EAT ME Bar & Restaurant (Closed)

星期五晚上泥食，預左會多人，好彩事前喺openrice book定枱，唔洗攞籌。滿心歡喜叫左個二人餐。等左20分鐘先上餐湯，只需倒啲湯入個碗度都可以用20分鐘？再等多10分鐘，終於上小食拼盤喇。腸同薯條只係微暖，得炸魚係熱嘅。唔通炸野係得一個鍋，要續樣炸？ 都係啲現成野食，味道同一般嘅無異 ~泥左小食好快就上T骨排。見到好大塊，好有眼福。。。但明明侍應哥哥問要薯仔定意粉，明明都講左要意粉，點解最後都係泥薯仔？侍應哥哥都有問牛排幾多成熟，講左要5成熟。但牛排薄到得3mm厚左右，談何幾成熟？肉質冧到唔合邏輯，一係本身舊肉唔靚，一係就落好多鬆肉粉。無肉味。再等多5分鐘，個意粉終於泥喇。味道上中規中矩，無突破，不過都比牛排好食。意粉有點煮唔熟，同埋落左過多olive oil食到成口油。一餐最好食都係得Movenpick雪糕。總括而言，可以用一個字描述：差。