小南國 (Closed)

週五晚和家人於小南國用膳，餐廳環境都算光猛舒適，服務OK。食物整體精緻度算不上突出，食味性價比算為合理。雞絲粉皮：挺大碟，賣相不俗。粉皮夠滑，但麻醬不夠香。素菜包：食味清爽熱辣。小籠包：皮薄汁多餡夠香滑。稻草肉：醬汁調味不俗。腩肉不算膩口，瘦肉部份鞋身。宋嫂魚羮：口味帶酸醋味有點怪。紅燒桂花魚：桂花魚肉質滑溜，富魚香。川椒雞球：川椒汁辣口惹味，雞球腍滑。倘若雞球能大一點會更理想。瑶柱蛋白炒飯：炒飯夠乾身勻稱，飯香合預期。菜肉雲吞：調味略鹹。意米水：口味很淡。

開心係因為咪咪可以同架架食 lunch，可惜其實餐飯只係好一般。架架咪咪未試過一齊食小南國，所以都係點平時食開既麵類同點心，包括：羅漢素鵝（$38），上海擔擔麵（$35），小籠包（5隻）（$30），紅油抄手（8隻）（$30），椒鹽小黃魚（2條）（$50）。另外，茶每位 $12，仲有碟酸菜，不過我地唔要，所以無計錢。羅漢素鵝：以為係炸既，點知係鹵水，幾鹹，同埋入量睇落好少，只夠兩人食，亦只係開胃冷盤，食左同未食無咩分別。上海擔擔麵：絕對係一人份量，可能一個人食會夠飽，但係我地兩個人 share。個麵無辣味，花生／麻醬極少，食食下點解個湯咁甜架？！凈係得擔擔麵既「形」，無擔擔麵既「味」。但係麵質唔錯，彈牙！小籠包（5隻）：架架覺得都OK，皮算薄，每隻都有汁，夾落碗都唔穿，不過咪咪覺得普普通通，皮唔夠薄，大家意見有D分歧。紅油抄手（8隻）：醬汁好小，最初以為辣辣地，點知道食落毫無辣味，加上唔係好熱，失望！椒鹽小黃魚（2條）：從來無食過，好多檯都有叫，架架咪咪都試下，要兩條起叫。椒鹽味唔重，但係炸得幾甘香，魚肉嫩滑，魚皮香脆，用黎送飯會一流。雖然細細條，但係食完一條都好飽，25 蚊一條真係貴呢