Together (Closed)

一家人睇完Mario過左黎食，職員好好，一見到有小朋友就問需唔需要兒童餐具，我地首先叫左個兒童餐，有肉醬意粉，雞塊同薯條，仲有杯細橙汁，份量都幾多，小朋友食唔哂我同老公就叫左個2人餐share食，有兩碗洋蔥湯，兩塊包，雞柳沙律，小食拼盤，主食叫左鱸魚同肉眼。（兩款醬汁我地叫左黑椒汁同檸檬牛油），仲有甜品洋蔥湯我略嫌咸左小小，沙律反而俾到驚喜，d雞好滑幾好味小食拼盤我就覺得麻麻地，三樣裡面得個肉丸好味d主食：鱸魚都幾好，d皮脆卜卜，又冇骨，如果有就禁檸檬汁唧落去我就覺得會正d 肉眼我地就叫左7成熟，都幾淋，不過不失（我鍾意d薯條多d）甜品幾好味，小朋友同大人都鍾意。總結，我地都會再幫襯，不過可能會單點，唔叫二人餐

之前食過好好食，諗住同一大班同事再食啦，點知食到一肚氣。其實11月尾先去完together食午餐，當時啲食物係好食嘅，但後來轉咗餐單就變哂質。。。1) 一早訂定位同落哂餐，同負責人講話因為係食午餐，想一到餐廳就即刻上菜啦，已經預先講明哪張枱點什麼餐，但侍應派餐都派到亂，重要呆等起碼20分鐘先有食得。2) 食物份量太細，慢煮牛小排目測得5件，碟大份量細。其他餐得肉但冇跟薯菜，飯，或意大利粉，完全係食風。。。係好味嘅，但連女仔都食唔飽。3) 牛小排係貴餐，但係似清湯牛腩。4) 只有小牛小排有得跟一碗白飯，但白飯係生冷鋼嘅，好難食，以為自己係食壽司飯咁凍呢。。。5) 食物嚟到係凍嘅。6) 食完主菜，飲埋咖啡，食埋小食拼盤才上餐湯。但餐湯又係冷嘅。。。7)加咗15蚊先而有餐湯，但冇餐包跟，冇澱粉質落肚。冇下次，Together 不了

環境優雅，座位寬闊，食物質素又唔錯😆----------精選二人晚餐 $488紫薯濃湯第一次見人哋用紫蕃薯做濃湯，顏色靚之餘，又有天然既甜味🍠 小食拼盤入面有炸魷魚圈、炸洋蔥圈、炸水牛芝士、牛肉串，炸物穩定既好，牛肉串既牛肉juicy又唔韌，帶啲香草味😌最鍾意佢除左茄汁，仲有埋黑松露醬😋 吞拿魚牛油果他他牛油果既熟成度剛好，好creamy🥑配埋鹹鹹地吞拿魚😍 阿根廷紅蝦龍蝦汁手工扁麵阿根廷紅蝦好夠大隻，竟然有5隻🦐龍蝦汁龍蝦味好濃郁，少少掛麵🦞 美國豬鞍架豬鞍架大塊又厚，配左薯條同焗蒜頭🧄