翔龍拉麵小籠包 (Closed)

初四開工，約埋2個同事仔食返個開年lunch先今日無lunch set ，要散嗌喔....小籠包賣相好似淋借借咁，點知食落口 初戀嘅感覺返哂黎 ，皮薄餡靚，超多湯，而且餡入面唔係太多肥豬肉，唔會覺得好油膩花雕豬手亦都出色，同事仔食到讚不絕口，回鍋肉炒年糕，食落口好QQ喔💕❤️💕反而砂鍋雲吞雞就真係好普通喇，仲要$180個大洋,下次唔會再嗌....

每日路過亞太商業中心，見呢到越開越多食肆，中、西、日、韓式式俱備，好飲好食嘅我點可以唔去踩吓場，今次揀咗翔龍拉麵小籠包。撞正午飯，枱枱坐滿，唯有同個friend喺門口等一陣。好彩唔使十分鐘，已經有得入座。午市時間，有一點一麵套餐同客飯套餐两大類選擇，我哋就決定每邊揀一款，試試口味。先上枱係担担麵加小籠包。担担麵啲湯唔夠濃郁唔夠花生香，不過味道都算可口，麵又夠爽，合格。小籠包梗係要趁熱食，皮薄多湯汁，不俗。客飯揀咗糖醋魚塊，先嚟一碗細細嘅酸辣湯，夠酸唔夠辣。糖醋魚塊酸酸甜甜好送飯，魚塊炸漿唔算太厚，D魚都算滑，我最喜歡嘅反而係呢碗細細嘅菜飯，雖然遲咗小小上枱，但熱辣辣整出嚟，有誠意。加多5蚊，追加杯豆漿。整體而言，不過不失，午飯每人七十蚊左右。下次再揀另一間試試！😜

舊同事最近都係觀塘番工，就緊係要見面食個lunch更新下公司八卦啦，哈！咕嚕肉酸酸甜甜，肉質都有口感，偏爽唔會好淋，啲醬汁用黎送飯都一流。同咕嚕肉一樣的風格醬汁，都係酸甜開胃，魚塊炸粉不會很厚，吃到啖啖魚肉。其實舊同事係衝住呢個擔擔面而選擇呢間餐廳，但可惜比以前遜色不小，湯略嫌不夠濃郁，放入口沒有以前咁濃味。餃子入面有湯汁，如果我們襯熱食應該好正，因為可能凍左，個摺位有啲硬。炸醬面十分不推薦，炸醬沒有什麼味道，面條都很濕同淋。很一般薄餅也沒有太大驚喜小籠包內有濃濃的湯汁，皮也不厚。夾起身都唔會話好易穿總括黎講，中規中矩，沒有驚喜。

之前同屋企人來過翔龍吃晚餐，覺得好食又唔貴。今日和弟弟及女朋友仔來個午餐小聚便選了再來翔龍，想不到居然和上次晚餐是完全差九丈遠的兩回事！！午餐可選套餐，$68有一麵一點心但沒有飲品，不算便宜。我們點了三個套餐，先介紹麵食。坦白説，麵質ok的，剛好熟沒有太生或糊掉，所以口感不錯。但出事的是湯底！擔擔面，湯底只有辣，一點也不香！鮮茄湯底，無乜味，不酸也不甜，淡茂茂的內裡的小雲呑還ok,不見特出，皮不厚但同樣內餡不多，普普通通。紅燒肉是3個中最好吃，不過同樣湯底淡茂茂。紅燒肉稔滑帶小許肥，但味道香濃。講完麵食就講點心。小籠包，係三款點心中最好味的。皮薄有彈性，而內裡的肉餡亦ok合格。小雲呑就同剛才麵食的一樣，我就不重覆了生煎包，全餐最差，差點忍不住講粗口有圖有真相，個皮又厚又硬到吖入面d肉仲要極重雪藏味，話係超市買返來的質量也絕不過份$68@套餐，無加一無額外費用，但咁既質素足以令我收返六月頭對你的好評

約咗朋友係觀塘食飯，好耐冇食過翔龍拉麵小龍包，所以同朋友去食。我們叫咗欖菜肉鬆四季豆，小籠包，上海粗炒，麻辣凍雞，煎鍋貼。欖菜肉鬆四季豆，冇以前咁好食，四季豆炒得太林，肉碎都幾好食。小籠包都Keep到水準，皮薄多汁，餡都算多，應該都係剛剛蒸好，所以係好食。上海粗炒都係冇以前咁好食，配料都算多，有椰菜，肉絲，冬菇絲，葱，啲麵係林林地。麻辣凍雞我第一次食，又麻又辣都幾刺激，啲雞凍凍地都幾滑，都算好食。煎鍋貼都幾好食，外脆內多汁，都幾大隻。佢杯茶係玄米茶，都幾好飲。其實真係有啲失望，以前係好好食嫁，而家真係差咗好多，希望下次去食有改善啦！

