EAT ME Bar & Restaurant (Closed)

呢間餐廳好有特色，已經黎過幾次了每次黎都轉唔同菜單。今次我地就叫左個意粉感覺好淡好似冇落調味料，應該好健康唔油膩不過大家中意有味啲可以加芝士粉海鮮飯就有啲咸，感覺個麵同個飯如果可以中和一下就好了。不過個飯咸得黎係好食嘅，配埋海苔絲，好香最好食嘅就係雞鎚，推介大家可以單點雞鎚食，係最好味同埋最入味嘅 而且肉質係柔軟嘅我地跟餐叫多個湯，入面仲冇蝦仔，個湯好濃好好味呢個甜品應該好適合好中意食甜食嘅人，因為佢有層焦糖喺面，而且個燉蛋都好甜好甜呢個窩夫就算唔占雪糕食，佢本身都好夠甜味，而且好脆，感覺似係炸過的。而個雪糕好大球好抵食真係有好多紅豆，建議大家唔好攪勻，如果唔係就會被紅豆味蓋過左紫薯拿鐵嘅味了呢杯好濃朱古力味，而且飲落有啖啖嘅脆脆，真係好好飲

旺角搵嘢食好易，但合心水可能好難，今次同朋友工作完，想搵個靜靜地舒服既環境食餐飯，行過譽發廣場附近，不如就係到揀返間，最後就揀咗呢間EAT ME BAR，可能時間尚早，好快就可以入座，第一感覺就係覺得無揀錯，全街景視角環境非常好，有風格既室內設計，非常符合當時我地既要求。二話不說就點咗個二人餐再加一個小食拼盤，好快就上沙律同蘑菇湯，小食拼盤炸得好好，表面干身而唔油膩。主菜係大蜆忌廉白酒扁意粉同Ｔ骨牛扒，意粉酒味好香，牛扒雖然有啲過熟，但好彩Ｔ骨本身牛味夠。最後就係一向都覺得好好食既movenpick雪糕，非常舒緩整日既工作壓力。

今日收工同朋友約食飯～去jor哩間eat me bar。朋友到jor先，見有個二人套餐就嗌jor我揀湯，佢揀沙律，兩個都揀雪糕主食就叫jor 粉紅胡椒大蜆海鮮意粉同埋溫泉蛋大pizza！仲有超強芝士拉絲（個pizza真係大到我地好飽）其實佢個二人餐份量真心多！好抵餐廳好好feel～而且我地坐高凳台望住街景食pizza好正～（對面係海底撈）而且影相一流啊～一路食一路望住街景傾計都唔錯最後雪糕都有驚喜！第一次食movenpick雪糕奶凍好好味！超級飽！其實我覺得哩個餐3-4個人食都唔過份！走個陣好多人等位啊！好彩我地有book位！提醒大家要提前book位啊！

有一日朋友話想食西餐，諗唔到食咩搵左好耐，最後決定食呢間好評極多既 EAT ME Bar&Restaurant！我地打左電話訂座19:15 2位，職員話人數眾多所以只會留台5分鐘，大家記得準時到啦。我地一入到去已經比外圍既落地玻璃同餐廳裝修吸引左，差啲聽唔到用餐時間限90分鐘，所以我地好快就要落單。今次我地嗌左個2人套餐，由於我之前食後呢到既小食拼盤水準極高，所以一定要加28蚊係。我地嗌左忌廉意大利飯同澳洲T骨，意大利飯有好濃既黑松露味，而且唔會太乾身愈食愈開胃，加埋洋蔥層次十足。至於T骨算係不過不失，筋部算多亦都做唔出5成效果，但都算有牛肉味道，呢個價錢算抵嗌之選！

星期五晚上泥食，預左會多人，好彩事前喺openrice book定枱，唔洗攞籌。滿心歡喜叫左個二人餐。等左20分鐘先上餐湯，只需倒啲湯入個碗度都可以用20分鐘？再等多10分鐘，終於上小食拼盤喇。腸同薯條只係微暖，得炸魚係熱嘅。唔通炸野係得一個鍋，要續樣炸？ 都係啲現成野食，味道同一般嘅無異 ~泥左小食好快就上T骨排。見到好大塊，好有眼福。。。但明明侍應哥哥問要薯仔定意粉，明明都講左要意粉，點解最後都係泥薯仔？侍應哥哥都有問牛排幾多成熟，講左要5成熟。但牛排薄到得3mm厚左右，談何幾成熟？肉質冧到唔合邏輯，一係本身舊肉唔靚，一係就落好多鬆肉粉。無肉味。再等多5分鐘，個意粉終於泥喇。味道上中規中矩，無突破，不過都比牛排好食。意粉有點煮唔熟，同埋落左過多olive oil食到成口油。一餐最好食都係得Movenpick雪糕。總括而言，可以用一個字描述：差。

