泰斗 (中達大廈)

Open Now

Now Closed

➼ 泰式生蝦蝦肉幾鮮甜，配埋啲生蒜同酸辣汁，好開胃！➼ 豬肉生菜包肉粒炒得算乾身，但可以再辣啲，整體嚟講唔係好Impressive，係屬於比較穩陣嘅選擇。➼ 小食拼盤（細）拼盤有泰式雞捲、魚餅、蝦餅同春卷，四樣都炸得好香脆💕平時我最留意拼盤上面嘅蝦餅，好彩呢個都算彈牙，又唔會鬆泡泡👍🏻成個拼盤上菜嘅時候都仲好熱辣辣，相信係新鮮即炸嘅，值得欣賞！➼ 士多啤梨沙冰我好欣賞佢係鮮榨嘅士多啤梨味，而唔係好假嘅甜味👍🏻不過太大杯了，最後我都飲唔晒😣➺ 小分享：呢度有室外嘅位，可以望到對面九龍公園，而且會光猛啲🤣相反室內位置會較暗，所以都建議坐室外位，影相都靚啲啊嘛💕

近排都冇點食過泰菜，今晚嚟咗TST見到呢間泰斗，個menu望落都好吸引，於是決定去食餐好😍新派美味老虎蝦(2pcs) ($198)- 老虎蝦好大隻，肉質結實彈牙，同埋好鍾意個sauce，甜甜哋cream味濃郁，最有印象當然係一上檯就點著火，微微燒過嘅香氣更令人著迷❤️泰式蝦肉炒金邊粉 ($108)- 金邊粉炒得幾香口，酸甜醬汁完美沾滿每條金邊粉，仲有滿滿嘅配料，有芽菜、蛋碎、蝦，蝦肉足料，Q彈有咬口，簡直係滋味滿溢😝泰式燒豬頸肉 ($118)- 豬頸肉都燒得好有質素，表皮香脆，內裏嫩滑唔柴，醬汁香鹹微辣，份外惹味，配搭完美，味道層次好多元😚小食拼盤(細) ($128)- 小食拼盤好正，一個拼盤滿足你4個願望，有齊豬頸肉、素春卷、泰式雞卷、魚餅，樣樣都好足料，口感好豐富啊😆椰青 ($48)- 椰青果然係泰菜頭號飲品，椰青水清甜解膩，椰肉雪白軟滑，甜甜嘅椰香味喺口腔爆發，幸福指數爆登💯Rose Bailey ($98)- Rose Bailey入口甜甜哋，酒味都ok明顯，但有奶味嘅加持，幾易入口，係高質嘅cocktail 😍餐廳內部設計都好有氣氛，坐得舒服，啱晒朋友聚一聚食餐好😆

見網上大家都話好食就試一試~一坐低有坐水飲吓~ 不過------ 😮😮😮嗰侵油••••••• 🤔🤔🤔2 個人叫咗 4 個餸~個小食拼盤幾好食~ 唔錯唔錯~ 💪🏻💪🏻💪🏻椰汁雞湯椰汁味唔夠濃~ 香料味反而太濃~ 🤔🤔🤔咸肉炒雜菜~ 啲咸肉燜得未夠時間~ 啲菜就好脆好好食~ 🥦🥦🥦椰汁海鮮焗飯~ 椰汁味唔夠濃而且啲炒飯鹽又未炒勻~ 另外啲腰果棯晒~ 應該走咗氣好耐吓~ 😯😯😯菠蘿沙冰~ 一般般水準唔錯啦~ 😯😯😯斑蘭椰汁冰~ 其實啲冰去咗邊呢！？又唔凍~ 又冇乜味~ 😑😑😑4 個餸 2 個人都食唔晒~ 碟碟都咁大, 大家去到記得唔好叫咁多碟呀~ 😃😃😃 另外非酒類水吧得一個姐姐頂住~ 所以有啲攪錯又做唔切, 啲嘢飲又可能慣咗冲少甜~ 所以有人彈返轉頭話唔夠甜冇乜味咁, 7 舊水我個人就覺得伏咗啲~ 大家試真吓睇吓係唔係！？😲😲😲

