天吉屋 (Closed)

有時愈多野揀愈麻煩！呢到就剛剛好喇！佢地仲有沙律菜可以任食（但岩岩貨源短缺所以有限）！天婦羅既不二之選！天吉丼（$128）⭐️⭐️⭐️⭐️⭐️有齊大部分天婦羅應有既材料！蝦唔會有梅既味道，炸出黎鬆脆唔會成口粉同唔會好油膩。相信個飯同啲汁都幫到唔少！食哂啲炸物先食飯都唔會覺得啲飯太齋！因為啲汁都好野味！天吉雙品（$118）⭐️⭐️⭐️⭐️⭐️真係一次過滿足哂我地所有既願望！有飯有烏冬！重點黎喇！佢飯上面既炸洋蔥真係好過份！天吉丼無架！用啲炸洋蔥粒黎撈飯真係多多都食得哂🥰！推推推推

天吉屋攞過好多年日本既天賞🏅️主打天婦羅丼飯，菜單選擇得幾款，但係個人覺得絕對冇問題，整得好既話，菜式唔需要多☺另外呢度既蘿蔔漬、牛膀漬同埋椰菜沙律都係可以無限refill既，清爽感覺配合埋天婦羅食啱曬～ 1⃣️All Star 丼（$128）（圖一、圖三）一黎到已經覺得好多😳啲天婦羅堆好堆滿😍有黑虎蝦、石斑魚配紫蘇葉、軟殼蟹、魷魚、什錦炸物、雞肉、茄子、南瓜、四季豆、溫泉蛋。炸粉唔會厚，而且食落唔會覺得好油膩。特別鍾意佢地既溫泉蛋！好特別🤤未試過天婦羅既溫泉蛋，炸粉薄得黎，隻蛋一撩開，啲蛋汁流出黎～撈飯食一流！  2⃣️天吉丼（$128）（圖二） 呢個絕對係佢地既招牌！連續蟬聯七年既日本天丼金賞✨黎到一定要試下！有黑虎蝦、魷魚、石斑魚、茄子、南瓜、四季豆、炸紫菜、溫泉蛋。呢款同All Star丼基本上配料差唔多，不過佢就冇左軟殼蟹、雞肉同埋什錦炸物，但係就多左炸紫菜。另外佢既魚係大塊好多😋比既石斑魚係一大件魚柳咁大塊。食落好滿足！  

足料天婦羅丼飯，價格唔算貴，味道講真就一般經過路過可以一試，但不用特意去食 每一款丼飯既炸物都好充足，一上枱見到個下好滿足，但食落就淡到估佢唔到😂 幾乎每啖天婦羅我都一定要沾滿醬油先食得落，否則真係無味道 特別係海鮮類，魷魚食落完全無魷魚味同魷魚既爽脆口感（我朋友甚至直接問我「乜依家既天婦羅丼飯會加魚蛋架咩？」😂🤣🤣），真係食落勁似白魚蛋 😂😂 魚仲衰，筷子一夾落去，外衣直接同魚分離剝落，而且個外皮淋到一睇就知炸完擺左係到好耐，耐到已經濕哂與其講食緊天婦羅魚，不如講食緊蒸魚好過，仲要係無味個款😂最後講下熱度，上菜既時間極快，好明顯唔係即炸，成碗飯都只係暖，完全唔熱～～

平時食天婦羅都係食炸蝦🍤多估唔到旺角有間係專食天婦羅飯🤤而且原來有好多唔同款既天婦羅😯全部都好豐富添啊👍🏼——————————————————🍴天吉丼($128)呢個天丼飯可以話真係咩都有😆鍾意食海鮮既朋友都一定要嗌呢個入面有黑虎蝦🦐石斑魚🐟同魷魚🦑全部海鮮都唔會炸到勁韌勁油❌而且本身係無乜調味 食個陣可以點汁一齊食除左呢啲天婦羅之外🙈仲有茄子🍆南瓜🎃四季豆 炸紫菜同温泉蛋🥚成個飯真係巧豐富🤣温泉蛋仲可以吉穿蛋黃嚟撈飯🤤重點‼️呢個丼連續七年榮獲日本天丼金賞🏅咁好食真係有原因的😌

