料。去到主菜，牛柳超厚，同埋好重既炭烤味，應該係上鐵板前預先炭烤過，餐廳無問生熟，但生熟程度啱啱好，食落重牛味而無筋，大蝦水準備都唔錯。不過最估唔到係丹麥豬排最有驚喜，肉質幾嫩有肉汁，唔似一般豬扒會易「鞋」，最後再嗌左心太軟配雲呢拿雪糕，為今餐畫上一個完美既句號。整體食物質素唔錯，上菜快，侍應都好幫助，要熱水同茄汁都即時拎比我，下次經過依頭應該會再黎食。

炸海鮮籃🦑🦐🐟 ($68)朋友好鐘意食炸野，所以我哋就叫咗依個炸海鮮籃，一嚟到估唔到小食都會咁大份！！炸蝦餅🍤，炸魚🐟同炸魷魚圈🦑每樣都有幾舊，仲有海量薯條添🍟😍。中間有一大盤沙律醬俾我哋點🤤。炸海鮮全部都好有鮮味，其中我最鐘意食炸蝦餅🦐，好彈牙同有蝦味。朋友就最鐘意食炸薯條🍟，話大大條好有薯味同鹽味😂。大蝦牛柳🍤🐄 ($168)見依到嘅鐵板係招牌🤩，就揀咗我最鐘意嘅蝦加牛鐵板餐🦐🐮，另外仲有薯條同黑椒汁🍟。牛嘅鐵板紋好靚，切開五成熟剛剛好🥩，肉質鮮嫩，超級林，好有牛味，依個價錢嚟講絕對係超級無敵高質👍🏻。大蝦用咗蒜蓉調味，好惹味，肉質彈牙新鮮🍤。另外個黑椒汁加薯條都好好食🍟。海鮮燴飯🦀🦐 ($88)驚唔夠飽我哋仲叫咗個燴飯，飯上面有好多蟹肉🦀，蝦🦐同青口。張蟹肉撈入意大利燴飯到，食到蕃茄酸酸甜甜嘅香味🍅，同海鮮嘅鮮味。飯嘅質感幾好，唔會太林太濕，粒粒分明👍🏻。另外兩個餐都包咗沙律🥗（或者餐湯）同飲品🥤，沙律大大碟，加埋黑醋好開胃🤩。🦆結論係The Ugly Duckling又平又多選擇又好食，推薦附近嘅打工仔同街坊嚟食！！🦆

觀塘又有好野食👏#kwuntongfood今次去左昨鴨仔主題嘅丹麥餐廳据扒😍見到招牌好吸引呢~地點係近牛頭角的愛琴坊超多鴨仔的佈置呢~仲有好靚之樂器-手風琴及埋唱片機~坐底就有口罩套送，認真貼心😉我揀左個set dinner: 大蝦牛柳先黎一碗餐湯（露荀湯）跟住就到主菜啦 : 大蝦牛柳牛柳好稔又夠嫩~可以飯,薯條或薯蓉😁我揀左薯蓉，份量十足，仲有紅蘿白同西蘭花，完美均衡😚配上蒜蓉汁更加滋味~再加埋杯解渴嘅凍檸檬茶❤️好enjoy 嘅一個晚餐💞#uglyduckling#theuglyduckling#hkig#hkfoodie#kwuntong#steak#prawn

今日早左一粒鐘收工，即興約左個係官塘返工既舊同事食飯，佢推介左呢間丹麥菜話食過一次覺得唔錯，但lunch hour行過去太遠所以平時無乜機會食，今晚一於同佢試下啦！😀我叫左個大蝦牛柳拼薯蓉，朋友叫左個丹麥豬扒拼薯條，另外跟餐加左個丹麥朱古力餅share～我嘅大蝦牛柳薯蓉分量都幾大，勁多薯蓉，入口幾滑，重奶味同幾creamy，但又唔會話好膩👍牛柳都好有份量，外層香脆裡面juicy，唔錯唔錯😁 不過就略嫌隻蝦有啲啲唔夠爽😅朋友話丹麥既豬出名靚，而且佢係一個薯條精，所以呢個餐岩晒佢🙈 豬扒幾嫰滑，薯條好厚實，佢話食完勁飽😂 好抵食，而家呢間餐廳係極少數唔駛收加一既西餐👏👏最後就係個丹麥朱古力餅，連個碟都係凍嘅😁 裏面嘅朱古力入口細滑，中間係夾左層酥餅，味道係好食！不過我自己唔太食得甜食到後尾就覺得有啲“漏”，但我對面果個食得非常滋味清晒😂😂 我強烈推介呢個甜品俾chocoholic👏👏👏

臨收工我最好個同事先話今晚冇飯食😅要我陪佢一齊食喎🤨仲話想請我食添😆😆有老闆梗係要賞面啦🥰鴻圖中心好多選擇...記得有間西餐主廚好好廚藝，之前已經想試呢度嘅大蝦牛柳🤤🤤今晚終於可以食到🥳🥩Danish Juicy Pork Chop 丹麥🇩🇰豬扒又真係幾好食喎😋多汁得嚟又唔韌，網燒到外層甘香👍🏽仲配埋粗薯條🍟🤩🥩Surf & Turf 😍我最期待嘅主菜🥳大蝦燒到乾身內裡爽口彈牙😋牛柳比較淋身肉味濃🤤燒到五成熟啱啱好💯🥣🥗🍮最後加埋個甜品Panna Cotta🇮🇹意式奶凍Perfect💓💓

行完山黎到觀塘食晚飯，被鐵板扒吸引左入左去食，而且免收加一。我叫左大蝦牛柳，男朋友叫左招牌西冷牛扒，加左$20要丹麥朱古力餅。每個套餐可以揀餐湯或沙律，包一杯餐飲。我揀左沙律，好大碟，份量好多。餐湯係忌廉粟米湯。大蝦牛柳要左燒汁，淋落去咋咋聲，真係好耐冇食啦。我揀左意粉，有唔少蔬菜，有大蝦又有牛柳，好豐富。牛柳要左五成熟，唔會好韌。西冷牛扒好大塊，邊邊有條肥膏，五成熟配黑椒汁。男朋友揀左薯菜，炸到好脆，好食。丹麥朱古力餅食落好似食緊朱古力磚甘，朱古力味濃，但幾硬。最後飲埋凍檸茶。