上星期和家人來這裡午餐，叫了黑椒牛肉炒麵、小籠包、胡椒餅及魚湯小雲吞，食物賣相吸引，味道不錯！餐廳環境乾淨，服務員很有禮貌，上菜速度快，果斷給予好評！以後必會再來！

想在觀塘就腳的地方吃上海菜，可試這一間。之前聽朋友講這裡的小籠包很出色，是眾多上海菜連鎖店之冠，一於到此一吃。果然沒令我失望！小籠包正，皮夠穩陣，再薄一點較好。多汁，必點。至於其他菜式，都算不錯。蒜泥白肉有驚喜！一碟約有七八塊白肉和青瓜薄片，跟白肉一起吃口感獨特，只略嫌不夠辣。花雕醉雞酒味香，雞不錯，脾翼胸都有。擔擔麵有點失望，雖然大碗，但麵質太腍，個人較喜歡爽口的。豆漿建議不點，價錢貴且豆味淡。

禁岩同個fd都放假就約左食飯想食上海野所以簡左依間我地無book枱 所以諗住早d到5:45分到左門口 已經有d 姨姨坐係度等😱一到6pm就安排我地入坐我地兩人都有卡位 望馬路都唔錯😆👍🏼可能太早野食都算快到 等左7-10分鐘依兩個凍盤 麻醬腐皮卷 同雞絲粉皮（粉皮食左大半先記得影🙈）我覺得腐皮卷口感一般 都係鍾意熱既腐皮卷多d 😅雞絲粉皮就絕對岩曬鍾意麻醬同粉皮既朋友麻醬夠香濃 配芝麻同雞絲 正👍🏼👍🏼到左最出名既小籠包真係比上海既小籠包更合我口味入面肉夠香又多湯汁 皮夠薄 （皮薄對我黎講都好重要）真係值得食👍🏼👍🏼紅油抄手鍾意有花生粒係面係辣左d，唔食得辣唔建議叫除左辣同花生味 唔係太食到其他味😅😅瑤柱蛋白炒飯感覺太乾身 食多兩啖要飲啖茶但味道可以， 算係依度清d 既野食選擇之一😆依個豬扒擔擔麵擔擔麵唔係太辣 麻醬味都出再加豬扒唔會太乾個麵又唔會太軟身係唔錯既選擇😋依個上海粗炒就太碎 好難夾同埋太咸 唔岩就禁食（可能上海野係濃味d ,但我個人覺得咸度太高要送白飯食）😂😂七點半左右開始人多 之後我地食完吹左陣水九點三左右佢地就要求我地埋單走（果下唔鍾意，但都明白佢地要做生意）整體黎講野

呢一日和朋友係APM 附近行完街，順便搵野食醫肚啦～係OPC 嘅門口，好多姐姐係到派傳單，甘就決到食翔龍啦呢間係上海野，我地叫左好多野食啊！甘就叫左小籠包，蔥花家常簿餅，佐棠雞，蒸銀絲卷，麻醬符皮卷，旦旦面，上海雲吞！好多都做得好出色！其中佐棠雞和小籠包做得好好佐棠雞最岩食辣嘅朋友仔！哈哈因為辣味係慢慢滲入雞肉，愈食愈辣，仲有雞肉嘅肉質好滑，兩者加咪真係好鬼正！仲有招牌小籠包都做得十分出色除了肉質鮮美，仲有好多好多嘅汁再點醋咬落去，令人驚喜仲有麻醬符皮卷都好岩食～哈哈咬落十分有口感，感覺好清甜，好岩食清淡嘅人士食仲有好受女士歡迎嘅蔥花家常簿餅聽職員講，好多女士都鍾意點呢味，因為味道口感都好岩女士食，香口而滿足～甘就緊係要試下啦原來都好多下，好有份量！哈哈結果都好受落，自己食左4塊講到面,點可以吾介紹佢地嘅旦旦面呢！原來所有嘅拉面，都係由師父即叩即拉嫁！怇地有個玻璃窗口位，可以俾客人見到點心部嘅師父拉拉面！真係正！旦旦面都係其中之一嘅招牌，除了面有口感，做得出色外，其他配料都幾好味，辣度仲可以叫小辣或走辣嫁！岩晒所有人食啦仲有好岩小朋友食嘅蒸銀絲卷，哈哈，你明嘅原來仲有炸銀絲卷，大人比較

今日係工聯會上完堂就去搵野食平時去開觀塘都係去APM搵食多今次經過幢大廈見有幾多野食於是係度是旦揀間最後試呢間上海野小籠包皮好薄 多汁如果醋有多d薑絲就好擔擔麵個麻醬好正好香蔥味又夠香不過辣味又好似有少少吾夾醉雞就不過不失不過算大碟最後因為要扮健康叫左碟菜 不過係奶油XD好大碟總括都算吾錯~~

