ROYAL INN

Open Now

Now Closed

每次經過都會比餐廳門口花束吸引到，今次提早book位入去食嘢順便打卡，門口設計成凱旋門，以白色為主調，歐陸風嘅裝潢令整個空間顯得既優雅又浪漫。香脆豬面頰肉意大利松露小雲吞意大利醃製豬面頰肉炸至香脆，小雲吞裏面嘅松露香氣十足，與嫩滑嘅嫩菠菜同濃郁嘅creamy sauce巧妙結合。招牌威靈頓羊架用酥皮包住羊架，羊架肉保持著肉汁豐富，香菇醬嘅鮮美與巴馬火腿嘅鹹香相結合，為羊架增添咗層次感同深度。開心果蘋果玉桂班戟班戟軟軟糯糯，加上蘋果同玉桂嘅甜香味，整餐飯完美作結。

去過觀塘姊妹店INN覺得唔錯 決定造訪一下The One嘅Royal INN 佈置一貫其純白色歐陸風情⛲️門口有一個花藝打卡位💐營造出一種浪漫而精緻的用餐氛圍🍖威靈頓羊架 ($298)招牌菜🌟值得try try 成日聽威靈頓牛 羊架就第一次食😚羊肉好粉嫩 羶味不重 同香脆酥皮好夾😋酥皮入面有黑松露蘑菇蓉 巴馬火腿 同羊架! 好多層次～🥘香脆豬面頰肉意大利黑松露小雲吞 ($158)雙重黑松露♠️每一顆小雲吞都充滿香氣😍再配上濃稠嘅黑松露奶油醬汁🖤黑松露控滿意🍎蘋果金寶 ($58)面頭有牛油crumbles 包裹著微酸嘅蘋果內餡 淋上雲呢拿醬更好食✨優惠來了😚慶祝開業一週年 由即日至12月18日 餐廳推出左兩款優惠 包括買主菜送前菜、$188 2小時free flow🔎詳情可以睇返餐廳社交平台———————————————📍Royal INN 尖沙咀The ONE 1樓L121號舖

臨時決定改咗呢間，訂位時間太晏，最後揀咗Walk in，只可坐out door~餐廳幾靚 ，有小夜燈，坐左outdoor❤️天氣都幾好～outdoor嘅景色唔錯。嘢食都幾好～4分鐘後食左二千幾蚊🤗朋友很開心🥳鴨肝幾好食😋好肥美～白松露薯條一般～威靈頓羊假+油封鴨髀最好食💕會再次光顧😜😜😜

環境 打卡一流 （有扣分位 唔應該係一間高級少少餐廳出現 食飯途中 係客人進食期間倒垃圾 有垃圾味同烏蠅🪰仔飛出 但眼見廚房入面乾淨企理）服務 一般 無特別唔好 侍應即叫即有服務 有唔會chur住叫餐 有適當空間比客人 鑽 地方傾計幾好選擇食物叫左一樣前菜 兩樣主菜 一個甜品 一杯cooktail 一杯白酒前菜 harms and cheese 初頭以為係齋有火腿芝士 原來有配菜 脆多士配芝士好味 脆多士較硬身 無花果清甜鮮膩 沙律菜係火箭菜 新鮮 芝士有兩種口味 另外配有 酸瓜及欖欖 用意大利烏醋做沙律汁 開胃主菜 餐廳招牌菜 威靈頓羊架 叫左五成熟 火喉剛好 肉質淋滑 有羊味但無羊臊臭味 但酥皮麻麻 無層次 sauce 酸酸甜甜 開胃解羊肉油膩感 配菜 焗蒜頭 焗唔夠時間 蒜眾有辛辣味 沙律菜新鮮 貴價菜 焗薯角 個皮好韌 另一主菜 黑松露 菇意大利粉 好香香草味 同黑松露好相配搭 鮮香草味特別甜品 開心果蘋果玉桂薄餅甜度足夠 但不會太甜 好好結尾 推介要叫黎試試整體上不錯 不過價錢偏貴 份量不多 女生夠食 我見隔離枱食牛扒類 好吸引 片有機會可以一試