露天風味泰菜@尖沙咀落雨天坐喺露台享受泰菜，別有一番風味。依道有個對住九龍公園嘅大露台，景色一片綠油油，真係身處泰國咁！泰式生蝦刺身擺放得好有心機，而且份量可觀，一行四人都夠哂分。每隻蝦都一樣咁大隻，肉質好爽滑，加埋酸汁同蒜片辣椒真係無得彈！泰式小食款式多多，都係點拼盤每樣有啲最好。依道嘅拼盤有四樣嘢：香葉雞中翼、魚餅、蝦餅同素春卷，有分大盤同細盤。蝦餅同素春卷依啲炸嘢好香脆，蝦餅仲真材實料十分彈牙。即叫即燒嘅香燒雞皮香肉嫩，值得等耐少少。依個整法比較少見，好有特色，配咗個泰式辣醬更加惹味呢。炒飯同炒粉麵嘅選擇好多，真係睇到我花多眼亂。最後我點咗個名有趣嘅醉貓炒河，原來係因為加咗啲酒去炒，不過食落無乜酒味。除咗牛肉之外，落咗好多黃椒、紅椒、四季豆同洋蔥一齊炒，好豐富！青咖喱椰汁味道濃啲，相對其他咖喱嚟講無咁辣，大部分人都食到。青咖哩個碗好深，其實入面都幾多豬肉，點蒜蓉包好好食。依個菜炒得幾好，唔會好油咁，鹹魚稍微吊味。芥蘭一啲都唔苦，反而食落新鮮清甜。

係尖沙咀做野咁耐都唔知有依間泰國菜原來海防道有間咁高質既餐廳平日既晚上7點幾都幾乎full晒好彩有先訂位，我地被安排坐係室外大露台個邊位置食物方面選擇都幾多我地就要左個細既小食拼盤、泰式鳳爪、串燒、炒金邊粉、炒椰菜苗同飲品每樣都好大份！而價錢都只係100元左右，覺得真係超抵食！✨泰式鳳爪$68酸酸辣辣咁作為前菜好適合👍🏻比想像中稍辣一點，食唔到太辣既人要小心~✨小食拼盤(細)$128心大心細唔知揀邊款小食好，拼盤有齊香葉雞中翼、蝦餅、魚餅、素春卷，啱晒選擇困難症雞翼係單骨雞翼！好貼心呀✨串燒沙嗲雞and豬 $38/2串串燒燒得好香，外面少少脆而入面仲保有肉汁，本身都應該有調過味，加埋沙嗲醬好出色✨泰式蝦肉炒金邊粉$108金邊粉味道酸甜，又炒得唔會過濕或者痴埋一齊，撈埋花生碎同加d檸檬汁，仲有大大粒蝦肉，好正~

今日同寶寶來尖沙咀呢邊按腳，按完腳滿足左對腳之後，就要滿足下肚仔了🙈 係好餓嘅情況下，我哋就喺同一棟大廈揀咗一間喺OpenRice幾高評價嘅泰式餐廳食晚飯❣️本來以為餐廳細細間，點知上到嚟都唔細，有差唔多80個位咁多😲 有部份係半露天餐桌，枱枱櫈櫈都瀰漫着一股泰式風情，很有泰式街頭餐廳風格💕整體感覺幾舒服👍🏻 乾淨企整😌 地點又就腳 🤩餐廳仲裝左 Now TV🙊 踢波日都可以黎睇波🤟🏻整體環境來講幾唔錯❣️小食拼盤（細）$128有香葉雞中翼（單骨）、春卷、魚餅及蝦餅4款小食每樣各四件❣️非常豐富😍 🦐蝦餅足料，裡面有蝦肉☺️ 食落亦香口唔覺得油膩❗️🐟魚餅出色👍🏻 香料嘅味道控制得好好，一般食呢個魚餅都會食到好大陣香料味，但呢個好易入口，幾岩港人口味🤓🌯春卷以蔬菜餡料為主，春卷皮夠薄👍🏻香熱鬆脆😋椰香黃咖喱（配牛肉）$108另加配薄餅 $28勁多牛肉🤩用隻匙羹輕輕一舀，大部分都係牛肉黎☺️ 黃咖喱味香濃，唔算好辣，質感亦唔會好似水咁稀，用嚟配薄餅、送飯，又或者配蒜蓉包都唔錯👍🏻薯仔切得大細適中，好方便食👍🏻薄餅煎得好香口，咬落有薄粉層+脆脆地咁，係我哋特登叫來餸咖喱嘅😆 店員仲好貼心咁話俾我地聽呢

星期一至五上班的日子，午餐多數都是買飯盒，放假的日子要對自己好一點，去一間有渡假感覺的餐廳享受悠閒的假日午餐，窩夫與蝦子餅早前便選擇了尖沙咀的樓上泰國菜館泰斗。之前光顧過泰斗吃晚飯，吃午飯還是第一次，由於餐廳是半露天的，感覺光猛。吃泰國菜窩夫必點椰青($48)，泰斗的椰青味道特別清甜。窩夫與蝦子餅平時很少點生菜包，但見到泰斗有鴨肉生菜包($128)，便點來試試看。鴨肉炒得很香很惹味，帶點辣，生菜十分新鮮。小食拼盤(細)($128)共有四款小食，分別是蝦餅、魚餅、香葉雞中翼和素春卷，窩夫特別喜歡蝦餅和魚餅，水準都很高。壓軸的是大頭蝦粉絲煲($268)，鍋子被填得滿滿的，但不見大頭蝦的蹤影。可能因為鍋子的溫度太高，躲在鍋底大頭蝦煮得有點過火，被配角粉絲搶了鋒頭，粉絲煮得很入味，不會太乾或者太濕，最難得的是一點也不油膩。