10月初去咗一轉東涌Staycation，當時老友送贈咗兩套「昂平360」嘅纜車飛，仲要喺水晶車添，當然，要答謝吓佢啦。所以，今晚專登約佢食番餐飯，選址中間位嘅「朗豪坊」，大家都方便走，而餐廳就翻兜「天吉屋 」，因為兩年多前食過，有保證，餐牌面更印住連續7年榮獲日本天丼金賞獎，實力自然秤高一線。咪睇佢個鋪面細細，裡面可謂別有洞天，地方唔細，一室木系，配以和風裝潢，雅致而有份暖和感。佔大部喺卡位形式，塊間板特別高，我就頗鍾意咁嘅設計，因為私隱度相對多啲、防疫效果又好啲。翻一翻餐牌，賣嘅嘢唔多，但就夠專。菜品只有5款，但每款嘅天婦羅都有唔同配搭，定價$118-$178，而貫徹日本人做菜嘅認真，用上秘製天婦羅粉、秘製天丼醬汁、北海道七星米、自家調製柚子胡椒沙律汁。飲品方面，選擇唔多，只有幾款罐裝飲品，數款日本酒品。不過，唔多選擇都無問題，因為有牛蒡茶供應。牛蒡茶一坐低，店員就奉上一大壺自家沖製嘅牛蒡茶，近年都有唔少人興食牛蒡，據網上資料，牛蒡茶有去油膩降血脂嘅效用，夠養生，配天婦羅就啱晒啦。飲落有種獨特嘅香氣，味道回甘順喉，感覺幾舒服。椰菜沙律所有菜品都會包埋牛蒡漬、蘿蔔漬、椰菜沙律及麵豉湯

天吉屋，來自日本而我只係台北食過既天婦羅飯必試店，終於可以係香港就食到就係只做天婦羅，專業做天婦羅，由炸粉到食材到醬汁都自家製，咁先食到佢設計既個個味道環境都係簡約日式，闊落舒服，餐牌當然就係天婦羅餐，睇下想食咩餸咁先上沙律，菜絲配柚子汁，幾refreshing，啱晒清清個口同個胃迎接天婦羅天吉丼，未食過就梗要試下依個先啦，滿滿既套餐上枱就係吸引事不宜遲，先試放正係面既黑虎蝦，唔算大隻，炸得好外脆，粉唔係鬆個隻但都唔厚，夾埋天婦羅汁好好味，蝦肉好嫩滑什錦炸物，大大舊好脆，濃調味過蝦，配飯都好啱講到配飯，點少得我既天婦羅最愛，溫泉蛋，溫泉蛋天婦羅配珍珠米配汁同醬油我死了另一個叫左天吉雙品，俾佢個烏冬吸引左，有迷你丼加個烏冬，烏冬走一般稻庭烏冬沾既食法，好吸引烏冬口感好好，有咬口而夠滑，配天婦羅更減油膩感同罪惡感四季豆天婦羅意外地好味，入面幾腍幾得意最正既天婦羅料個人認為係海紅鯛，唔厚粉，肉質非常嫩滑，有口感，魚既鮮味仲好有烏冬好吸引但如果真係要揀天婦羅既溫泉蛋令到飯都係必然之選價錢相當合理，唔使去(其實係無得去)台北食lu #食完後悔無食Allstar丼#如果有佢既醬油賣都幾好