Royal Inn 位於尖沙咀The One，於2022年開業，是一間法國宮廷風餐廳，主打傳統法國菜，以摩登風格製作菜式。 餐廳的裝潢以純白色為主，門口設有小型巴黎凱旋門打卡位，經典黑白格紋地板及浮雕裝飾，並搭配古典水晶燈，讓人有置身於巴黎的感覺。 我們選擇了兩款前菜「牛油果吞拿魚他他」及「香草牛油焗田螺」，粉紅色的吞拿魚他他放在牛油果醬及沙律上，旁邊伴著粟米脆片，清新開胃！「香草牛油焗田螺」一上枱面香氣撲鼻，田螺鮮嫩，有滿滿的香草味道，而薯蓉很香滑，牛油香味突出，配上薄脆法包，是完美配搭。店員上菜時，會同時送上田螺夾及專用叉，方便食用又衛生。招牌菜「威靈頓羊架 」Lamb Wellington，平時常常聽「威靈頓牛扒」，「威靈頓羊架」真的第一次吃。外層的酥皮脆脆的，裹著羊架在中間，羊肉的調味也不錯，羊的臊味不重，怕羊臊味的朋友也可以接受的。配上原個烤蒜頭、薯仔及沙律菜。「紅酒牛肋扁意粉」是幼身的扁意粉，蕃茄味濃郁，牛肋肉淋身入味。「白松露薯條」長形粗身的薯條，非常香脆，加上一片片的白松露片及少少黑松露粉，味道香濃，更配上松露及蕃茄兩款醬，吃不停口。

依家餐廳冇打卡都好難淨係靠美食嚟吸引顧客，而依間正正就是環境吸引嘅我，結果佢嘅美食更加令我有深刻印象The one 多美食就個個都知道，今次就嚟試吓依排成日係IG見到嘅打卡餐廳“Royal INN”未入去食就已經見到門口嘅凱旋門，而且成個環境都好適合打卡或者三五知己一齊嚟食嘢吹水，感覺好寫意，不過一定一定要提早少少預約，唔係就會好似我咁，要坐門口嗰幾張枱，瞬間感覺差咗一半（因為門口比較光，而且比較冇咁私隱） 食物款式都唔少，紅字就係餐廳推介，咁緊係要點嚟試吓牛油香煎蟹餅 Crab Cake $128上枱嘅時候有少少似薯餅，但一切開就見到滿滿嘅蟹肉，表面煎到好香脆，但係裡面嘅蟹肉又唔會乾晒，單吃已經非常美味，而再配上醬汁一齊食，就是另一種味道（不過個人口感覺得單吃比較好，因為醬汁有點膩）炭燒18小時慢煮牛肋骨Sous Vide Beef Rib 16oz Medium $358雖然話已經炭燒咗18個鐘，但係食落去都唔會好乾身，咬落去仲好Juice，而且冇咩筋位，所以食落去唔需要多咀嚼已經可以吞下去，肉味都好濃，而且落咗少少岩鹽，提起咗佢嘅鮮味，不用額外點醬也已經夠味威靈頓羊架 Lamb

之前一直講話開關之後第一時間想去法國🇫🇷巴黎 但機票真係太貴 有次行街見到原來尖沙咀有間餐廳用凱旋門嚟做主題 超surprise喺嗰度食嘢足夠fulfill個旅行夢❣️𝐿𝒜𝑀𝐵 𝒲𝐸𝐿𝐿𝐼𝒩𝒢𝒯𝒪𝒩𝒮 威靈頓羊架 $288第一次食羊可以揀熟成度 今次嗌嘅係5成熟酥皮外層即焗勁酥脆 一咬落去完全散開 清楚見到一層一層切開羊架 酥皮吸收咗羊架油脂 肉質相當鮮嫩 勁濃羊香味一啲都唔騷 再淋上燒汁增添香甜就連配菜都烤焗到啱啱好 薯粒外脆內軟 最意外係大大粒蒜頭花🧄未食已經聞到勁大陣蒜香味 吸收咗黑椒香草嘅精華 口感清脆嗆鼻 十分過癮❣️𝐹𝑅𝐸𝒮𝐻 𝒯𝑅𝒰𝐹𝐹𝐿𝐸 𝒮𝒫𝒜𝒢𝐻𝐸𝒯𝒯𝐼 鮮刨意大利黑松露野菌意粉 $188面頭放左芝士片同即叫即刨嘅黑松露片 每條意粉都沾滿黑松露醬 好香好香意粉比較硬身爽脆 野菌份量都唔少 呢個都幾抵食❣️𝒮𝒞𝒜𝐿𝐿𝒪𝒫 𝑅𝐼𝒮𝒪𝒯𝒯𝒪 香煎北海道帶子番紅花意大利飯 $188三粒大過十蚊銀嘅帶子微微帶焦 加入番紅花嘅risotto香氣撲鼻 飯粒沾滿醬汁 口感濃郁稠密🫶🏻仲有呀 餐廳有個戶外露台位 清楚見到清真寺🕌️遠眺西九龍 IF