<泰斗>位於尖沙咀海防道，位置便利，餐廳空間感寬闊，無敵大露台能飽覽九龍公園的樹景，充滿綠化氣息。看著小雨點落在透明帳篷，“滴答滴答”的聲音，配上暈黃的燈光，情調浪漫。椰汁紅豆冰 $42 Happy Hour下午4-6點，所有飲品有七折優惠。紅豆冰的豆蓉十分綿密，配上濃郁的椰汁，香濃細膩，椰汁的甜度不會隨溶冰而退減，啖啖窩心。芒果沙冰 $58沙冰冰爽刺激，經過舌尖而慢慢沁透芒果蜜甜，配上炸物小食，消暑解膩，如果能更入果肉、椰果，口感更豐富。小食拼盤(細) $128拼盤有4款炸物，我最愛炸蝦餅，蝦肉爽彈，口感飽滿，沾上泰式酸辣醬，十分惹味；香草雞翼已切成單骨，外表脆卜卜，愈吃愈過癮。魚餅軟彈，充滿香茅味道，洋溢泰式風情；素春卷包了雜菜絲和粟米，清新滋味。椰香黃咖喱(雞) $108 +烤薄餅 $28黃咖喱微辣惹味，充滿濃濃椰香，雞肉份量很多，加上配料薯仔、紅椒和洋蔥等，放在烤薄餅上吃，十分夾配。只是烤薄餅不夠酥脆，未能做到一層層起酥的口感，但吸嗦了椰香咖喱汁，尚算吸引。蒜蓉包 $32蒜蓉包熱辣、香脆，帶淡淡蒜香，如能塗上更多牛油，味道更加香郁。把蒜蓉包沾上黃咖喱，也是第二種

以往想食泰菜, 通常第一時間都只諗到九龍城, 但交通實在不方便, 而且大部份餐館都較舊式坐得不太舒服.   最近發現尖沙咀這間有質素既泰國菜館充滿Thai格調, 尤其露天位置以深色木地板+藤椅+咕𠱸+矮燈柱, 就像曼谷既天台酒吧般, 讓繁忙既都市人可以邊吃喝邊聊天抖一抖.  這裡更安放了一部大電視兼做酒吧.  餐館裡頭以青檸綠為主色,有梳化座及長枱, 感覺平易近人適合大夥兒.除了主餐牌, 另有多款特別推介, 提一提咖哩蟹要預訂, 否則好似我哋今晚即興光顧就無緣品嚐了.   食物價格屬中上, 尤其海鮮.食泰菜點少得椰青, 清甜解辣, 天然甜度, 裡頭還有好多椰肉, 証明係即開.這裡有不同款式生菓沙冰, 這芒果沙冰充滿夏日氣息, 用芒果汁打既沙冰有泰國芒果味既清香, 不似菲律賓芒般只甜不香.泰式拼盤(細)適合多心既我哋, 共4款小食份量不少.  較喜歡炸蝦餅, 脹卜卜好厚身, 香脆肉彈好味; 泰式春卷脆口不油; 單骨雞翼方便享用, 味道像一般炸雞翼. 一向對於泰式魚餅裡頭既強勁香料不太討好, 這裡既魚餅香料味較溫和我卻易接受.柚子沙律又係泰菜必食,  今次crossover我最愛既軟殼蟹.

今次同朋友食晚餐，起openrice上找泰國菜，尖沙咀這間望落環境唔差，四人一試，雖然小弟有點憺心過辣問題，好彩味味都唔太辣，適合小弟口味。青咖哩小弟食開一向唔係辣的方向，所以安心叫上，咖哩味幾好，肉類可選豬牛羊雞，加上燒餅，一個唔錯的組合。飲品普通，唔多講。比較憺心的一度菜，不過好彩又唔太辣，辣度剛好接受到，生菜算新鮮，份量唔少，幾好。俾個名吸引咗，但上來只覺得是普通的馬拉盞通菜。小食是多數客必叫，我們都唔例外，炸物要快食，四味小食都是普通味道，所以。。。無咩好講。一讚的魚肚羹，料足，夠傑身，一個小的剛好四人份量，唔洗加調味料一樣好食。烏頭比較味淡，鹽味入唔到魚肉中，不過魚肉夠滑，算係一般啦。甜品是第一次食的芒果糯米飯，一試之下甜酸咸三味夾雜，感覺麻麻，下次都係叫椰汁西米算。價錢唔算太貴，中上價，服務幾好，可以走芫茜，上菜快，環境清幽有情調，適合情侶上來。最後有一處比較反感就是我們坐位後面的地方，望圖只是普通的生蠔櫃加上大電視，但其實是吸煙處，有唔少人唔知是客還是職員在此處吸煙，煙味傳出，影響食慾同心情，破壞整體分數。