鐵牛台灣牛肉麵 (希爾頓大廈)

Open Now

Now Closed

好多朋友都同我講係香港千奇千奇唔好隨便食牛肉麵。因為真係好多間好銀難食咁話wo...但今日呢間真係唔係平時果D質素架，所以個標題我都叫做最強之老牛！第一時間係咪應該叫返個牛肉麵先，我比較喜歡食筋腩。呢碗麻辣牛筋腩麵就最岩我。$64，價性比高，大大碗，我一個女仔人家根本食唔完。牛筋好軟，仲煮得好入味。辣味同酸菜完美咁溶入係湯中，一個字，好正!男朋友就叫左個小碗滷肉飯。係驚喜價$30... 你以為佢細細碗但實情飯既量都多。如果你係想節食既都係唔好叫，因為肉肥美，入口香甜回甘。食完仲心思思想叫多碗。 (不過無奈叫左好多小食呀!)男朋友見成日都無大便去，當然要叫返個菜食下。蔥油淋青菜真會油小小，不過菜新鮮色澤又青，仲要只係$26，真係要大大力推薦。食食下緊係要飲返杯野，你以為我會叫奶茶嗎? NONONO....我叫左杯桂花梅汁，$22。同一杯香濃朱古力，$21。 價錢方面出面是旦搵間TW野飲店都貴過佢啦!桂花酸酸甜甜，朱古力滑漏而不膩。佢地既飲品突破左以往想像中TW既死甜之伏，正呀!其實呢間老牛最大既優點都係抵食又大件，食物飲品質素好之餘仲係咁既價位。小妹我非常佩服呀

今日突然好想食台灣野，個腦只出了鐵牛，好耐之前已吃過鐵牛，他們的＂牛＂真的做得不錯，咁耐冇去，水準依舊冇令我失望😆👍🏻小碗滷肉飯 - 滷肉一點也不肥膩，滷味十足和菜蒲一起吃囗感爽脆，真的有台灣風味👍🏻小碗麻辣擔擔麵 - 只有很小很小的辣，反而麻味夠很香，麵質彈牙有進步，沒有一嚿嚿了👌🏻牛三寶拼盤 - 牛三寶拼盤（大塊金錢𦟌，秘制牛腩，香滑牛筋) - 金錢𦟌，牛腩，牛筋都㦖得非常腍滑，入口柔軟特別是牛筋會黏著的很膠口，牛味濃郁入味。放在底下的菜也會吃光，吸曬牛腩汁的精華，冇得輸鹽酥雞拼夜市小香腸 - 鹽酥雞炸得很香口，但肉質較嚡，香腸肉質結實鮮味，好食到停唔到口😜魚酥皮蛋豆腐 - 豆腐嫰腍配上醬汁一起吃味道剛好，加上蔥花木魚絲很香口。焦糖珍珠奶茶 - 焦糖奶茶香滑，珍珠彈牙很QQ荔枝Q果蘇打 - 大大杯，蘇打夠汽，荔枝味清香很抵飲👍🏻

今日會合女朋友往尖沙咀食鐵牛台灣牛肉面, 我們點了牛三寶拼盤, 雞腿排肉燥乾拌面、雞腿排便當、滷大腸朱耳、魚酥皮蛋豆腐、梅子脆薯、花枝丸、小碗滷肉飯、涼拌小黃瓜、蔥油淋青菜和蜂蜜綠茶。牛三寶拼盤有牛筋, 牛腩和大塊牛展, 牛筋,牛腩和牛展好腍好夠肉味, 如果牛腩和牛展再切細件一點會好d, 因為女仔和長者食略嫌不方便；雞腿排肉燥乾拌面, 雞腿肉鮮嫩, 雞皮好脆、肉碎好香, 拌面配上濃湯食落好爽口, 如果面條再剪短一點會好些, 這樣食更爽脆；雞腿排便當, 雞腿肉好燉, 配上醬汁好夾, 肉燥飯醬汁香濃, 肉燥好好食, 另外配菜有豆乾, 鹵水蛋和什菜, 豆乾好甜好開胃, 鹵水蛋蛋味香濃和什菜炒得新鮮, 好豐富的便當；滷大腸朱耳, 大腸略嫌比較厚, 比較難咬, 如果切小一點耳佳, 朱耳好爽脆；魚酥皮蛋豆腐魚酥味道好香好新鮮, 豆腐食落香滑、配上魚酥, 皮蛋和醬汁送飯一流, 皮蛋好香；梅子脆薯薯仔好爽脆, 配上梅子粉口感好開胃, 梅子粉食落有點似話梅味, 與脆薯一起食, 不要覺得太「油」好開胃；花枝丸炸得均勻, 爽口彈牙, 丸上有少許胡椒粉, 食落去好香口；小碗滷肉飯, 滷肉飯滷肉好足料, 配上醬