Kozy Okonomi-yaki Teppan-yaki

Open Now

Now Closed

呢間鐵板燒位於銅鑼灣, 好近地鐵站好方便想要慶祝生日, 又想食鐵板燒, 係OPENRICE搵左好多間 覺得呢間好適合~ 提早一個月打電話BOOK吧台我地好準時 一上到去就好快安排入座, 被分到窗邊吧台位, 環境好好!餐牌真係貴精不貴多, 選擇唔多但每一樣都好想食帶子$98 蠔$88燒鵝肝生日豚肉大阪燒BOOK台時同職員講定慶祝生日~再留埋名, 直接ORDER大板燒就會好靚咁上台, 比個驚喜朋友仔而且大阪燒味道都好好總結來說, 呢個價錢 係呢個地段, 味道, 環境 ~ 成餐飯性價比很高

Kozy Okonomiyaki Teppanyaki   銅鑼灣正宗日式鐵板燒 日本師傅主理夠地道有風味  🧁食物質素：😍😍😍😍 📸打卡指數：😍😍😍😍 🧹衛生指數：😍😍😍😍 💁🏻‍♂️店員表現：😍😍😍😍 💵性價之比：😍😍😍  地址: 銅鑼灣軒尼詩道499號永光商業大廈9樓  🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹 銅鑼灣呢一間鐵板燒餐廳係日本人主理，正宗地道又有風味。餐廳地方細細，好似日本既小餐廳非常地道，去到聽到日文，好似去咗個小小旅行咁🤣。餐廳位置唔多，建議大家一定要訂座記得同指定要坐bar枱，否則就會冇咗食鐵板燒嘅感覺。 🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹  1. 牛胸腹肉 $150 Rating: 8.5/10 。牛胸腹肉好嫩滑juicy 。仲有隻太陽蛋 。牛肉點上蛋汁好正☺️ 。份量如果大份d會更好  2.帶子HK$98 Rating: 7/10 。好大粒好新鮮 。但略嫌煮得過老 。不夠鮮嫩  3.蝦HK$98 Rating 8.5/10  。有驚喜🤩 。好大隻好Juicy 。勁有鮮味  。會encore🥳👍🏼  4.豬肉大板燒 HK$68 Rating: 8/10 。好正

疫情問題去唔到日本不知不覺已經有兩年了，早前見到日本大島San拍片分享呢間大阪師傅主理鐵板燒已經好想試。餐廳比較細，所以都幾難訂位，連續問左好幾日都只有9點至有位。當晚叫左好多野食，諗住好好解下思鄉之情，係咪叫驚為天人又唔係，但係當你真係太耐無去日本時食到少少果陣風味，加上野食唔太差時係真係幾滾動。唯一要講既係，得兩位師傅煮野人手好唔夠，啲order根本做唔切，講緊我地入座都已經唔係正常晚餐時間都要等咁耐，加上日本人文化有食客請飲酒即使工作緊佢地都會飲，果晚都見有唔少日本人，請左師傅飲酒，所以可能有影響到出餐真係好慢好慢，好似食左個法國餐咁，平均一道菜等20-30分鐘今次用餐安排係bar枱位置所以可以睇到哂師傅煮既過程，總結，野食不錯，係真係要預時間當食法國餐咁食，同埋一定一定要訂位同要求坐bar枱，唔係等上菜既時間咁長坐order 枱會好無癮。

呢間d師傅係日本人，我坐係吧枱對住師傅整野食，介意油煙就唔好坐吧位啦..我叫左帶子，蠔，聖子，A4和牛，大阪燒，兩杯有酒精飲品。眼見都好多日本人去..嗰度地方唔大所以一定要book位！如果想坐吧枱book位嘅時候要講明..對住師傅就冇咁悶囉，可以睇住師傅整。我覺得等嘢食就攞咗少少，不過佢得兩個師傅整，望住佢地都明白點解咁耐！我覺得呢度啲嘢食都幾好食， 特別推介A4和牛，真係好正， 食完啲和牛底嗰塊麵包，佢會拎返加啲芝士落去好似做到Pizza咁，都好好味！反而成餐飯最普通係個帶子。埋單total七百幾蚊連加一。我都會再去食👍🏻👍🏻