泓一拉麵

Open Now

Now Closed

小店係真·小店，目測只有八個座位，但不會坐滿，應該是要遵守防疫規定吧。因為座位比較少，唔想排隊12點開門11點半到埗會比較穩陣，到訪當日11:30排頭位不過好快後面就開始多人，差唔多開門嘅時候已經排左7-8枱人，好在有早少少起身🥴店內環境比較擠迫狹窄，坐得唔算舒適，屬於快食快走型～-🍜雞白湯拉麵 $88有一小片雞胸肉，一片薄薄的叉燒，口感唔算嫩滑，不過不失。溏心蛋ok，唔係好覺有調味不過做到溏心效果。拉麵係幼麵，眼望帶有小麥顆粒感食落又唔太覺同平時有咩大分別。湯底口感濃厚唔太鹹，食完會覺得有少少漿口，面層仲打左層泡沫。配料紫洋蔥、小豆苗比較搶味，我地覺得唔食好過食😂-🥟御好燒風味餃子 $36正常餃子加大阪燒醬，唔係脆身果種係半水餃半煎餃感覺～-總結：整體幾好食但未到印象深刻、念念不忘，比較出色嘅係湯底，配料、麵條等就感覺比較普通。雞白湯拉麵比較之下個人還是更喜歡座銀呢😛

呢間黃埔麵店，係拉麵關注組一直人氣高企，朋友食過都話好食，適逢經過附近就嚟試吓。當日星期日，我哋5:50分左右到，前面有大約6個人排隊等緊，原來佢哋營業時間分兩輪，分別係12:00-16:00同埋18:00-21:00。裡面座位唔多，大概只有6個位左右，所以就算排第一輪，都要等一陣，不過都係等咗二十分鐘左右就入到啦。鋪頭空間比較細，背對背加埋平排坐，會比較窄，唔算坐得好舒服，不過無論係裝修，位置同埋燈光都有啲日本街邊小麵店嘅風味💡。餐牌上嘅選擇有幾款，第一次嚟，我就揀咗佢哋好出名嘅「雞白湯拉麵」。坐近門口位置，見到佢哋有部麵條製造機，原來佢哋呢度嘅麵條係自家製造，分別有兩種麵，一種係粗身，係用嚟做沾麵嘅「極太麵」；另一種就係用嚟做湯麵嘅「細麵麵條」。兩種麵條一樣會見到一粒粒嘅黑點係上面，係全麥小麥粒，所以同一般嘅麵條質地係有啲唔同。🔹雞白湯拉麵($𝟖𝟖)：湯底濃郁又好香雞湯味，細滑之餘，厚薄度剛好，唔會有太漏嘅感覺，飲落幾舒服，味道同好幾間專做雞白湯嘅拉麵店相比之下係較為溫和👍🏻。細麵麵條唔錯，但覺得可以再煙韌小小。至於慢煮叉燒就幾出色，分別用咗豚肉同埋雞肉，兩款均煮得啱啱好，雞肉無粗

泓一好細間，只有8個座位，加埋隔板之後，其實只有3組枱比人坐，所以要等比較耐先有得食。海老沾麵（$98）：沾麵湯非常濃郁亦夠味，不過唯一係上菜時已經不夠熱，但整體都係好味！雞白湯拉麵（$88）：湯底都非常濃郁好味，有做到如 cappucchino 般的奶泡效果，非常順滑；但麵質不夠韌，個人認為未夠掛湯，食完之後有少少口渴。御好燒風味餃子（$36）：係想像到嘅味道，餃子比御好燒強烈嘅味道完全蓋過，御好燒味係唔會唔好食嘅～留意返佢午市做到4點就落場，我地食食下見到店員出去截龍真係鄧佢哋傷心💔

就算食到白色汁汁沾係口邊都在所不惜🐤！！！！！應該係我近一年食過最好食既拉/沾麵🤯招牌雞白湯拉麵（$88）湯濃麵幼，叉燒肥瘦得宜，食落口肉味重同湯頭互相配合得好好！荀同香菜更係成功將成個麵昇華，先咬佢地一口，食啖麵，再將少少湯灌落流心蛋到，然後一野咬落去，係依一刻我已經忘記左自己係奉行ing keto 飲食法，徹底被魔鬼引誘。.至於雞白湯沾麵 （$98）個基本湯頭同拉麵其實大致一樣，但我覺得佢比拉麵仲要好食，因為佢個湯濃左十倍，濃到我飲佢嗰陣似飲緊雞油而唔係雞湯，雖然感覺好似好膩咁但配合佢嗰d掛湯力十足既特製小麥粗麵真係冇得彈（拉麵嗰款麵既掛湯力明顯差好多）。本身小店有兩款餃子提供，我的朋友嗰日兩款都有嗌，一致認同御好燒風味餃子（$36）比原味更好食，但原味係如果你嗌拉麵既話，加$25就會有，性價比又會高d（因為兩款餃既餡係一樣，只係汁唔同only）.結論：一定會翻兜， 下次想試佢期間限定拉麵/沾麵，背脂醬油拉麵 is on my list too😚

魚介豚骨拉麵 $102 ⭐啲叉燒多到蓋過哂成碗麵，大啖咬落去發現有驚喜!!😍薄薄嘅叉燒肉紋路清晰，唇齒輕輕一抿即可將肉分離。整塊叉燒肉質滑嫩，明明非油脂部位，但每啖肉汁油香滿口，油脂帶卻意外清新爽口不油膩，口感神奇而協調。🥰湯底濃濃豬骨香，濃厚黏稠卻不會過油。飲湯時不覺魚香味，卻於品嚐麵條時發現魚香盡掛於此。玉子熟度適當，中間仍然係流心嘅狀態，即使湯頭濃郁都仲食到裏頭嘅醬油味。豚骨海老沾麵 $96紅紅嘅醬汁極濃蝦頭蝦殼味。沾麵比平常見到嘅更為扁身。見到店內設有製麵機就知道所有拉麵同沾麵都係自家製👍👍但發現麵嘅顏色有別其他店鋪，其麵色較啡而非一般近淺黃色。一問之下原來係因為用咗類似全麥粉去製造，可能因為咁所以麵質更為煙韌挺身🤔🤔平時男朋友要加底先夠，但今日就咁一個普通麵底已經好飽。御好燒風味餃子 $35餃子上面加咗大阪燒醬汁同蛋黃醬，食落酸酸地仲可以一解肉嘅油膩👍餃子唔會好乾，裏頭仍保留肉汁，加埋上面嘅木魚碎食落更有咬口。唯一美中不足係個底唔夠脆，脆啲嘅話口感更佳。美味度👅: 8.5/10性價比💕: 8/10環境🏠: 7/10服務🤵🏻: 7/10人均消費: 約$100-$120