相馬日式火鍋 荔枝角

Open Now

Now Closed

相馬的大閘蟹放題真係超抵食🦀🦀🦀除咗大閘蟹任食、仲有送一盤蒸海鮮拼盤、點心及火鍋任飲任食。。。😋😋😋適逢大閘蟹季節，當然首選食大閘蟹先，每次每人2隻，可能食蟹嘅人都多，所以每次叫完5分鐘內就到，蟹大約每隻3両，都鮮味算有膏。首先侍應會叫你飲個胡椒花膠湯先，然後就放盆蒸海鮮拼盤，有蝦、魚柳、鮑魚、蜆及帶子等…火鍋湯底係胡椒花膠湯，湯底味道都濃，花膠都唔錯，仲無限供應。👍👍👍點心就個人認為一般，蒸牛肉球就唔錯，但蝦餃塊皮好厚，可以留返個肚其他嘢😅😅😅整體嚟講都唔錯👍👍👍

2023年第一間餐廳有任食大閘蟹～就係相馬大閘蟹迷既我，抱住50%既心去試，因為上年相馬好評差評各一半，都好驚中伏🥶點知食完覺得好值喎，性價比好高，會再幫襯我食8:30-11:30，平日3小時$438加一首先一坐低吾夠10分鐘就上左第一輪蟹，應該係蒸完焗住，暖身吾夠熱。膏好多，都有膏味，但當然吾夠當造既大閘蟹膏咁香啦，但9月就有得食大閘蟹，仲要有膏味，仲要任食質素，已算好好，可接受的蟹肉就一般，吾算鮮甜，但都吾會霉左，算吾錯。size就應該吾夠3兩啦，都幾細隻，但任食吾緊要啦，以旺取勝可以😌叫左幾輪蟹，6-15分鐘就上到蟹，速度超快然後揀一個鍋底打邊爐，揀左新出既胡椒豬肚湯底，好濃味呀，估吾到，因為平時日式放題湯式會好淡味，但個胡椒豬肚湯竟然好夠味，仲有啲咸😆我一路食蟹一路飲湯底，正一開始未有QR code，要上左個蒸海鮮（一次性）比你食先有QR code點菜，啲蒸海鮮就麻麻地啦，吾出好過出，不過粉絲幾好食，同埋海鮮精華落左去個湯底上面，仲好飲點餸有我最愛既海鮮：蜆都3-4款，無沙，肉大粒。鮑魚都好大隻，黎到仲識郁，好新鮮仲有讚社交平台有任食小聖子，聖子細細隻仲都多肉，不過就差唔多一半

在最後一日來個大閘蟹任食 ，和2020年決別可能因為沒晚市，來到才知由12:00可以吃到18:00。首先入坐我們沒選卡位，因為卡位只有一個電磁爐睇到食評坐2人枱，每枱都有一人一鍋電磁爐這樣比較衛生沒有共享食物而且坐位其實很多，所以給我們4人坐位，即我們有4個電磁爐。就可以一個爐蒸大閘蟹一個鍋食火鍋，係咪好開心呢!全部都係任食，服務員就說會先上每人2隻大閘蟹，同牛肩肉，少量海鮮我們可以稍候片刻先劃紙。大閘蟹好新鮮，全都眼仔碌碌海鮮很驚喜大頭蝦是活活的，又大隻又活躍嚇死我，放落火鍋要用煲蓋按實先，跳番出黎……最後我們叫左3轉大閘蟹，共12隻完全回本蟹膏味好香，白膏比較多，不過細細隻食多幾隻無所謂。無想過可以食這麼長時間，期間有些食客落街行下，回來再吃好驚見到比我們早來，到我們食完走都仲戰鬥緊的人不少朋友話真係好恐怖……佢地可能食到6點才結束，今晚不吃晚餐

早幾年因為我成日都要出trip，所以冷落咗A姐同大閘蟹，嚟到今年嘅大閘蟹季節，我唔可以再錯過喇！當我搵緊去邊度食大閘蟹嘅時候，就俾呢個「任食大閘蟹」深深所吸引。今次嚟到位於荔枝角嘅相馬日式火鍋，除咗可以任食大閘蟹，仲有日式火鍋同串燒放題，唔該俾多兩個胃我。大閘蟹一人一鍋就聽得多，但呢度係一人兩鍋。一人兩鍋？係呀，一個鍋係用嚟打邊爐，而另一個鍋就係用嚟蒸大閘蟹。每個鍋可以放入2隻大閘蟹，店員提醒，每次約蒸20分鐘就得，如果你主力想食蟹，每次差唔多熟就盡快落order叫下一round喇！咁唔知你哋食大閘蟹鍾意食公定乸呢？有啲人話乸多黃啲，但有啲人就話公會甜啲，真係各有市場。其實大閘蟹乸嘅蟹黃主要係卵巢同卵細胞，吃落有一種沙沙嘅顆粒感，有啲似鹹蛋黃嘅質感同味道；而相馬日式火鍋嘅大閘蟹提供嘅就係我哋最鍾意嘅公呀！公蟹係唔會有蟹黃，只有蟹膏，而蟹膏係精囊同精液，我哋就好鍾意蟹膏嘅細膩同綿密，濃郁嘅蟹味真係非常吸引。另一重點當然係蟹肉，肉都幾扎實，好鮮甜。串燒等緊蟹嘅時候，可以叫啲串燒食住等。串燒選擇唔少，我哋只係叫咗雞翼同少少串燒，唔敢食太多，要留肚食大閘蟹呀！火鍋一人兩鍋嘅另一個鍋就係用嚟打邊

到咗10月梗係食大閘蟹嘅時候啦！上網不停搵，意外見到呢到介紹。。。無限時間大閘蟹放題，雙眼真係發光呀！Bk咗位準時到達。。。之後即刻落單，完全等唔切呀！全場人都不停食。。。四百幾蚊不限食真係好抵，仲有埋薑茶解寒，好周到!講真當晚淨係掛住食大閘蟹其他都無咩留意，如果唔洗每次落單都要搵店員的話會仲好，仲方便