Video
Read full review
2024-02-25
122 views
📍Teppanyaki Kaneko 鏘鐵板燒日本料理呢間新開既鐵板燒餐廳，位於上環新紀元廣場，餐廳裝修設計以黑灰調既顏色為主，暗黑型格既裝潢帶點神秘感😎餐廳既座位主要都係吧檯但亦有VIP房，座位之間既距離寬闊，所以坐得幾舒服～面前就係鐵板爐，師傅會喺你烹調同好詳細咁介紹菜式，絕對係視覺上嘅享受🥰🦞Lobster Course For Two 龍蝦二人前套餐 $2680🥗Appetizers 前菜係用一塊薄既青瓜片包住蟹肉絲，裡面仲有三文魚籽，好有口感！用柚子醋圍住碟邊作裝飾，味道酸酸甜甜，係好唔錯既開胃菜😌🦞Lobster 龍蝦打頭陣既係龍蝦！係水缸到即刻攞出黎既鮮活龍蝦🤩超級生猛，好大隻～放上枱時仲郁下郁下😜師傅善用曬龍蝦既各個部位，挑出整片既龍蝦肉，好厚身！食落超級彈牙，肉質非常厚實😙連龍蝦膏都攞埋黎做個醬汁，食落鹹鹹地但好入味，龍蝦肉完全吸收曬啲精華😋🐟Amadai Uroko Yaki 甘鯛立鱗燒甘鯛魚會連鱗片以半煎半炸既方式烹調，以滾油澆淋到鱗片立起，食落好脆口，好似食緊薯片咁～同時亦保留到魚肉嫩滑既質地，魚肉亦都好厚身，油脂分泌濃郁🤤呢道菜幾特別！🐳Seasonal Se
呢間新開既鐵板燒餐廳，位於上環新紀元廣場，餐廳裝修設計以黑灰調既顏色為主，暗黑型格既裝潢帶點神秘感😎餐廳既座位主要都係吧檯但亦有VIP房，座位之間既距離寬闊，所以坐得幾舒服～面前就係鐵板爐，師傅會喺你烹調同好詳細咁介紹菜式，絕對係視覺上嘅享受🥰
🦞Lobster Course For Two 龍蝦二人前套餐 $2680
前菜
0 views
0 likes
0 comments
🥗Appetizers 前菜
係用一塊薄既青瓜片包住蟹肉絲，裡面仲有三文魚籽，好有口感！用柚子醋圍住碟邊作裝飾，味道酸酸甜甜，係好唔錯既開胃菜😌
龍蝦
4 views
0 likes
0 comments
季節海鮮
0 views
0 likes
0 comments
🦞Lobster 龍蝦
打頭陣既係龍蝦！係水缸到即刻攞出黎既鮮活龍蝦🤩超級生猛，好大隻～放上枱時仲郁下郁下😜師傅善用曬龍蝦既各個部位，挑出整片既龍蝦肉，好厚身！食落超級彈牙，肉質非常厚實😙連龍蝦膏都攞埋黎做個醬汁，食落鹹鹹地但好入味，龍蝦肉完全吸收曬啲精華😋
甘鯛立鱗燒
8 views
0 likes
0 comments
🐟Amadai Uroko Yaki 甘鯛立鱗燒
甘鯛魚會連鱗片以半煎半炸既方式烹調，以滾油澆淋到鱗片立起，食落好脆口，好似食緊薯片咁～同時亦保留到魚肉嫩滑既質地，魚肉亦都好厚身，油脂分泌濃郁🤤呢道菜幾特別！
蟶子
6 views
0 likes
0 comments
🐳Seasonal Seafood 季節海鮮
餐廳會配搭時令海鮮，果日試到蟶子🤣師傅煮蟶子既時候會加入麵包糠，目的係想增加口感同更突出海鮮既鮮味～食落好鮮甜！而且相當彈牙☺️唔夠一陣就清曬成碟
清酒煮蜆
1 views
0 likes
0 comments
🍶Boiled Clam with Sake 清酒煮蜆
清酒會放係個錫紙兜度加熱，燃點烈火🔥打卡既效果十足～師傅表示酒精揮發之後，蜆肉會更加鮮甜～蜆本身幾大隻，而且冇沙，食得出好新鮮，好鮮甜！朋友都讚不絕口😌
美國牛肉厚燒及薄燒
5 views
0 likes
0 comments
美國牛肉厚燒及薄燒
4 views
0 likes
0 comments
🥩US Beef Tenderloin & Sliced Beef Roll 美國牛肉厚燒及薄燒
牛肉磚會切成牛肉粒，7成熟既牛肉粒肉質鮮嫩，牛味濃郁，完全冇韌既口感～火侯控制得好好；同一時間師傅會即場將蒜片炸好，牛肉粒配埋炸蒜片一齊食係唔錯嘅選擇，同時亦有菜肉瓜同冬菇做配菜，一解油膩感😋除左厚燒牛肉，仲有薄燒牛肉片，一共有三大片牛肉～牛肉紋理清晰，顏色鮮艷，好有食欲感！帥傅會將蔥、蒜同洋蔥切成蓉，3片肉都各有食法，三種都值得一試！
🥬Fried Vegetable 炒野菜
野菜有菜心、娃娃菜、冬菇紅蘿蔔絲同芽菜一齊炒，火候好夠！主要係解一解啱啱食完海鮮同牛肉既油膩感～
🍳Fried Rice 炒飯
炒飯好有鑊氣😌望住師傅炒到每粒飯都沾滿蛋然後炒到金黃色，香氣撲鼻🤩食落炒飯粒粒分明，連同啲蔥、蒜、紅蘿蔔粒一齊炒，材料香似簡單，但考師傅既炒飯技巧！另外，蛋可以自由選擇，今次就揀左荷包蛋，味道唔錯👍🏻
🍝Fried Noodles 炒麵
呢道係隱藏菜式嚟🤓炒麵看似簡單，但煮得出色亦有難度🤤炒麵軟硬適中，口感煙韌；同時唔會炒到好乾身，保留到該有既水份💧配料有蔥、辣椒粒等等加以調味料，食落辣辣地，幾開胃～
麵豉湯及漬物
0 views
0 likes
0 comments
🥄Miso Soup & Pickles麵豉湯及漬物
麵豉湯係由龍蝦頭熬製而成，海鮮味好突出，蝦味好鮮，蝦頭仲有唔少既龍蝦肉，加埋少少海帶，就已經好出色🤩飲完之後即刻暖胃
士多啤梨綿綿冰
2 views
0 likes
0 comments
焦糖多士
0 views
0 likes
0 comments
🍧Dessert 甜品
士多啤梨綿綿冰係甜品之一，刨冰係一絲絲嘅，味道酸酸甜甜，唔會太甜，入口即溶😋好滿足！不過溶嘅速度都幾快，要趁快食🤪另外，仲有焦糖多士😌見住成堆砂糖係麵包到溶化，外層沾滿焦糖，非常脆身，食落甜而不膩🤤
✨個人建議：食物質素完全對得起個價錢，師傅好細心咁介紹每道菜，上菜既節奏啱啱好，想食鹹或淡味啲都會因客人需求而調節😌偶爾節日慶祝係呢度食返餐係個好唔錯既選擇🤤
⭐️好味指數：10+/10
📍 鏘鐵板燒日本料理 (上環)
上環皇后大道中183號新紀元廣場低座2樓202-203號舖
#上環 #鏘鐵板燒日本料理 #新紀元廣場 #鐵板燒 #日本料理 #龍蝦 #清酒煮蜆 #lobster #AmadaiUrokoYaki #sheungwan #hk #hkfood
Post
