HeSheEat (銅鑼灣地帶)

Open Now

Now Closed

姐妹們話太愛食這間甜品，要帶我們試一試檸檬味道帶酸，開胃好味芒果味好香帶甜，這個值得食厚身鬆餅，微熱，放牛油，忌廉，岩鹽，嘩好味，好軟滑這個奶凍香而不膩，帶有好香玫瑰花茶味配上冰凍飲咖啡沙冰

是日年初四，老公帶埋小朋友過來我公司拜年逗利是，山長水遠黎到當然同我食埋個lunch，最後我揀左呢間HeSheEat試下，1點過到去已經有人在門口排緊隊，等左一陣見有人走，但可能waitress太少，佢地要serve客又執枱，就係遲遲都唔放人入去，已經有幾張空枱等人入去坐，但我覺得佢地唔係路咯，洗唔洗擺好哂餐牌先叫人入去坐呀....應該比人入左去坐低先，再遞個餐牌，等人一邊揀食物一邊再擺餐具嘛，一點都唔識慳時間咁我趕時間梗係等位時已經諗定食咩，一坐低就叫埋啦！同時我見到佢有一張優惠介紹話可以送甜品，但個waitress淨係拋下一句：「呢個要散叫」跟住連張優惠介紹都收走埋，你趕時間都唔係咁掛...我自己走去拎番來研究先知今日唔用得.落單後先黎餐湯同沙律，個餐湯原來轉左蕃茄湯，但落單時無人通知，好彩我地都鍾意飲的，蕃茄味濃郁！阿仔鍾意到叫爸爸回家整比佢飲至於田園沙律無驚喜，普通沙律菜加少少黑醋，比餐湯遜色。主菜首先有卡邦尼長通粉($68)，芝士味濃郁，份量又夠，配以煙肉碎，好味！另一個南瓜大蝦意大利飯($78)，只有兩隻小蝦，配1.5粒車厘茄，但個意大利飯本身都好味，南瓜味重，所以無餸配都

呢晚放工出左銅鑼灣~拎份生日禮物畀朋友~"交收"完畢後就同男朋友去食晚餐~但企係大街望上銅鑼灣地帶, 見到"HeSheEat",之前聽過朋友話好食~就食佢!睇完menu, 我地叫左:蟹肉蕃茄牛油果沙律($98),炸蘑菇釀雞肉($68),墨魚汁魷魚扁意粉($108),春雞黑松露意大利飯($128),朱古力忌廉班戟卷($58), 岩鹽焦糖厚焗鬆餅($62)~墨魚汁魷魚扁意粉($108)魷魚大大舊~ 好爽口~墨魚汁扁意粉好香~仲帶少少辣~好食!蟹肉蕃茄牛油果沙律 ($98)呢個賣相好靚呀!魚子, 蕃茄, 蟹肉, 牛油果, 層層分明, 顏色又靚!重點係, 蟹肉個層佔最多呀!啖啖蟹肉真心正佢仲有幾片多士仔畀你搽上去食~蟹肉鮮味濃郁~然後配上蕃茄粒粒好清新~再來牛油果CREAMY同魚子粒粒爽口嘅口感~呢個真係好好食!!!!旁邊仲有D新鮮蔬菜做嘅沙律~好健康~炸蘑菇釀雞肉 ($68)一碟有5舊~ 配黑松露蛋黃醬~我第1次食有黑松露味嘅蛋黃醬~又幾好食啵!用來點炸野一流!講返D雞肉~叫嗰陣呢, 我以為係雞肉丸釀 蘑菇,正常都係咁?但好SURPRISE!佢係全隻蘑菇再加一舊雞肉再拎去炸~咁樣出來效果好好

周不時都會掛住hesheeat 既岩鹽焦糖厚焗鬆餅，今日同朋友去銅鑼灣，又揀左呢到吃晚餐。有新menu 的Dinner Combo，都幾吸引，我地揀左海鮮燴扁意粉 $132，海鮮好多，意粉不會過多汁，恰度好處。黑松露啡菇露筍意大利飯 $112，黑松露味好香，啡菇超大，不錯。有機伯爵茶、柑橘菊花茶，分別加+$15。我和朋友傾了一個晚上，店員會為我們加上熱水。伯爵茶比柑橘菊花茶容易入口，柑橘味的茶那種味總不是每人也接受到。Dinner combo+$30有抹茶紅豆鬆餅，縱然如此，我還是最愛岩鹽焦糖厚焗鬆餅 $62，岩鹽焗焦糖、牛油、雲尼拿雪糕。那種味道、質感只有這裡可以找到，吃了多次也不生厭。朋友最愛心太軟，今次點了拖肥果仁心太軟 $62，配冧酒提子雪糕、焦糖、果仁。冧酒提子雪糕很特別，心太軟朱古力味道濃郁。

