金滿庭京川滬菜館 (德福廣場2期)

Open Now

Now Closed

第一次去金滿庭估唔到不平日晚上，九龍灣多人食我book了枱，早啲去，要坐到4人卡位因為茶包，唔係茶葉，碧螺春無我在深圳食北京菜咁好飲北京填鴨唔錯，唔知點解可加蒜蓉醬，北京唔會這樣食酸辣湯正喎，味道近似粉嶺中心以前嗰間上海菜上海粗炒用大孖醬園豉油，無味。聽聞豉油出名，我仲諗住買前菜醉雞好入味大家都好耐無見，期望下次會齊人食飯

做到年廿九，收爐前食返餐團年飯先。「食開嘅飯腳」又係要自己scan QR code落單，我對呢個發明就真係麻麻地，其實橫掂侍應都行咗過嚟啦，落埋單咪得囉，一係佢就全部自動化。我哋分別嗌咗小籠包、上海粗炒、四喜烤麩、肴肉、熏蛋仲有紅油抄手同埋甜品高力豆沙及豆沙鍋餅。小籠包一籠五隻一上枱已經有幾隻穿咗饀，流晒啲汁出嚟。失敗😳其實我有啲抗拒叫四喜烤麩，因為平時媽媽喺屋企都會整，（因為阿媽係上海人）不過我都知呢個諗法好自私，人哋屋企冇得食㗎嘛，本身另外個同事仲想嗌炒年糕㗎，好彩最尾側側膊冇嗌到😝嗌咗上海粗炒（咁啱琴日先食完，今晚返去仲有一餐隔夜，同埋其實平時間唔中佢都會煮嚟食）肴肉平時我都唔係好食㗎，因為個質感有啲怪，凍咗嘅鹹啫喱，本身我對啫喱冇乜好感。不過今日我都食咗成三四件😵‍💫燻蛋亦都係一樣，煙燻嘅食物其實我又係麻麻地，佢呢度做都唔夠入味，入面淡茂茂！至於紅油抄手同埋上海粗炒就普普通通冇乜特別囉！ 甜品方面高力豆沙就不過不失啦，反而個豆沙鍋餅就真係令人失望😮‍💨完全好似冇炸過咁，求其煎兩煎就算數！一啲香脆嘅口感都冇，失敗之中嘅失敗。今餐真係好一般，彈多過讚🥴

作為金滿庭既常客對佢又愛又恨約屋企人飲茶食飯十次有九次都係金滿庭而呢間野係每次都要排隊🥲·鮮肉小籠包（$53/5個）每次必點系列呢度既小籠包係最穩定外皮皮薄而一定會爆湯汁肉湯鮮而不膩尖端先輕輕咬一口然後吸一啖湯汁再沾一沾醋汁放入口然後🤤🤤🤤超滿足¼隻嘅雲吞雞（$136）雞湯鮮而不膩雲吞有5粒細細粒但實實淨淨無過多肥肉而好幸運地雞係髀位雞肉還很嫩配搭秘製蔥油醬汁食整個搭起來很可以！！然後點了4人套餐$528水晶餚肉·五香金錢展前者是爸爸每次都必點他說是考工夫菜式豬手先調好味 水晶層係熬煮出黎既骨膠原湯還要分次做出層次感試了一舊· 有點像燻蹄但更爽口Q彈·肉質更實淨一點後者金錢展雖然薄切但有咬感而鹵汁鹵得夠惹味鐵板京蔥炒牛肉師傅會係旁邊用鐵板先表演炒牛肉未食之前已經視覺滿足之餘香氣更十足牛肉仲好鮮嫩而不韌連京蔥一齊食送飯一流川式酸辣貴花魚片湯底夠酸但略嫌唔夠辣魚片份量唔多但唔腥仲好滑嫩粉絲墊底吸哂味乾扁四季豆輕輕炸過·外脆內軟肉碎夠惹味但稍微油膩甜品係紫米露細細碗唔會太甜作為飯後甜品剛剛。呢度既服務係幾好唔洗舉極手都無人應茶壺長期滿水而食完糖水準備埋單店員仲想話要送多碗糖水比我地驚我地唔夠

book唔到！嗌咗人去幫手walkin等位。等半個鐘可以入座😂👏🏻menu好多都有圖，可以大概知個食物樣！經商量後我哋嗌咗其實第五道餸都食到好飽嘅～但好似高力豆沙都幾吸引～決定嗌3件剪開share嚟食😆除咗服務員嗌2、3次先會真係過嚟之外～其它都ok😊😊😊

