翡翠拉麵小籠包 (Moved) New Location

其實新港城中心有幾多好野食，大家真係心知肚明。所以lunch好去處真係唔多，能夠揀嘅只有翡翠拉麵小籠包，同2位好朋友坐左入去食lunch~ 呢度嘅調味料好充足~~~ 一坐低，侍應生已經俾左杯玄米茶我地飲，上海野多數濃味，所以呢杯茶最啱~~~見到個咁厚嘅餐牌，一啲lunch menu都無，我就知道呢度係唔會為左做午巿而推出set lunch~ 封面好似好舊咁.... 本來我曾經有諗過食呢度嘅4色小籠包，最後都打消左呢個念頭~ 朋友堅持要叫呢客炸銀絲卷，的確呢客炸銀絲卷唔係好油膩，裡面仲係軟嘅，如果唔係點左啲鍊奶，其實真係一啲味都無，呢道菜實在係一道甜品咁。另一推介係呢度嘅上海小籠包(4隻)，皮唔係厚，但係清楚見到小籠包入面嘅上湯，裡面嘅鮮肉亦非常入味，無索哂啲水，算係我近年食到最好食嘅小籠包。又係朋友堅持要叫嘅嫩雞煨麵，老實講，睇個賣相真係覺得麻麻，我唔明點解我朋友要堅持叫。後來試左一碗，啲雞油滲左係啲湯度，個湯底已經係好夠味，另外嫩雞真係嫩，每一舊都唔太大舊，真係幾唔錯!