Domon 居酒屋 (淘大商場3期) (Closed)

札幌居酒屋@九龍灣醬油川海老係將啲海蝦炸酥脆有鹹香，做法幾特別，好香口。啲蝦就唔算好大隻，但都裝得幾滿～惠方卷係日本一啲節分食物，入面包住唔同嘅材料，象徵將福氣捲起。不過以前見嗰啲係好似手卷咁一條過好長嘅，依道就切開咗排靚靚，實物整得仲靚過 menu海老惠方卷卷咗好多種食材，有吉列蝦、蟹柳、甜蛋、青瓜同黃瓜漬，無加到飯反而啖啖都係料咁！天然火山石清酒煮馬刀貝用嘅清酒係北海道直送㗎，難怪清酒酒香四溢啦！食落酒味又唔會好濃，依然食到馬刀貝嘅鮮味。馬刀貝真係隻隻都好大隻，好好肉每樣串燒都有兩串，食咗燒栗子薯 ($28)、燒秋葵($28) 同燒開邊手羽串。燒蕃薯好甜～雞翼原隻開邊，雞皮燒得好脆 醬燒豚丼豚肉入味，而我係幾鍾意食蔥嘅 所以咁多洋蔥同蔥有加分～巨峰烏龍茶唔係太甜，唔錯！

同老公兩個人去撐枱腳，去了淘大花園的居酒屋，八點多外面都有一大班人等位，不過都係等左十多分鐘就有位，還可以接受。醬油川海老 海老BB炸到外殻鬆脆，再曬上點椒鹽，簡直是送酒佳品。燒秋葵+燒栗子薯+燒開邊手羽串秋葵色澤翠綠，而且很嫩很脆口；粟子薯更是我至愛，外皮燒至微焦，裏面軟腍帶甜，甜味是因為燒過而散發出來；雞翼燒至外皮帶脆，油脂都燒掉半，所以雞翼油份不多，不過略嫌太淡。天然火山石清酒煮馬刀貝馬刀貝新鮮，隻隻有三份一手掌大小，以清酒煮到剛熟，保留了海鮮鮮甜味而且不會煮過火引致太鞋，清酒味既香且濃，是海鮮絕配。海老惠方卷平時的卷物多數是以飯為底，但這毎卷物則以腐皮為底，包著蛋、青瓜、炸蝦等，感覺不似主食，反而是小食。醬燒豚丼飯面舖上了很多黑豚肉及洋葱，豚肉味道較平的豬肉濃味，加上醬汁帶點甜，伴飯更開胃。巨峰&水蜜桃烏龍茶不算太甜，加上烏龍茶味道較清新。

朋友住淘大花園，我在九龍灣放工後順便過去約佢食飯，佢就帶了我去這間日式餐廳，外面都好多人排隊，大既等了十五分鐘才有位。餐廳價格算平，幾十蚊一個小食，丼都是六十多元，串燒就十廿多元起，晚市一點都不貴。醬油川海老：這個小食最啱送酒，蝦仔炸到外殼香脆，帶點咸味。海老惠方卷：紫菜包著腐皮，裏面有青瓜、蛋、蟹柳及炸蝦，炸蝦還帶脆，而且粉漿很薄，蝦肉爽口，卷物很清新。天然火山石清酒煮馬刀貝：馬刀貝很大隻，煮至剛開口，酒味香濃，馬刀貝新鮮味道鮮甜。燒栗子薯、秋葵及開邊手羽串：粟子薯煙韌軟糯，外皮有點燴番薯的香味，帶點香甜；秋葵完全去掉外層滑潺潺，非常爽脆；燒雞翼外皮燒得香口。醬燒豚丼：黑豚肉不會太油膩，豚肉嫩腍，加上洋葱及帶點味的燒汁，配上珍珠飯撈飯一流。水蜜桃烏龍茶：淡淡的水蜜桃香味，又不會太甜，不過茶味略嫌較淡。