滬揚川上海料理

Open Now

Now Closed

假期屋企人好想喺銅鑼灣搵小籠包食，發現唔係好多，所以就揀咗依間。一般香港人同旅客都是一半。喺時代廣場附近，所以好方便。地方位置唔係好大，但係都算企理，晚飯時間六七點左右可以直接入去。餐牌會掛喺個膠板上面。鍾意食辣嘅人絕對建議試吓佢哋嘅傳統豆瓣醬。叫咗咁多個最鍾意係佢嘅上海菜肉雲吞10隻，雖然個湯有啲鹹，但係雲吞皮好滑，個料亦都好食。佢唔係好大隻嘅雲吞，菜肉料好平均小籠包唔係屬於湯爆汁嗰隻，幾大隻，個皮會似鍋貼皮。入面都有肉汁，食嘅時候小心燙口嫩雞煨麵好似台台都有叫，菜好多反而麵條唔係特別多，未去到黐立立嗰隻，適合味道唔鍾意好濃嘅人。三個人分享會每人食到一碗多啲。呢間舊式餐廳入面仲有一個炒鱔，因為未食過，所以特登叫你試吓。原來入邊係會汁加芽菜，係一啲好細條嘅鱔魚，同平時食大大條嗰啲有啲分別佢有啲似鰻魚幾得意，建議大家下次嚟到可以試吓，但係如果唔係好鍾意太多汁醬打芡嘅朋友就再考慮吓。結帳時一般會收現金較好，留意一下如果用信用卡或者電子支付佢呢間舖頭或支付方式會收手續費，餐廳未必會特別提醒哦🔔

上海菜都好少有平野，不過滬揚川就算係性價比高之選，我好多時都會黎食午餐，叫一碗嫩雞煨麵就足夠了。佢嘅嫩雞煨麵唔可以話好出色，但就一定最抵食，好大一碗，而且真係即叫即整，因為等嘅時間都比其他食物耐，而且上到枱係非常之熱辣辣出晒煙。佢嘅上海麵條好正宗，係好滑嘅軟身白麵，用上爽甜嘅小棠菜，湯底亦都夠濃郁，奶白色的，不會過咸，唯獨扣分嘅係佢嘅雞粒好明顯係雪藏貨，粉紅色不是白淨嘅雞肉色，有少許雪味而沒有雞肉味。另外都吃過佢嘅上海粗炒、擔擔排骨麵同埋煎鍋貼，都有70分。