🌟朋友介紹這間食天婦羅為主的餐廳，唉！又要破戒食熱氣野，對我來說實在太邪惡了，都係唔好諗咁多食咗先講🤣 🌟餐廳好細心，一入座就有杯牛蒡茶比大家清下熱 ✨🦀🍚🦐🍚選了兩款丼1/🦀🍚軟殼蟹丼$158 餐跟有🍵麵豉湯 🥗沙律 🥗沙律可再添，🍚白飯可追加$15🦀軟殼蟹、🥬炸皇帝菜、🦐櫻花蝦、南瓜、🍆茄子、🥚溫泉蛋 ～完全同menu 相一樣好大碗，軟殼蟹和其他炸物，真係似山咁高，見到都好開心，不過最好食完沙律後先開始食飯，令自己開胃啲😆，巨大的軟殼蟹，起碼有4-5件，厚肉又多汗，最特別有炸皇帝菜和櫻花蝦，溫泉蛋外脆內軟送飯一流，其實真係好多食材，好抵食，又好味，一定肥肚😋 🥗沙律配柚子醋 ～沙律配柚子醋非常開胃，唔夠可以再添 🍵麵豉湯有🥕紅白蘿蔔、牛蒡、豆干絲、豆腐 ～鹹味適中，正常口味 2/🦐🦑🐟🍆🥚🍚天吉丼 $118 餐跟🍵麵豉湯及🥗沙律🍚白飯 主角🦐黑虎蝦、🦑魷魚、🐟海紅鯛、🍆茄子、四季豆、炸紫菜和🥚溫泉蛋 ～喜歡食蝦好啱食，新鮮爽口，魷魚彈牙，魚都大件，炸完味有點出，四季豆和茄子正常味道，紫菜脆口，最愛溫泉蛋😋好多食物，好似飯反而唔夠食，所以可追加$15加多點飯 🏆榮獲連續五年

一個天丼能夠連續七年榮獲日本全國丼聯盟金賞，必定有其過人之處。位於旺角朗豪坊的天吉屋，他們的天吉丼正正就是獲得這個金賞殊榮的得主。餐廳主攻天丼，選擇不多，只有五款，分別有金賞「天吉丼」、香港限定的「軟殼蟹丼」、份量十足的 「All Star 丼」、三種食法的「天幕御膳」和烏冬+小天丼的「天吉雙品」。為了保持天丼品質，所有天婦羅都是即叫即炸，並用上秘製天婦羅粉、秘製天丼醬汁和北海道七星米，打造一碗美味的天丼。天吉丼（HK$118)👍👍👍👍👍榮獲連續七年日本天丼金賞獎的人氣天丼 - 天吉丼，材料主要以海鮮和野菜為主，有黑虎蝦、魷魚、海紅鯛、茄子、南瓜、四季豆、炸紫菜和溫泉蛋。新鮮即叫即炸的天婦羅，外脆內軟，配合天丼醬汁和北海道七星米，材料多之外，每件食材都很大份，滿足感十足。天吉雙品（HK$108)👍👍👍👍天吉雙品是一份烏冬配一個小天丼，烏冬可選配冷或溫。夏天天氣炎熱，配一份冷烏冬就最適合。冷烏冬採用了稻庭溫度，口感比較煙靭，加上柚子皮、紫菜、芝麻，佐以冰涼的鰹魚汁，透心涼！小丼飯有什錦炸物、黑虎蝦、茄子、四季豆、溫泉蛋，下面還有一層米飯，拌以溫泉蛋來吃就更好味。椰菜沙律👍👍👍👍椰菜絲沙律

呢年幾真係homesick得好嚴重，唯有到處去日式鋪頭食下玩下，一解思鄉之苦。天吉屋係一早bookmark嘅餐廳之一，平時晚餐實會大排長龍。所以今日趁公司要消假就喺閒日過黎撐枱腳。內堂可以直接望到廚房，睇見師傅落力咁烹煮，就佑呢度嘅炸物即叫即炸，品質有保證。呢度餐點只有5款，啱晒我啲有選擇困難嘅麻煩友。一場嚟到，就梗係點呢度嘅主打啦，天幕御膳＆天吉丼。兩款都份量十足，絕對值回票價。落完柯打，即刻送上椰菜絲，冰凍又爽甜，再配埋甜柚子醋，開胃之餘又解膩。食完炸物最啱再食多round幫助消化。天幕御膳有黑虎蝦／海紅鯛／軟殼蟹（店員解釋因為魷魚無貨所以轉呢個替補）／炸洋蔥餅／茄子／南瓜／炸紫菜及四季豆等。每樣都炸得香脆又唔油膩。呢個餐同鰻魚飯一樣有3種食法：原味／醬汁／茶漬飯，因為材料豐富，可以食勻全部食法。黑虎蝦同鯛魚炸完後甜味更突出，沾上少少蘿蔔蓉同醬汁，味道更豐富。炸衣做得好乾身同鬆化，一啲油益味都無。日本過江龍果然名不虛傳。仲有當然唔可以放過茶漬飯啦(~記得問店員攞高湯)，覺得炸洋蔥最啱用黎整茶漬飯，一絲絲洋不但吸滿湯汁，本身嘅甜味同高湯十分配搭。招牌金賞天吉丼。同樣份量爆棚，材料同樣