終於來到這個餐廳吃晚飯，凱旋門的設計，像是令人置身在香謝麗樹大道，室內環境不錯，室外更有地方方便人客吸煙。置身在露台的位置，可以飽覽尖沙咀晚上的景色。翻開餐牌，看到不同的法國菜式，感覺很好。於是就進行點餐，點了：1）Mini Spinach Quiche 菠菜批說實話，這個不是一個mini版，可以作為前菜。菜式來到的時候覺得好香，我自己本身唔太鐘意食菠菜味，但這個菠菜批沒有太多的草青味。用刀切一下分1/4給女朋友吃，非常順利，而且切下去的時間有煙氣噴出，證明熱辣辣，不是預製。配合牛油青菜，十分香口。2）Beef Skirt Steak 8oz作為西餐，當然要試一下牛扒。牛扒有牛味，淋淋地，但又有啲銀，或者這是法式煮法，感覺頗新奇，而且也有配菜薯仔，好彩無額外叫，哈哈哈。跟上面菠菜批一樣，切開薯仔有煙，好熱辣辣，而且好飽。3）另外我們也點了Lamb Wellington。這個威靈頓羊架，感覺很新奇，把酥皮披上羊架上，感覺不是國王的新衣，而是切切實實的好味道。個酥皮幾脆，落左少少鹽，羊味幾濃郁，唔算太蘇，好淋，好易入口。另外個配菜焗蒜蓉好好味，羽衣金藍也是好拍擋。整體感覺不錯，也是一個大滿

勁靚嘅餐廳，好有歐陸風，好啱打卡，幾個女仔嚟影吓相食吓嘢咁消磨時間不錯👍🏻👍🏻臨近新年，餐廳都配合有新年氣氛嘅裝飾🧧威靈頓羊架($268)有驚喜，羊架非常嫩滑，羊羶味唔會太濃，威靈頓牛就食過，但羊架就第一次👍🏻食落都幾滿意，不過份量多啲就好😆鮮刨意大利黑松露野菌意粉($188)第一次食鮮刨黑松露😍好高級咁～擺盤精美，意大利粉比起平時食嘅粗身少少，有咬口唔會煮到好淋👍🏻黑松露味濃郁，好味😋法式班㦸($88)，檸檬茶($26)一睇就知係打卡able 😬香蕉面嘅焦糖燒得焦脆，配埋榛子醬真係冇得輸🥰檸檬茶不過不失，正常水準～

餐廳主打白色宮廷風格，配上很多色彩繽紛花花💐和粉色擺設，而最最最注目的就是門口的mini版凱旋門，大家可以輕易發現餐廳滿滿打卡位置。而在我用餐的時候，門口的擺設和凱旋門長期都有人排隊影相......🌱牛油香煎蟹餅蟹餅擺盤很靚。外面夠脆而且入口熱辣辣。上面還放了蕃茄、芒果、洋蔥粒。整個份量算大粒，蟹味幾濃又唔腥。唔錯～🌱香煎海鱸魚伴北海道帶子兩小塊鱸魚魚皮香煎夠脆而且肉質剛好，配埋上面大大粒帶子，新鮮好味🌱威靈頓羊架原來威靈頓羊都有得成熟度，我就選了廚師建議最生的5成熟。外層酥皮算酥脆，而且不是傳統全包肉的款式。中層是最常見的磨蓉，最內層便是羊架～ 又估唔到羊架味道超濃但唔羶。羊肉今天也是焗得剛好，配埋個汁一齊食，算是不錯～🌱餐廳還有很多Cocktail可以選擇～ 可以一試

