幸福班戟 (Closed)

食完燒肉甜品胃發作，轉場食甜品，去左幸福班戟。周六晚上7:30到唔洗等位。今次坐室內，可以見到店員即場製作圓圓同厚厚嘅空氣感班㦸。幸福班戟係日本人氣即叫即製班戟，基本餐牌一如既往，有甜有鹹班戟，甜味有6款而鹹既有4款，款式上其實唔算多。飲品方面選擇都少，主要係普通咖啡同茶。好彩有期間限定款式，新野係一定要試試。日本國產栗子班戟 $158 另加一呢款日本國產栗子班戟係期間限定，又到食栗子嘅季節，一定要試吓。班戟一客三大件，一上枱已經聞到好香蛋味，班戟果然係軟綿綿，可惜今次唔太夠熱，只係微暖。平時嘅忌廉變左香滑甜滋滋嘅日本栗子蓉，上面加左1粒日本栗子，煙韌乾蔓越莓同脆口殼物加添口感。伴碟仲有格雷伯爵粉末，食落有淡淡茶味。雖然得一粒日本栗子，不過質素勁高，又甜又實，係我食過最好食嘅栗子。日本栗子蓉質素亦都好高。加$15可加配雲呢拿雪糕，一定要加，熱班戟點少得身為最佳拍檔嘅冰凍雪糕？鬆軟蛋香十足嘅空氣感班戟再加上熔化雪糕，香滑栗子蓉，煙韌莓乾同脆口殼物，多重口感同味道，正！日本栗子配開心果芭菲 $142 另加一幸福班戟居然都有芭菲，不過呢個並唔係傳統芭菲杯，而係開心果雪糕球兩個同香草雪糕一球，

知道呢間幸福班戟開業好耐了🙈之前食過Flipper's後就未有再試其他，今次終於泥食！🤣去到都好多人排隊，我整身片本身都預左要等好耐，所以都唔緊要🙈當我入到去發現其實都有幾張空檯，但就奇怪佢哋唔會即時叫人入泥😂奶茶班戟配自家製殼麥($133)班戟有啲實身，並不是疏乎厘嘅口感，亦唔會好快塌落泥。自家製殼麥係蘋果肉桂殼麥，夾埋班戟食可以增加口感。而奶茶醬味道偏甜，不過班戟點奶茶醬食就剛剛好甜度：✨✨✨✨蛋香：✨✨空氣感：✨✨* 5✨為滿分個人比較喜歡呢個口味。原味幸福班戟($108)焦糖漿有啲苦澀味，所以我夾埋牛油一齊食，味道會較好。不過友人覺得焦糖漿唔係好苦，可以接受。甜度：✨✨蛋香：✨✨空氣感：✨✨* 5✨為滿分與友人一齊share食，大家都覺得雖然呢個係份量唔多嘅甜品，不過食完好有飽腹感。我個人鐘意多空氣感和蛋香多啲既班戟，而呢度價錢亦唔算好平，試過就算了。🙈

又一間日本開過黎香港嘅班戟店點可以少左我，唔去朝聖?!話說開張果個月已經去過但因為係夜晚去，條隊排到出九龍🙈唯有放棄......終於搵日的起心肝，11點就去已經滿座+有2pair人排緊隊好彩都快入座 即刻叫野食(不過已經冇左剛開張嘅抹茶味班戟)奶茶班戟配自家製殼麥 $133就甘睇，個醬好似咖喱份量有3件其實都唔算少+cream+提子乾殼麥嘩嘩嘩!!不得了!!軟綿綿甘，入口鬆軟，又有蛋香味，配個奶茶醬別有一番風味。食落完全唔覺飽，黎多碟都仲可以Cream係重點原本我唔鍾意食cream，因為一堆野甘好冇質感但幸福班戟呢間嘅cream完全唔係果回事佢係比較硬身又甜，令到我愛上左，食唔停一邊食個班戟一邊叫，真係好滿足，好有幸福嘅感覺! 食完甜試埋佢個鹹班戟全麥班戟配芝士蘑菇奄列 $118先講左個芝士蘑菇奄列，都算唔錯蛋都幾滑，只係覺得芝士同肉醬(蛋出面橙紅色嘅料)夾埋一齊食嘅話唔太夾到，分開食會好點，有兩種唔同嘅感覺指於全麥班戟黎到其實睇得出佢似面包多啲食落口果然有面包嘅感覺比較硬身同乾，而且冇太大嘅味道，只有淡淡嘅殼麥味食左幾啖已經覺得好飽我諗鹹班戟係為左各位陪女朋友黎食嘅男士而設 甜品當正