御和亭日本料理

Open Now

Now Closed

御和亭魚生丼 | $70 (包蒸蛋、湯、沙律)依個真係太和必食 👍 我成日都會心思思想食 不過都要去開學校果邊先會「順路」食到😂魚生丼好多料😍 有好大隻蝦 不同的角切魚生 如三文魚、立魚、油甘魚等...... 雖然唔係一片片 但都切得好大粒 好送到飯 又滿足到食唔同魚既願望！😎 蒸蛋都好正呢 蒸得好滑～ 仲有沙律係有兩片火龍果😍 可以當飯後果😂👍 我由佢$68食到依家$70 但都覺得可以接受既 都係吸引 😃 個人覺得佢魚生既質素較德X好 👀 除左御和亭魚生丼 佢仲有個極上丼都好正 有吞拿魚蓉、魚籽、帶子、海膽等😊如果想食就記得book位啦 午市都好full~ 

朋友推介這間居酒屋，趁著假日便專程入大埔一趟，果然座無虛席。午市套餐選擇多，以數十元的價錢，便能享受高質素的食材。門面設計很和式感覺，牆上掛了數幅技藝的肖像，店內裝修簡約舒適。<北海道馬糞海膽刺身>由於小妹不吃海膽故不多作評論。但友人評價十分高，新鮮空運到港的海膽，非常鮮甜，毫無腥臭味。<芝麻雞翼>雞翼炸得皮脆肉嫩，加了芝麻粒更香口。<御和亭魚生丼>性價比超高的魚生丼，刺身份量比米飯還要多！當中有牡丹蝦、厚切三文魚、玉子等。<燒銀雪魚腩御膳>和想像中的銀雪魚腩大不同。賣相只屬一般，但入口油香肥美，魚質嫩滑，惟皮燒得過燶。<網燒安格斯牛扒御膳>想不到午市套餐的牛扒份量這麽大。牛扒沒有燒得很乾身，反而醬汁調教得不錯，很入味，肉質也鬆嫩。<御膳>每份御膳也包括了前菜、沙律、蒸蛋、湯、和御飯。蛋蒸得滑溜，沙律菜新鮮開胃。