滬揚川上海料理

Open Now

Now Closed

上海菜都好少有平野，不過滬揚川就算係性價比高之選，我好多時都會黎食午餐，叫一碗嫩雞煨麵就足夠了。佢嘅嫩雞煨麵唔可以話好出色，但就一定最抵食，好大一碗，而且真係即叫即整，因為等嘅時間都比其他食物耐，而且上到枱係非常之熱辣辣出晒煙。佢嘅上海麵條好正宗，係好滑嘅軟身白麵，用上爽甜嘅小棠菜，湯底亦都夠濃郁，奶白色的，不會過咸，唯獨扣分嘅係佢嘅雞粒好明顯係雪藏貨，粉紅色不是白淨嘅雞肉色，有少許雪味而沒有雞肉味。另外都吃過佢嘅上海粗炒、擔擔排骨麵同埋煎鍋貼，都有70分。