樓高多層嘅朗豪坊無論日與夜人流都唔少， 各式餐廳集中喺最頂嗰幾層，今天又來到《天吉屋》 因為太掛住佢嘅『天吉丼』。還好早來一點才有位～先放下一瓶牛蒡茶， 茶味牛蒡味平衡， 呷一口甘香清潤～點餐後會送上 椰菜絲沙律， 淋上特製柚子醋汁， 非常清新醒胃餐前小食。套餐選擇貴精不貴多， 有幾款選擇視乎個人喜好的配搭。先喝每個套餐都有嘅味噌湯， 夠曬熱，味道唔錯唔會太鹹且有肉味。好想吃虎蝦， 『天吉丼』是最佳選擇。 用了秘製天婦羅麵粉， 油溫控制得好好，而且係即叫即做趁熱食好重要， 一口咬落夠鬆脆香口， 絕無油膩感 ， 黑虎蝦好新鮮， 炸後保持鮮嫩甜味～～ 雙蝦炸法增加口感， 等於四隻蝦了，吃得夠爽! 其他材料還有魷魚，茄子，海紅鯛， 四季豆，南瓜 ， 炸紫菜，溫泉蛋。襯熱可以先篤穿溫泉蛋，蛋汁融入米飯 ，加入少少天丼汁～～ 真係好吃到冇朋友！！海紅鯛也是鮮味非常！ 魚肉嫩滑。 魷魚就好像魷魚糕，較腍身又工整， 唔似原隻魷魚仲有啲似墨魚肉。茄子也做得好吃，大大件又唔會索滿油。吃炸物同時也不能少嘅漬物， 蘿蔔漬 ，牛蒡漬。牛蒡好爽脆， 蘿蔔酸酸地解膩 一流！朋友選了『天幕御膳』， 有三食法更加滿足

🍤Tendon天吉丼🎏 HKD 118—————Finally tried their famous tendon! Went after work and thankfully, got to have the second last table of the day!Doesn’t this bowl look incredible!? For sure the best tempura I have ever had, but then again this is also my first time at a restaurant that specialises in tempura.My favourite were the prawns (so fresh and juicy!!! And well seasoned!) and the pumpkin slice (love its sweetness!). I was most impressed by the tenderness of the fish and squid, the texture inside w

天吉丼($118)黑虎蝦，魷魚，海紅鯛，茄子，南瓜，四季豆，溫泉蛋，紫菜天慕御膳 ($148)黑虎蝦， 海紅鯛配紫蘇葉，軟殼蟹，洋蔥，魷魚，茄子，南瓜，四季豆，紫菜快餐店模式，始終係天婦羅專門店，天婦羅粉係幾薄，冇好油膩嘅感覺，可惜上枱時，唔夠熱食材方面，天婦羅溫泉蛋做得好出色，撈飯真係好好味；魷魚厚身，彈牙又唔靭👍🏻👍🏻👍🏻👍🏻；炸雙蝦係天吉嘅特色，不過老實講，味道冇特別加分；紅鯛同軟殼蟹一般般(不過以價錢來講，冇投訴)；蔬菜類(四季豆，南瓜，茄子)就正正常常食到後面，覺得有啲太乾，有試試天茶漬飯食法，有另一種感覺，不錯不錯Overall，性價比好高，一個天丼，有好多配菜，椰菜沙律可以任添，我encore左好多次，因為柚子胡椒dressing好好味，酸酸地叫上微辣，又好開胃，另外，牛蒡茶都好好飲，有幫助去油膩，食完真係飽咗成日