今日年卅,公司早早收爐,同honey去咗OPC間翔龍食團年妟,去到先知呢兩日冇lunch set供應,咁就散叫啦.呢間店啱啱開張時質量都唔錯,不過之後好似越嚟越奇怪,我都成大半年冇嚟,依家又睇下唔會唔好d?我哋叫咗無骨薰魚,手撕雞湯麵,醬汁元蹄,小籠包.先講講元蹄,刨到紙咁薄,味道完全依靠個汁,醬油加浙醋調味,面有少少切到好碎嘅芫莤梗同薑葱絲,冇乜雪味,都幾好.燻魚,由外觀至口感味道都很奇怪,顏色係鮮橙色!落咗色素?以為係咕嚕乜咕嚕物嘅嘢.口感,咪係炸過嘅魚囉.味道,完完全全冇煙燻味,得個甜字又冇醬油味..我個人覺得唔及格,sorry~~呢度最出名係小籠包,質感同味道跟翡翠居然有九成激似!唔知有關係冇?皮薄餡靚肉汁多,真係唔錯.手撕雞湯麵,雪藏雞切絲,雞乜味都冇得雪味,麵就有"簡"水味,個湯係味精鹽水,成碗嘢好求其餵飽你咁,毫無誠意,下次一定一定唔會再叫.如果有下次,浄添食小籠包安全d.

素來喜歡上海菜的味道, 見呢間網上食評不俗, 特意前來品嘗, 可惜卻遇上近年最黑暗經歷!禮拜六等位都只需數分鐘而已, 滿心歡喜地坐低準備落order, 點知原來係惡夢的開始 開始先食前菜冷盤:水晶肴肉:與其他上海菜館不同, 這兒為簿切, 賣相尚可, 可惜豪無肉味, 水晶部份過硬, 口感不佳燻魚:魚有點怪味, 炸得唔夠脆, 一道原本甚為經典的上海小食竟然如此難食, 十分罕見擔擔麵:喜歡麻醬的我柯打前已先問侍應湯底否麻醬味濃, 上桌時香氣撲鼻, 湯亦夠熱, 可惜湯底太杰及偏甜, 麵質一般, 食完一半已無食小籠包:全晚算是比較正常的菜式, 上桌時熱氣滕滕, 皮簿多汁, 可惜肉餡咬落鬆散有渣, 只算勉強合格! 全無一試再試的感覺 蟹粉小籠包:蟹粉味極淡且不夠新鮮, 根本與普通小籠包無異, 竟敢賣成$18/隻, 實在過份 (無影相)蜜汁火方:為全晚最難食的菜式, 火腿全無咸味及肉味, 炸腐皮仲有點 '油膱' 味, 太多糖漿令到火腿過甜, 非常失望總括來記, 全晚食物味道出奇地差, 完全唔合格, 可以用'極之難食' 來形容, 希望廚房出品部及樓面營運部可認真了解下是否材料出現問題或師傅技術有限,

見到網上有打折扣的套餐就決定再去吃，之前嘗試過覺得幾好，但價錢比較貴！見到固定的餐單都合心水，一買就去光顧啦！酸辣湯，都幾好味，材料都充足！翔龍炒飯，應該是珍珠米來炒的，好煙韌，好飽肚，不錯，分量適中不過服務態度一般，假期顧客不多，但是不會主動加茶，要知系加了每位茶錢，咁都不主動D，唉。。。

應Shirley的意願半價買了翔龍拉麵小籠包的現金券，卻原來限制多多： 只可在星期六、日及公衆假期午市/下午茶市使用卻又不能order下午茶套餐，餘下的便只有小菜。 二百元現金券又不可支付加一服務費，要取得最高優惠，惟有在點菜時下點功夫。首先是小籠包4隻($28): 大致做到皮薄多汁，但麵皮不夠煙韌，餡肉很多..... 太多，有點失去平衡，好像是皮包肉丸。麻醬腐皮卷($48): 腐皮整齊乾淨，配以麻醬，頗清新，吃得很舒服。炒粉絲($58): 以價錢衡量便覺得有點不值，但炒得夠味夠火候，真是有買貴無買錯。黑醋骨($65): 即叫即煮，熱辣辣，醋香味甜，香脆可囗，值得一試。食物的整體表現是不錯的； 餐牌“黐立立”的，要注意衛生。

今日閒話短說，今天比較忙。小籠包是值得推介，不過真系比較貴了點，但皮簿多汁，汁味鮮甜的確再想叫多籠。黃魚擔擔麵，黃魚炸到皮脆而魚肉汁完全封鎖在內，不過擔擔麵就的確唔夠味，麵質尚可。牛肉包，絕無下次，咬落沒有脆感，而且包內的肉很少，味道亦不算好，所以可以不試。環境算大的，位置都幾闊，傾計開會的確唔錯衛生當然無問題啦服務的確有改善空間，不竟是新開餐廳P.S. 請體諒比較短句，因為比較忙碌而且希望盡快打上黎，請勿見怪如有興趣看哥我更多動向，可於FB尋找「無肉不歡」，感謝各位支持。