部門中秋聚餐，今次轉食上海菜！第一次嚟金滿庭，店內寬敞有好多卡位，最適合4人同行。卡位設於店內兩旁，中間就設有大圓枱，當然亦有私隱度高嘅廂房！中間嘅圓枱較迫，同前後都非常親密，如果一大班人幫襯又想坐得舒服嘅話，就最好預約廂房喇！唔知係咪中午食飯時間人多，人手唔夠，冇人傳菜嘅關係，大部分嘅餸菜都只係暖暖地，唔太熱 中菜始終都係熱食最好嘛！因為部門聚餐，今次就叫好多飽肚嘅澱粉質！回鍋肉炒年糕 - 一次食晒兩大皇牌，回鍋肉唔熱，所以年糕都硬咗少少。味道方面同傳統三六九相比就略為淡口啲，突顯唔到上海菜嘅濃油赤醬嘅特色！金磚豆腐 - 粉漿好薄，豆腐本身非常嫰滑，唔會死實實咁。但同樣地因為唔熱嘅關係，外皮就唔夠脆，而且粉漿基本上係冇味嘅，只係炸好後灑上七味粉，所以非常清淡。皇牌小籠包 - 暖暖地易入口，味道鮮美。柚子雞 - 即係炸雞上面淋上柚子汁，炸雞炸得乾脆，柚子汁清爽解油膩，同炸雞係絕配！咕嚕肉 - 香脆味濃，甜甜酸酸，應該無人會唔鍾意嘅！銀牙肉絲炒麵 - 彈牙蛋麵用中火煎成麵餅，煎到脆卜卜，淋上銀牙肉絲汁，令到一碟麵有脆、彈牙兩種口感，讚素菜春卷 - 春卷皮比一般酒樓厚啲，配全素菜（椰菜，甘

年廿八團年飯原本訂咗枱食樓上稻香，但因安排太混亂，等咗一段時間都未有位，所以決定改變地方，轉咗落黎金滿庭，係完全唔洗等位之下即刻決定食，雖然呢啲日子呢個鐘數（8點半左右）無人等，都有啲擔心，但一試之後出奇地Ok！ ！！叫咗半隻沙窩雲吞雞，味道好！一人一碗仲有淨（8人）份量都算多呢個小食拼盤款款款都好食，但略貴松子魚，正連唔多鍾意食魚嘅我都食咗幾舊獅子頭，不過不失咕嚕肉柚子雞，好味，個人推介小籠包好味

4/9聽朋友推介, 在香港的小籠包, 最好食的就是在金滿庭. 可惜每次去奧海城都人山人海, 晚上六點開始營業但5:45已經有人在排隊, 所以一直吃不到. 今天去開九龍灣, 發現又有金滿庭喎, 便去碰碰運氣. 6:15 左右, 大把位喎!正! 其實九龍灣都好多人流丫.爭咁遠?先叫開茶, 水仙? 唔好意思, 我地無喎! 壽味? 都無喎!老公正想發火時, 佢話, 我地係得龍井, 人蔘烏龍, ....不另收費? 咁好Ok丫. 好, 前菜這個個名已經好得意, 叫豆腐三文治!它是冷盤, 豆腐切開一片片, 中間夾了大家常用來送粥的肉鬆和酸菜, 感覺唔會飽又幾新鮮. 小籠包到, 一叫一定是8隻的. 皮果然薄, 湯果然多, 亦果然唔易穿. Good job! 到這個糖醋魚塊, 本人本身喜歡吃酸野, 所以老公點了這個給我, 原以為無乜驚喜, 都是粉多過肉那些. 點知喜出望外! 係好多肉, 仲係食得出魚味的! 絕對製作認真.  最後叫牛肉香茜包, 除了一碟牛肉外, 還有一籠包片皮鴨用的皮. 可以用來包住牛肉吃. 咁就不會覺得太膩, 又有澱粉質落肚. 我們是為了香茜而叫的, 香茜故然香, 牛肉都好'林'

今天星期四，餐廳外大大隻字和圖片寫著半價菜單是：糖醋魚塊可喜可賀，本人最愛便是這味無須等位便可順利入位，不像其他餐廳那樣事先聲明只有半小時的用膳時間（總是會被影響心情）此店有多款茶可選，我們選了大愛的人參烏龍茶，喜歡那種回甘的感覺。雖知餐前小菜和茶位錢 比較貴，但來到品嘗佳餚，沒有所謂了。打開菜單，令本人不愉快之處是圖片和文字是分開兩邊的，若是看送菜的照片，須由編號開始找。在此步驟花費了不少時間。最後點了四款菜式：擔擔麵只須30多元，味道不錯。湯底少辣香濃，清楚吃出花生醬味和咬到一粒粒的肉碎皮薄多汁的小籠包，絕對好評。價錢適中有八粒，湯汁很充足皮有彈性，不像某些店出品那樣厚而沒有口感。本人非常喜歡吃小籠包，若水準不達標便不會再光顧。半價的糖醋魚塊，酸甜味適中。是剛炸好的，香脆熱辣辣魚肉不得不提的是，絕非那些平價冰鮮魚柳，咬落可感覺到一塊塊的魚肉。經常光顧此店，水準依然。有時會來吃下午茶，一樣好吃！