<帶子青蘋果焦糖合桃蜜糖芥末醬沙律，$95>朋友今日想食沙律，我哋就點左呢一個帶子青蘋果焦糖合桃嘅沙律，其實見到個價錢有啲貴，不過原來係物有所值！帶子都好厚好大粒好鮮甜。配上清新嘅青蘋果，好爽口，而且焦糖合桃都好好食，完全令我有驚喜。<HeSheEat Burger，$128>好甜心咁幫我哋一開二，首先個包都好好食，烘底加埋塗上少許牛油，黑松露醬份量適中，唔會太膩亦都夠哂味。牛肉好厚，都幾好食，整體感覺好好。<春雞黑松露意大利飯，$128>春雞好香好滑，黑松露意大利飯都好唔錯，做法算比較港式，無正統嘅意大利餐煮得咁硬。<綠茶心太軟，$62>綠茶心太軟嘅熔漿綠茶味十足，但蛋糕就略嫌綠茶味較淡。不過只要配上熔漿同雪糕，都係好好味。<岩鹽焦糖厚焗鬆餅，$62>呢個厚焗鬆餅超級好味，絕對係推介之選。鬆餅除咗有香濃嘅蛋味，亦都做出好鬆軟好fluffy嘅感覺。配上岩鹽焦糖醬、蜜糖漿及雪糕，唔算太甜，口感同味道都一流。整體而言，HeSheEat以前食甜品好出名，但係其實佢嘅正餐都唔錯，性價比算高，而且個岩鹽焦糖厚焗鬆餅真

HeSheEat其實食過好多次但係銅鑼灣呢間真係第一次過嚟呢度食嘅原因係因為有一次有一個朋友介紹平時食嘅甜品口味都好複雜但係呢一個好簡單好好食就係岩鹽焦糖厚焗鬆餅佢係一個好香雞蛋味嘅鬆餅雖然即叫即整要等半個鐘但係一嚟到真係好香雞蛋嘅香甜味一陣陣咁飄入鼻食落口嘅感覺有啲紮實又有少少濕潤同埋都係果一句，真係好香雞蛋味旁邊有雲呢拿雪糕陪襯另外當然唔少得係岩鹽焦糖醬同埋糖漿岩鹽焦糖醬有少少鹹味焦糖嘅甜又唔會過分，帶點焦香味反而我鍾意個味道再香甜啲我鍾意加埋糖漿嘅味道(我本人都好鍾意食糖醬，尤其是食西多)成個鬆餅嘅味道加埋一齊令我覺得好amazing🌟🌟🌟🌟🌟

青檸茶　 $35用上新鮮青檸，清新爽口不錯。帶子青蘋果焦糖合桃蜜糖芥末醬沙律　$95帶子份量很多，青蘋果新鮮爽口，焦糖合桃甜蜜香脆，整體口感豐富。燒美國牛肉胡麻醬沙律　$95燒牛肉肉味濃郁，燒得不過火，日式麻醬混上蔬菜相當惹味。黑松露大蘑菇蘆荀意大利飯　$118非常creamy， 黑松露醬下得相當足夠，大蘑菇份量很足，作為素食味道也很豐富。燒豬肋排薯條及沙律　$108燒烤醬甜甜鹹鹹，豬肋排相當入味，肉質鬆化，一旁的薯條炸得香脆可口。岩鹽焦糖厚焗鬆餅　 $ 62老實說，我覺得比同區新開的過江龍更為出色。質地鬆軟富蛋香，是蛋糕的質感，岩鹽焦糖甜中帶鹹，有點拖肥糖的味道整體出色！

