1017
47
26
| Restaurant: | ROYAL INN |
|---|---|
| Offer: |
Dine and earn miles at this Cathay partner restaurant ! Dine at partner restaurants and earn up to HKD4 = 2 miles as a Cathay member. T&C apply. |
|
Terms & Details:
|
|
|
|
Video
2-min walk from Exit B1, Tsim Sha Tsui / East Tsim Sha Tsui MTR Station
continue reading
Telephone
23218289
Introduction
It is designed with Paris Arc de Triomphe to create a romantic French atmosphere. You can savour traditional French dishes and creative dishes here. In addition, there is a French flower shop to build up the "Flower Capital" vibe.
continue reading
Opening Hours
Today
12:00 - 22:30
Mon - Sun
12:00 - 22:30
Above information is for reference only. Please check details with the restaurant.
About
About Reward Scheme
Offers
| Restaurant: | ROYAL INN |
|---|---|
| Offer: | Dine at partner restaurants and earn up to HKD4 = 2 miles as a Cathay member. T&C apply. |
|
Terms & Details:
|
|
|
|
尖沙咀宮廷風Royal Inn Cafe，樓底好高配上大型水晶燈和圓形拱門，空間感十足。Openrice而家做緊推廣，可以用優惠價預訂歐式宮廷風二人下午茶套餐，包括1個3層架和兩杯$28或以下飲品，任何無酒精飲品仲可享有半價優惠。第一層係精緻甜蜜：開心果焦糖燉蛋：燉蛋質感好滑溜，帶焦脆口感。迷你鮮果撻：色彩繽紛既鮮果和香脆曲奇撻皮，令人無法抗拒。柑橘瑪德蓮貝殼蛋糕：入口鬆軟，牛油味濃郁，仲有啖啖柑橘香味。七彩馬卡龍：精緻又悅目。第二層係鹹點小食：巴馬火腿蜜瓜：咸香既巴馬火腿跟清甜既蜜瓜，味道好夾。蕃茄肉丸英式小鬆餅：鬆餅烤得外層超香脆，蕃茄肉丸酸酸甜甜，非常開胃。鴨肝幕斯配無花果：鴨肝油潤甘香，無花果清甜，完美配搭。第三層係海鮮小食：龍蝦牛油麵包：烘得鬆軟既麵包配上爽彈既龍蝦肉，味道一流。煎蝦蛋沙律多士：多士烘得外脆內軟，蝦仁煎得恰到好處，配埋蛋沙律，層次感豐富。北海道刺身带子薄片：北海道刺身級帶子非常鮮甜，跟魚籽既爽脆相得益彰。總結，食物高質又好味，擺盤精緻，最啱約埋閨蜜嚟High Tea打卡。
continue reading