▲天吉屋嘅丼飯真係太巨型，即便2個女生share都無問題！乖乖地忍口減肥（幾時有？），偶然都要食下邪惡嘢，比自己放下假！🙈​今轉我就嚟朗豪坊嘅天吉屋覓食～呢間過江龍舊年6月已經嚟咗香港，我都係最近先去食～​呢度出名炸天婦羅丼飯，以獨特油粉比例，令炸物擁有特薄炸皮，且口感份外爽脆！其中，佢哋嘅主打天吉丼，仲連續五度蟬聯日本全國丼聯盟全國丼評比大賽之天丼部門金賞獎添！真係威名遠播！​難得嘅係，佢哋咁有名，食物份量大，位置又要喺朗豪坊，一個丼飯都係賣緊百零蚊，真心唔算貴，CP值幾高！​▲朗豪坊食飯嚟講，天吉屋都算CP值高。▲店內裝修以簡約和風格調為主。▲每份丼飯都有極多天掃羅，份量勁多，非常誇張。✦天吉丼 呢碗丼飯一上枱，份量大到嚇死人，成碗丼有我2/3個頭咁大！正常女仔實食唔晒！😂​丼上有黑虎蝦、魷魚、海紅鯛、茄子、南瓜、四季豆、炸紫菜，以及溫泉蛋，勁多餸！​我覺得最得意喺佢哋嘅黑虎蝦，一舊天掃羅連住2條炸蝦，睇Menu介紹就話呢種炸法為「雙蝦」炸法，係天吉屋獨創嘅，目的係令炸蝦口感更豐富。個人覺得都ok，蝦肉雖比傳統一條過嘅巨型炸蝦少，但因為佢炸皮脆薄，咬上口唔膩，反而幾突出蝦肉嘅鮮甜味

天婦羅是日本美食之一，講究食材新鮮、席前即炸。在日本當地，既有動輒接近20,000円一位的omakase高級天婦羅餐廳，也有相對親民（每位消費2000円左右）、百年歷史以上、裝修古舊的老店。至於天丼，可以形容為庶民版本的天婦羅。天丼起源於江戶年代（1830年代）的東京新橋及淺草一帶，食法沒有天婦羅講究，沒有蘿蔔蓉/天婦羅汁、海鹽/綠茶鹽等等調味；只是簡單地將油炸完的食材鋪在一大碗白飯表面，然後再淋上小店的自家秘制醬汁即成。由於是大碗飯，既方便進食、又可飽肚，加上油炸食材香脆可口，可以刺激食慾；是當時的庶民美食。去到今天，天丼仍然較天婦羅便宜，甚至有幾百円一碗的天丼連鎖餐廳；當然，價錢高低同食材款式及份量成正比。近幾年，越來越多日本天丼餐廳進駐香港。曾經有百年老店「下町天丼 秋光」（已結業）；近期就先後有日本天丼連鎖集團餐廳、及連續數年獲得日本《全国丼連盟》天丼部門金賞的天丼餐廳進駐香港。今日就專程去了由去年年中開業至今，一直是人龍排隊店的「天吉屋」朝聖。說起上來也相當奇怪，此店隸屬日本某餐飲集團，但在日本只有新宿一間總店，反而台灣及香港就有幾間海外分店，而且全部都是特許經營。不過香港

日本過江龍的天婦羅丼飯，必定要試天吉丼，雙虎蝦的天婦羅肉質彈牙，不會以為食材炸過後會十分dry，即使是蝦肉及蔬菜炸過後依然也十分爽口，肉汁豐富。除了有虎蝦，丼飯還有魷魚、茄子、南瓜、紫菜。餐廳使用的珍珠米，顆粒分明，飯味濃。店家的温泉蛋及珍珠米白飯更令人慾罷不能。難怪店內有個選項是可以加錢任裝白飯。餐牌上共有五款套餐，而我點的是榮獲五年日本天丼金賞奬的天吉丼，味道十分讚，但只需$118，十分划算。