鴨仔冰室 (Closed)

行完山黎到觀塘食晚飯，被鐵板扒吸引左入左去食，而且免收加一。我叫左大蝦牛柳，男朋友叫左招牌西冷牛扒，加左$20要丹麥朱古力餅。每個套餐可以揀餐湯或沙律，包一杯餐飲。我揀左沙律，好大碟，份量好多。餐湯係忌廉粟米湯。大蝦牛柳要左燒汁，淋落去咋咋聲，真係好耐冇食啦。我揀左意粉，有唔少蔬菜，有大蝦又有牛柳，好豐富。牛柳要左五成熟，唔會好韌。西冷牛扒好大塊，邊邊有條肥膏，五成熟配黑椒汁。男朋友揀左薯菜，炸到好脆，好食。丹麥朱古力餅食落好似食緊朱古力磚甘，朱古力味濃，但幾硬。最後飲埋凍檸茶。