女士無論去到咩年紀都會有粿少女心，最鍾意啲靚靚嘅打卡餐廳。就算唔食得都睇得，同埋食嘢之餘影相又多一重收穫咁。呢一間餐廳Royal Inn絕對係有一種皇室花園嘅感覺。首先就有種感覺嚟到歐洲經過呢個法式凱旋門側邊做放滿滿咗花。黑白色嘅棋子地板、藤椅、太陽傘、大大嘅落地玻璃，全部都係精緻嘅打卡位。我同朋友就試吓食佢嘅午餐，百零蚊有三道菜非常抵食。餐飲揀咗鮮奶咖啡latte同埋凍檸茶咖啡拉花做得非常之咁精緻，凍檸茶甜度啱啱好餐湯係大蒜薯仔湯濃稠到煲得剛好，配襯買熱辣辣嘅牛油麵包野莓香醋沙律呢個沙律非常之咁醒，胃個汁少少甜酸，配襯埋鮮甜兩色嘅蕃茄仔，好似食緊水果咁甜，超正。好鍾意食菜嘅，我都食晒成碟，夠晒健康。香煎北海道帶子配意大利海膽飯兩粒帶子煎得兩面都金黃色，但係唔會過熟。意大利飯煮到啱啱開口，吸收晒海膽汁嘅鮮甜，味道夠晒Creamy ！香炸鱈魚配松露薯條其實就係英式炸魚薯條炸嘢就梗係香口啦，而且廚師炸到非常之香脆。個鱈魚柳嘅漿厚薄啱啱好，熱辣辣包裹住滑捋捋嘅魚肉，好味道！呢間餐廳外內涵兼備，睇得又食得！
continue reading
餐廳：Royal INN地點：尖沙咀The ONE菜式：法國菜餐牌：Express午市餐牌有5款主菜揀，價錢由$98至$118不等，另加一。加$18就包田園沙律或者是日餐湯2選1同$28或以下飲品，可加錢叫甜品。田園沙律 田園沙律大大碗，係沙律雜菜底，加上青瓜片同少少車厘茄，酸咪咪咁，好醒胃！燒美國豬肉眼扒 $128 另加一美國豬肉眼扒一大件，好多肉食，表面有明顯烤印，加上少少燒汁。豬扒多瘦少肥，肉質嫩口，豬味濃，加上少少香甜黑醋同綠色香草醬，再另上一細兜燒汁比你自己加。肉眼扒下面伴有幾件淋淋烤連皮薯仔，仲有鬼佬西蘭花兩條同烤蕃茄半個。面頭加上菜苗同食用花。食完都飽肚。牛油香辣蝦蒜香忌廉手工戒指意粉 $118 另加一Al dente手工戒指意粉撈有少少意式黃瓜粒同青瓜粒，個忌廉醬汁豐富，味道剛好，口感一流。面頭三隻牛油香辣蝦，味道一流，帶少少燶燶地香味，口感香脆爽甜。面頭灑上大量芝士碎同少少蔥花，仲有食用花瓣裝飾。餐飲包$28或以下飲品。飲品係用玻璃杯裝。梳打水 梳打水汽量適中，都好解渴。雪碧雪碧就加有一片檸檬，汽水都有可樂揀。今餐食物飲品質素唔錯，而且擺盤精緻，呢個午餐價錢實惠。餐廳裝修非常之有法國特色，有一道大大巴黎凱旋門，用水晶吊燈、雲石枱同木藤椅，好有歐洲風格。而且仲放滿花，每枱都有枱花，今日係三色小菊花，食物都影得靚啲，環境氣氛唔錯。
continue reading
The One依家法國菜真係好高質，佢成個環境都好靚，好優質，約會嚟食嘅話就好啱feel首先前菜叫咗一份蝦，鮮嫩多汁的大蝦，配上香氣四溢的蒜蓉，再加上小小辣肉腸嘅味道，新鮮得來又帶點香辣。而主菜我哋叫咗燒三文魚柳，三文魚柳肉質鮮嫩，燒烤得恰到好處，保留了魚肉的鮮甜，上少少檸檬汁更加可以提出佢嘅鮮味，底下嘅薯蓉都好滑。我另外仲叫咗一份野菌闊條麵，粉麵彈牙有嚼勁，搭配豐富的野菌，佢嘅汁都有奶香，好好味。
continue reading
🎉 喺ROYAL INN，呢間充滿法國風情嘅餐廳，你可以享受到有現代感嘅正宗法國菜。成間餐廳嘅巴黎式裝修，仲有迷你凱旋門同水晶吊燈，加埋一齊真係好有特色。户外花園啱晒你享受下午茶或者咖啡，夜晚嗰陣就似去咗法國鄉村咁，好啱傾下計，輕輕鬆鬆過一晚。
一入到餐廳，就覺得佢哋嘅裝修好有心思，成個感覺好舒服，好啱同朋友一齊嚟食飯同傾偈。我同朋友坐低之後，就即刻睇下餐牌。佢哋嘅選擇好多，由輕食到主菜，每樣都好吸引。
我哋最後揀咗幾款招牌菜式，每樣都整得好精緻，味道仲好正。成個用餐體驗好開心，同朋友喺度傾偈、食好西，真係好享受。
continue reading