九重鮮 (Closed)

朋友帶去食好西, 午餐放題，仲要係我最鍾意既海鮮，除左串燒，天婦羅，烤肉任食，海鮮類有鮮蝦，蜆，原隻蠔任食！有提示每樣海鮮需要蒸既時間，原隻蠔蒸10分鐘自己開蠔殼，蠔都好肥美，最後同朋友食左30隻大滿足！海蝦&蜆都叫左2次，韓風銀子燒好特別可能剛剛先出午市放題所以唔多人，有曬格版同夠闊落！用QR code 落單方便，又睇到自己叫過既order , 真係食得曬先好嗌食海鮮既CP 值高，平日120分鐘，假日150分鐘任食都夠曬時間

朋友約了我去黃埔食飯，說要請我食餐好既，讓我在黃埔的範圍內找間餐廳。既然他這樣說，我唯有順從他的意思，在網上找到一間集蒸鍋+串燒烤肉放的「九重鮮」，就在地鐵站旁邊的黃埔聚寶坊。難得約了朋友，就當然邊食邊吹水。九重鮮可以讓我們坐足210分鐘，放題來說實在有超長時間，可以邊飲邊食邊傾計。我們選了中間的「弘益塔」，先試試這個level 。➯ 1. 弘益塔弘益塔首先包括三款海鮮，有龍蝦、扇貝及鮑魚，另外仲可以任食海蝦及四款貝類（沙白、白蜆、沙蜆及蕃薯蜆）。話明「九重鮮」，海鮮的質素絕對值得一讚。特別是龍蝦及鮑魚，蒸鍋上可以令到其鮮味鎖實，在沒有半點調味料的伴隨下，仍然可以食出那種海鮮的新鮮味道。份量只有每人一份，真是好食到令人想再encore。四款貝類入面，蕃薯蜆是最受人歡迎，可能因為蜆肉比較大粒，而且鮮味在四款入面較強，所以我亦會轉登取多一點。➯ 2. 串燒、烤肉在串燒和烤肉的放題方面，款式實是包羅萬有。原本食海鮮都會食得有點飽，再加埋這個任食，整個餐變得極為豐富。串燒和烤肉有着多款選擇，我建議可以每個肉類抽一至兩款味道試試，比較一下。我個人覺得海鹽燒牛脷串和新疆16味烤雞肉串比較香口惹味，

香港嘅海鮮蒸鍋已興咗幾年，但好少有任食海蝦丶蜆、串燒、炸物嘅放題，食足三個鐘，絕對係值得試嘅！B. 弘益塔 $268龍蝦丶鮑魚丶帶子，店員提示蒸十分鐘，即翻2次漏斗就食得每枱都會有一個漏斗用嚟計算蒸海鮮時間用，每轉5分鐘每枱有一個筲箕仔，用嚟自助取蜆任食海蝦丶四款貝類(番薯蜆丶白蜆丶沙蜆丶沙白)，海蝦新鮮丶算大隻，好鮮甜；外型最大隻嘅番薯蜆，肉滑嫩，但味道較淡；沙白丶白蜆好似，都係厚肉，味道清甜；個人認為當日嘅沙蜆雖然外型較細，但肉質較結實，亦最有蜆味！飲品+$12任飲非酒精類 熱嘅有日式玄米茶丶煎茶；凍嘅有罐裝可樂丶七喜丶樂天忌廉奶丶樂天芒果汁丶樂天檸七丶得米凍頂烏龍茶丶鴻福堂支裝檸檬茶+$38任飲酒精類紅酒丶白酒丶日本清酒丶真露水蜜桃氣泡酒丶Hite啤酒丶Hite芒果啤酒丶森堡啤酒註︰同一枱可以自訂幾多位飲酒精類及幾多位飲非酒精類，唔使全枱都揀同一類飲品，任君選擇，好fair 👍🏻韓風銀子燒係用鍚紙包住海蝦丶沙白丶粉絲，可以選擇麻辣或者清湯，店員會即場灑酒及點火，火熄後就可以食㗎。湯底有酒香，幾得意！烤肉丶串燒18款烤肉丶15款串燒，算多選擇，好啱一大班朋友嚟傾偈，送吓酒。天婦羅丶

成日食日式放題，嚟嚟去去都係嗰啲壽司，刺身同埋炸物，係咪已經好悶呢。😢 韓式放題，配上海鮮蒸鍋，係咪一個耳目一新嘅體驗呢？⁣⁣⁣🤩⁣⁣⁣弘益塔（$268/288）［好味度：7.5/10］⁣⁣⁣首先呢度有三款鍋揀。👌🏻 最basic嘅就係冇任何特別嘅海鮮，有任食貝類同蝦，同埋落單點嘅放題同出面嘅自助吧台。😉 閒日嚟食仲可以食足三個半鐘。😚 我哋就揀咗中間呢款，除咗有曬所有basic嘅嘢食，更加有埋龍蝦，鮑魚同埋帶子。⁣⁣⁣😍⁣⁣⁣每人都有一隻超大嘅帶子，仲有足料嘅龍蝦同埋鮑魚。🦞 佢呢個係三層嘅蒸鍋，蒸完海鮮之後啲汁就會滴曬落去下面嘅粥底度。💧 然後食完呢啲海鮮之後就可以去拎蜆同埋蝦。🍤 呢兩樣都係無限量供應，可以食到夠。😆 而下面嘅粥底就會隨著上面蒸咗咁多海鮮，越嚟越重海鮮嘅味道。😛 最後食返個粥嗰陣時，清清哋咁，但係又帶有濃烈嘅鮮味，真係好特別。⁣⁣⁣🌊⁣⁣⁣除咗海鮮之外，呢度亦都有出面自己拎嘅沙律同埋甜品。😌 而放題嘅選擇亦都係好多㗎。💁🏻‍♂️ 有好多唔同款嘅肉類，岩晒食肉獸。😂 包括串燒，燒肉等等，都有咁上下質素架。👍🏻 而其中一個好特別嘅就係韓風銀子燒，佢係嚟到嗰陣時再會點火，