星期五 happy Friday ，出外晚餐。去到旺角梗係要搵野食啦⋯2個人晚餐，可以坐下傾計。氣氛環境都唔錯，價錢適中，值得一試。如果幾個朋友聚會，興祝生日都係唔錯嘅選擇！2個人，見到有2人套餐，唔洗諗食咩，見到好多人都叫左個套餐，唔夠仲可以單叫⋯個沙律少少芝麻醬，酸酸地好開胃。個餐有個西湯嫁（唔記得影）小食拼盤，咩都有，唔食分開叫。一般般，冇咩特別⋯有飯/意粉。我地揀咗意粉，意粉硬度唔錯，但比較乾身，如果鍾意食辣可以加少少Tabasco，會好食啲個pizza 熱辣辣好食，餅底好薄，只係材料比較少最尾食完仲有個甜品，係一個雪糕加cream🍦另外仲有兩杯飲嫁，又係冇影相，叫左兩杯梳打，每杯加$10。另收10%

好早之前行過已經見到呢間野，一直想上黎試下，上次walk in點知full曬。今次有備而來，一早系openrice book定位先！放左工行過黎，早左四個字，上到去都照入得，好彩bookmark左吾要吧台所以就安排坐系最入面既二人台，點知對正個風口所以越食越凍睇左陣餐牌，決定嗌個二人餐，價錢都合理既，二人餐前菜包兩個湯或沙拉，朋友決定一樣一個，職員話ok 前菜之一，紫薯湯。幾濃紫薯味，不過一上菜果下同朋友嚇一嚇腦海諗起minions紫色果隻沙律系Parma Ham沙律，so far so good，無乜特別，所以無影小食拼盤，都ok既蒜蓉意大利瓜野菜意粉好。多。蒜。意粉吾算乾，炒得岩岩好，不過無諗過會咁蒜大男人pizza好多芝士，味道好濃芝士味，不過可能食吾慣呢種芝士，硬系覺得有啲酒味餐飲補錢嗌左呢杯玫瑰西柚梳打味道好好鍾意玫瑰味既一定要試

星期六的旺角人來人往，要找到一個可以輕鬆坐下用餐的地方真的有點難。晚上7:30跟朋友逛了好久，發現在譽發廣場5樓有一間格調輕鬆價錢又大眾化的餐廳。當時晚上7:30, 已經全場滿座，我們等了一陣才有位，所以如果要來記住要make reservation。餐廳的座位都好鬆動，感覺年輕的設計，場內播放著輕快的音樂。我們看了看餐牌，決定要一個二人套餐，因為這個真的好化算，$248就可以有湯有沙律，有兩個主菜，一個這人小食拼盤，甜品和飲品。另外我們都點了兩個小食。煙三文魚田園野菜沙律這個沙律好大碗，三文魚的份量好多，有9-10片，大大片的。鹹香的三文魚加上香草，好配！沙律菜的調味適中，好開胃。冬陰功煮大蜆還點了這個特別的小食，第一次食冬陰功煮蜆。蜆肉好大粒，非常肥美！冬陰功好惹，好香香茅和其化辛香料，如果可以少鹹一點就更完美。餐湯職員說是南瓜湯，但我怎樣喝都覺得是龍蝦湯。不要緊，反正挺好渴的啦，湯的龍蝦味重，鹹度適中。大男人薄餅我好好奇點解叫大男人pizza，不過這個薄餅真的好吃，尤其是芝士份量非常多，芝士味濃，配上辣肉腸簡直絕配。薄餅的份量好多，超大個，雖然是二人餐，但三人食都夠！薄餅皮又脆口

Happy Friday食好西，是常識吧！星期五朕出巡旺角，諗住去信和買下玩具，點知俾朕見到呢間新開既（應該係）西餐廳，一於食左先講！上到去，地方都幾企理，成間鋪都係落地玻璃，望落好開陽舒服。識食好西，就梗係食漢堡啦（朕覺得）！朕就Order左－黑松菌芝士牛肉漢堡（配薯條）同埋小食拼盤！先黎個小食拼盤呢個小食拼盤有墨西哥辣腸，洋葱圈，紐倫堡腸，酥炸三重芝士雞同埋薯條！墨西哥辣腸，外皮煙韌，食落有少少微辣，幾香口，洋葱圈薄薄一層炸粉，洋葱Juicy，三重芝士雞，食落外皮酥脆，芝士香濃！越食越想食！跟住到今日既主菜－黑松菌芝士牛肉漢堡（配薯條），佢地用左竹炭包，6.5OZ牛肉，仲有黑松露泡製而成，個黑松菌芝士牛肉漢堡大過朕既拳頭，一口應該食唔哂，於是乎朕唯有先將佢一分為二，再逐個擊破！在切開既過程，啲肉汁己經流哂出黎，朕第一啖食落去，除左食到黑松露味，仲有都係黑松露同埋黑松露（重點所以要講三次）跟住就係厚厚既牛肉同埋香濃既芝士同埋Juicy既蕃茄！－－－－－完－－－－－