之前都和朋友吃過HeSheEat，覺得質素不錯而且地點很便利，就在銅鑼灣地鐵站對面的商場內。適逢姊姊生日，我便選此處為她慶祝。一行四人六時便入座，不用等位，還分配得店內鳥籠圓桌，坐得既舒適又有私隱度。先送來的是“帶子青蘋果焦糖合桃蜜糖芥末醬沙律”和 “炸粗薯條配酸奶酪及泰式辣醬”。沙律菜新鮮爽脆，輕輕沾上蜜糖芥末醬，沒有太甜太嗆喉。帶子輕輕煎過仍帶鮮味。青蘋果和焦糖合桃為沙律增添口感，我們吃罷立即再Encore一碟呢。炸粗薯條份量頗大，有一大兜。上枱時熱辣辣炸得非常鬆脆而不油膩，令人吃不停口。配上酸奶酪及泰式辣醬，較平日用茄醬較有特式，奶酪與薯條很搭配，酸酸的剛好中和了薯條熱氣感。主食我們點了“意式肉丸意粉” 及 “春雞黑松露意大利飯”。 意粉配上三枚大大的意式肉丸，肉丸我沒有吃，不過意粉彈牙而且配上不少新鮮蕃茄醬，令人很開胃的一道菜。黑松露意大利飯有濃濃的松露及菇菌香味，芝士也下得慷慨，沒有不好吃的理由。意大利飯雖不是傳統外層微軟內硬身那種，不過卻更得我家兩老的歡心吧!主菜點得不多，因要留肚吃這裡出名的甜點。看餐牌很多都頗吸引，故一口氣點了三款 : “岩鹽焦糖厚焗鬆餅”， “雜果拿破

第一次試到HeSheEat，一直以為係一間甜品店，但原來有主菜、沙律等原同選擇。銅鑼灣分店，行外望上去就見到，但入商場之後找到鋪位，好似行左轉迷宮。餐廳不設訂座，七點前去到好在不用排隊等位。 炸磨菇釀雞肉($68)分量五、六件，炸到細細件，咬落比較種蘑菇味，雞肉味道唔太係突出，配有黑松露蛋黃醫，味道又香又味，冇得輸。燒豬肋排($108)分量算中等，總共可以切開5份肋排，肉比例都幾多，只係可能燒耐左，肉相對難切，肉身略"鞋"左少少，但總體係滿意。岩鹽焦糖厚焗鬆餅($62)鬆餅好厚身，口感幾似麥當勞鬆餅，但呢度就冇咀軟身，有牛油、蜜糖同埋雪榚配搭，略嫌岩鹽味唔太夠，值得一試。

女仔約會總是離不開甜品，為左食HeSheEat甜品，我地三個人正餐食好少野，之後先去HeSheEat，本來諗住平日八半過去會少d人，點知銅鑼灣間分店依然滿座，人氣十足！我地叫左兩走甜品:藍莓芝士蛋糕泡沫($69)Cheese cake細細件，口感少少軟身，一人一小口，會令人回味，藍莓泡沫沒什麼特別，只係一團泡泡，入口就溶化，試左一小小口就放棄了。岩鹽焦糖厚焗鬆餅($62)我地苦惱左好耐先決定岩鹽味道的鬆餅，想試下平時少試到gei味道。 店員話聲稱要等20分鐘，我地都照等。鬆餅好厚身，塗上牛油，配蜜糖同埋雪榚，食完會好開心，唯獨不足岩鹽味唔夠。

打完邊爐，仲覺得唔係好飽，走去吃超邪惡既甜品。一早聽聞哩間甜品好食，今次第一次試，果然🈚️失望。點左兩份甜品share,  朱古力waffle 同岩鹽焦糖厚焗鬆餅朱古力waffle非常非常脆， 上面的雪糕球是士多啤梨味酸酸甜甜同脆脆既waffle好夾， 唯一稍有不足的是waffle 太鬆太薄。岩鹽焦糖厚焗鬆餅真係好好食， 外層焗得好脆，但是裡面厚實鬆軟，搽少少牛油再點焦糖醬，真係perfect.野飲叫左拖肥咖啡沙冰， 上面的cream唔漏，沙冰不是太甜，夏天飲好正。，green tea latte, 拉花比較簡單，味道也正常，不過不失。有機排毒茶，味道酸酸的，可以幫助消滯，食完甜野飲，好夾，怕太甜的人可以一試

