雲南人家風味餐廳 (Closed)

第一次食豆花米線係香港好少米線鋪有做德勝豆花米線$36豆腐花好滑 比出面某啲豆花鋪做得更滑連埋啲酸菜炸醬米線撈埋一齊食 又估佢唔到都幾夾配料方面我揀左水餃同墨魚丸水餃係韮菜豬肉餡 略嫌個皮厚左啲同煮得太耐 有啲皮肉分離墨魚丸普普通通 唔好預佢靚料彈牙下次再黎 我會揀加豆花而唔係加配菜😂

米線控今日又出動喇。今次就係為咗好有特色嘅「豆腐花米線」而嚟。心入面就憧憬住又鹹又甜嘅米線究竟係咩味呢？係咪好似大家講到兩樣嘢咁夾呢？德勝豆花米線😀上菜速度快。用上老乾媽辣椒醬，頗有風味。😬豆腐花本身好滑有豆味，冇落糖漿，所以冇咩味。撈咗米線後就俾米線嘅質感蓋過晒，完全融入喺米線入面，好似冇存在過咁。醬汁一般欠特色。不酸不辣不麻，有啲鼓油汁嘅感覺。木瓜冰😀雲南特飲幾有特色。飲落似台式飲品嘅冬瓜茶。「木瓜」質地爽滑。😬味道偏甜，建議少甜。總結：上餐嘅速度好快，可能係附近工廠區朋友嘅lunch hour，大家都快快手食。豆花米線係有特色，我就覺得分開做一個餸好過撈埋米線一齊食。未試過嘅可以try try，不過encore就未必喇。見隔離有幾枱客都嗌麻辣雞米線，估計都可能幾好食先咁深得民心。建議大家都可以試吓佢個麻辣雞。附上個餐牌俾大家參考吓

經常飛雲南的好友多年前已介紹這店，稱是最貼近雲南當地風味的米線，所以久不久就來吃碗，彌補一下一直未能去雲南的遺憾。裝修陳設簡單整潔，就是家鄉風味的小店，特愛 德勝豆花米線，名字意頭好，豆花是別處嚐不到的豆香且入口即化，作為鹹食一點也不突兀，米線別於一般，較粗身，非彈牙質感，柔軟而條條分明，汁底是撈米線較濃厚，加上肉碎及大量的韮菜碎，味道很豐滿。終於首次嚐 香煎乳餅，外皮微脆，味道令我猛然想去早前去順德吃的水牛乳，那種久久勾留在口腔的酥香，回味無窮。每次必點良伴 木瓜冰，消暑解渴，飲到中至底部又嚐到類似台灣愛玉的那種軟啫喱植物纖維，怎捨得浪費quota叫杯求其都飲到的凍檸茶？三年了，味道依舊，價錢也沒大起，難得。我下次一定要找機會點碟蜂蛹蟲之類......

—德勝豆花米線($32)豆花同米線一樣滑嘟嘟友人嫌米線太腍但係同樣認為食唔到豆香味好多配料撈 唔小心食中辣椒會好嗆喉———————————————————————雲南人家風味餐廳新蒲崗康強街32-34地下8號

喺呢頭做嘢，附近d餐廳都試得七七八八，呢間上次食豆花米線覺得唔錯，今次就帶埋朋友再戰。 呢度d餐牌好簡潔，得個餸名，好多都唔知係咩嚟，好在店員都好親切同耐心咁解釋。我就喺佢推介之下叫左個「昆明小窩米線」($38)，有肥腸、肥豬肉、炸醬、酸菜同鹵蛋，成個窩仔上。店員話呢個係直接喺個窩度煮，所以會比其他米線入味d。少少辣，如果想唔辣可以走炸醬同酸菜，不過咁樣可能就咁叫碗米線再揀餸會好d ~ 味道ok，都幾多料兩位友人都叫咗「德勝豆花米線」($29) + 水餃兩隻 ($8)。呢個其實係撈米線而唔係湯米線，上面有d豆腐花，同d醬撈勻哂好惹味，友人話有埋花生就更正喇！$29係幾抵食，係食到底會有d油膩。水餃係鋪頭自己包，不過友人就話個餡麻麻地好食。涼拌雲耳 ($26)，辣味唔出，但係酸酸地幾開胃。雲南乳餅 ($58/6件)，係用羊奶做，但係食落似水牛芝士，我嫌唔夠羊味，但友人食咗一啖就頂唔順 ... 對比呢個，我就鍾意觀塘「雲南風味」羊乳扇多d喇，嗰個羊味就好夠，同埋薄脆香口。(P.S. 嗰間都有羊乳餅，我都食過，都係覺得麻麻地，呢間可能仲好食d)友人話有d貴，但我覺得特色小食嚟講算係咁啦，功夫