見到the one開了一間新餐廳，走巴黎宮廷風，十分打卡，在去不到旅行的日子，即刻和fd黎打卡。一到門口就見到巨大的凱旋門。因為快到聖誕節的關係，旁邊是聖誕樹🎄另一邊是裝飾好的長枱，打卡位滿滿，而且沒有安排客人坐，影相的時候不用等很久和就角度香草牛油焗田螺 $108比較少地方有牛油焗田螺，所以特登揀咗嚟試。田螺上碟嘅時候還很熱，配焗薯蓉一流。香蒜鮮大蜆扁意粉 $158 大蜆食得出滿滿的海鮮味，扁意粉口感厚實又彈牙。要注意一點是調味比較辣，不太能吃辣的朋友要提早過侍應提出。威靈頓羊架 $268 羊架有得選擇熟的程度，我們選了五成。用威靈頓牛扒的做法，不過牛扒變了羊架，一樣好食！外層酥皮中層是磨蓉加上Parma Ham，不會很鹹。值得一讚是中間的羊架，焗得剛剛好不會太鞋，而且羊羶味十足。要留意是晚餐有Minimum charge，每位$250。

無留意呢間係新開，也不知原來有其他分店。不是特別日子都好少係尖沙咀食晚飯，裝修真係幾靚，不過想影啲IGable嘅相會推日頭去。食物質素對得住個價錢但菜式唔係啲好特別嘅嘢，位與位之間其實幾密，張枱又細，一次過上齊食物其實無位放。暫時唔覺有人walk-in應該都係要訂枱先有機會食到。

The One真係好多野食，今日收工黎左The One既Royal INN試試，係一間法國餐廳。呢度裝修非常之有法國特色，有一道大大巴黎凱旋門，而且仲放滿鮮花。晚市有全日餐牌，有主菜，意粉，意大利飯，牛扒，海鮮，湯，開胃菜，甜品，飲品。呢度都有酒飲同有水煙食。今日第一次黎，叫左個招牌菜威靈頓羊架試試。威靈頓羊架 $268 另加一呢道菜式要等15至20分鐘。慢工出細貨，擺盤唔錯。威靈頓羊架一支骨，外面包住酥皮，一切開就見到熱氣騰騰，叫左5成熟，入面中間粉嫩，食落好嫩口，味道少少羶，塊酥皮都酥脆，原來入面包住塊Parma ham，所以食落鹹香十足。伴有甜甜地既肉汁，味道更好。配菜有炸薯角6塊，烤蒜同沙律菜配車厘茄。香煎芝士波菜雞肉卷 $198 另加一香煎芝士波菜雞肉卷一客4件，係好瘦既雞胸肉包住薄薄一塊Parma ham，最入面有菠菜同芝士。食落瘦中帶鹹香，感覺健康。醬汁清淡又夠濕潤。伴有新鮮法國長豆，酸甜車厘茄，紅黃蘿蔔仔同滑溜薯蓉。呢道菜式非常健康。白松露薯條 $78 另加一白松露薯條大大兜，薯條係粗身，炸得熱辣辣，外脆內starchy，食落啖啖澱粉質，上面加少少黑松露粉，香草同芝士片

放工同男朋友去食飯，一早預約定呢間好多人嚟打卡、係K11開嘅新餐廳🧚🏻‍♀️🌿香草牛油焗田螺之前吃貨嘉嘉去法國讀書已經好鍾意食法式焗田螺，田螺爽口得來有種好特別嘅味道，配上香草牛油一齊焗，每食一粒都覺得好幸福💕🦆香煎鵝肝伴莓汁鵝肝煎得好香、配上煮過嘅酸酸甜甜蘋果同莓汁，超！級！好！食！ 😍 鵝肝冇羶味，一試就知用料好靚～🐑威靈頓羊架呢個酥皮好鬆脆，入面係Parma ham同菇🥹配埋煎得啱啱好熟嘅羊架，肉汁爆棚👏🏻👏🏻🦆法式油封鴨髀鴨屁出面嘅皮脆到好似薯片一樣😍由於鴨髀好油，所以餐廳配上酸酸甜甜嘅沙律菜同新鮮無花果作為配搭～好夾呀！除此之外，呢度裏面同外面嘅裝修都好靚，打卡一流～🧚🏻‍♀️總結，吃貨嘉嘉覺得兩個人都係唔好叫咁多🤣🤣鵝肝、羊架加鴨髀會食到好油～可能減少一樣加個甜品會好啲🫶🏻