終於食到久仰大名既HeSheEat啦我地差唔多夜晚十點去到，好彩當晚唔算多人，我地唔洗等位就入到餐廳啦我地每人叫一個餸share食，冇特別要求甜品後上第一樣到既係朱古力窩夫唯一覺得扣分既係個士多啤梨雪糕，因為覺得有d唔match如果可以俾客人選擇雪糕既口味就好啦之後隨即到既係墨魚汁魷魚扁意粉咁汁好濃，不過有少少辣如果份量多d就更好呢個炸粗薯條配酸奶酪及泰式辣醬唔錯炸粗薯條同平時既薯條唔同，比較鹹d個酸奶酪冇乜味，泰式辣醬ok海鮮意大利飯份量都一般不過海鮮豐富，每人都share到d泥食個人幾鍾意個汁最後泥既係朋友極力推介既岩鹽焦糖厚焗鬆餅焦糖味道的確好特別都係果句，如果雪糕既味道可以俾客人選擇咁就好啦

對於一個超級鍾意食甜品嘅人黎講，窩夫、pancake真係非常之吸引，完全抗拒唔倒！OpenRice 睇下有咩甜品餐廳推薦，見倒HeSheEat 個名咁特別，又多好評，就黎試下啦！好彩冇咩人排隊～坐左喺窗邊一個位窗外望住人來人往嘅銅鑼灣街道～座位同座位之間距離唔算大，不過都坐幾得舒服為左要留肚食甜品，叫左個意粉先！墨魚汁魷魚扁意粉軟硬適中，帶少少咸，注意～會食到個嘴同牙都沾上黑色黑魚汁，如果初次約會就唔好點依樣喇重點係岩鹽焦糖厚焗鬆餅！！！鬆餅外面有少少脆，內裡好鬆軟淡淡牛油香味～熱烘烘配埋雪糕食一流呀！

吃過晚飯後，心血來潮很想吃焗鬆餅，便來這裡試試。可能我們九時多入座，不用排隊。有三種鬆餅，選擇困難症又出現，猶豫了很久，決定試試岩鹽焦糖！岩鹽焦糖厚焗鬆餅等了20分鐘是值得的！很香蛋香及牛油味！鬆餅很鬆軟，雖然不是日式的那款， 但這個亦令人很滿足！配上鹹鹹甜甜的岩鹽焗焦糖醬，味道十分搭配，再加上雲呢拿雪糕（雖然不是什麼大牌子），實在令人很開心，有種滿載而歸的感覺！綠茶心太軟這個等了25分鐘！一切開是流心的綠茶醬，甜味及苦澀味適中，令人驚喜的是豆腐雪糕，很重豆腐味，跟綠茶很夾！份量剛剛好，不會太膩！下次可以試試其他鬆餅味道！

今日同兩個朋友一齊黎到銅鑼灣既HeSheEat，之前係銅鑼灣地帶行街果陣已經成日聞到好濃既芝士味嫁喇，今日終於有機會黎食，見平時都係好多人食野，今次好好彩，只係等左10分鐘到，就有位喇我地睇住個meun咩都想食，最終叫左1個沙拉，1個意粉，1個個飯，2個甜品同3杯Oreo奶昔1.帶子青蘋果焦糖合桃蜜糖芥末醬沙拉個沙拉菜好新鮮好爽脆，配埋青蘋果同埋甜甜地既蜜糖芥末汁真係好夾，另外帶子煎到金黃色，外脆內軟，非常開胃2.墨魚汁魷魚扁意粉一向好中意食墨魚汁味既意粉，雖然會食到個嘴黑麻麻，但呢個意粉真係好鮮味，因為佢除左係用墨魚汁炒之外，本身個意粉都加左墨魚汁做出黎，加埋好多魷魚一齊炒，味道同份量都好足3.春雞黑松露意大利飯一上枱已經聞到好香既黑松露味，食落仲有好濃郁既牛油同芝士味，意大利飯都煮得好軟，另外春雞烤到好金黃，d肉好有肉汁，同個飯好夾4.朱古力窩夫窩夫配左士多啤梨雪芭，蜂蜜同埋朱古力醬，窩夫烤得好脆身，但略為無平時食開既厚身5.岩鹽焦糖厚焗鬆餅第一次食厚鬆餅， 見到出黎既賣相同meun一樣禁令，鬆餅配左雲呢拿雪糕，蜂蜜同埋岩鹽焦糖醬，厚鬆餅食落真係同一般食開既鬆餅好唔同，佢既質感介乎