25-3-2017 (Sat)傍晚,同老公又o係旺角油麻地辦完事後,又搭車去新蒲崗搵雲南人家食晚飯,我o地好早去到,才6:30pm,一場o黎到,就係要食勻佢o既特色美食,叫o左:4. 叫米線加$4.00就有o既木瓜冰木瓜冰甜甜地又解渴,食有少少辣o既德勝豆花米線,飲佢係一流.由於唔夠飲,於是我都另叫一杯,就$12.00.味道: 5分木瓜冰唔係真用木瓜做,睇下面簡介吧.1. $29.00o既德勝豆花米線老公先食,原來辣辣地,重有啲辣醬o係o度.我食就仍然可以接受到佢o既辣度o既,豆腐花滑但冇乜豆味;米線就略嫌過腍.味道: 3分2. $80.00o既酥炸雜蟲熱騰騰o既,裡而有蠶蛹,竹蟲同草蜢;蠶蛹外脆內裡粉粉地;竹蟲冇乜特別; 草蜢最正,脆卜卜,但好少.而成個都唔會好鹹要你飲好多o野,唔錯.味道: 5分3. $58.00o既雲南乳餅呢個等好耐,一客6件,食落唔覺得羶,佢o地冇調味,而原來呢個係鹹食,蘸少少鹽食,出奇地夾.我o地一啖酥炸雜蟲一啖乳餅咁食重好食.味道: 4.5分其實我o地重叫雲南臭豆腐同可以當甜品食,$30.00o既鴛鴦餌塊,但已經賣晒.抵食係1.5分題外話:題目”膽粗粗”唔係

我的肚子曾裝過不少雲南米線，不過若不是一次偶然的機會，來到新蒲崗打球，然後再由 "油雞安" 這個新蒲崗 "地膽" 帶領我們到雲南人家用膳，真不曉得原來豆腐花與米線是好拍檔。聽聞雲南人家由一對移居香港20多年的雲南夫婦主理，小小的街坊食店，裝潢實而不華，卻滿載了雲南風味的米線與小食。昆明玫瑰木瓜冰是雲南清熱解辣的飲品，入口一陣濃濃的玫瑰香氣，味道甜甜的，但為何沒有木瓜的味道？原來木瓜是雲南一種植物，將其磨成粉後，煮成杯內帶淡黃的啫喱狀，這木瓜啫喱有色無味，質感與台灣的愛玉冰很接近。德勝是雲南一個以豆腐花聞名的地方，豆花米線更是雲南人家的主打，雖然餐牌亦有辣雞、肥腸、豬肉及牛肉等各式各樣的湯米線，不過德勝豆花米線仍是我的首選。貪心的我，在自選餸料中發現較少見的酸筍，於是搖身一變成了德勝豆花酸筍米線。"尾尾" 跟我的想法也一致，只是沒我那麼貪心，所以她那碗就是原裝正版的德勝豆花米線。白白的豆花承托著肉碎、蔥花、醃菜與醬汁，品嚐時要將所有食材與醬汁與底部的米線拌勻。豆花下隱藏了一種橙色的醬汁，味道酸中帶辣，與鹹味的醬汁混和後，為米線多添了一份層次。拌勻後，第一口的豆花與米線非常滑溜，清清的豆花

是日中午，太公受了上期1週蔡欄的感召，忽發奇想，要去新蒲崗覓食；難得有同事肯陪太公一齊顛！出門前，先致電店家查詢是否有位，確定有才出門；不過，才相隔15分鐘 - 抵達時已要等位 - 許是因為工廠區吃飯時間較早，12:45已是人頭湧湧 - 三個人，結果等了約10分鐘方能入座，幸好帶了週刊同行。要了個德勝豆花米線；豆花確滑且豆香豐，配上微辣的肉醬，豆香和肉香相得益彰；而肉醬裏有一陣脆口之物，似是炸過的豬皮粒？無足查考，總之很香很脆吃上去口感豐富兼惹味，與爽滑米線同吃，認真過癮。辣度如何？老實說，不很辣，後來還要加辣增加過癮感；除非閣下是完全不能吃辣之人，否則這裏的辣，應不會構成任何問題。同事的那碗加兩元轉了餌絲；切成幼條的餌絲，吃起來口感有點像上海年糕，相當煙韌；不過太公本身也對上海年糕興趣一般，與之錯過倒未感可惜。和肥仔同事心思思，要了個臭豆腐。臭豆腐不臭，要哄得很近才有那一點臭味，吃上去也不夠香和滑；那腐乳醬是很香沒錯，但都把味道本身不夠濃厚的臭豆腐味蓋住了；甫上桌時吃還相當的脆不錯吃，可惜暴露於冷氣時間一長，愈變硬實，難以入口。加$4要了杯昆明玫瑰木瓜冰；這「木瓜」，其實是滑溜溜的