Catee (Closed)

同屋企人去荃灣行街食飯，今晚特別想去食西餐。喺OpenRice之前見過呢間餐廳已經想試，見評價幾好，今晚就去試試。當晚7:30入座已經差唔多有九成滿座。位置喺荃灣荃新天地嘅二期對面，位置好方便好易搵。原來叫Catee啊係有原因嘅，佢哋裝飾好大部份用咗貓貓嘅主題。裝修好用心，而且氣氛好好，情調好好。晚餐我地點左兩個餐，一個係美國安格斯牛板胛，一份就係德國脆皮豬手。餐會跟忌廉湯，沙律同埋麵包，仲有甜品，非常豐富。🍽跟餐忌廉湯及沙律忌廉湯同沙律都係正常味道，沙律新鮮開胃。跟餐嘅麵包好特別，我見係黑蚊蚊，我問店員，店員話係墨汁麵包，好少見！餐廳入邊嘅白開水亦唔係普通水，淡淡粉紅色，係洛神花水。⭐️美國安格斯牛板胛 $278呢個牛肉真係要讚一讚！係我近來食過最好食嘅牛板胛！牛肉好香好香而且非常林軟。店員係我哋點餐嗰陣建議我哋五成熟，先會食到佢啱啱好嘅肉質。果然冇介紹錯，肉唔會太生，唔會有血水滲出嚟，啱啱好。⭐️德國脆皮豬手 $188豬手都非常高質素，皮超級脆！配埋旁邊嘅酸菜好好食。🍹凍朱古力🍹芒果奶昔我哋見旁邊嘅人嘅飲品好吸引，我哋都叫咗凍朱古力同芒果奶昔，如果要我揀我會揀朱古力，因為味道好濃，而且

琴晚收工同男朋友去左荃灣行街，經過一間叫Catee嘅餐廳，見擺係出面嘅Menu幾吸引，所以就入去試下。餐廳叫得Catee，當然同貓貓有關，雖然入面無真貓，但有好多貓貓做主題嘅擺設，其中有一張畫係貓貓版嘅最後晚餐，好搞笑😆除左固定嘅Set Dinner，Menu上嘅其他Main Course都可以加50蚊做Set Dinner。一個Set包左是日餐湯、沙律、主菜、餐飲同甜品。食物質素整體都幾好，而且份量都多，性價比高，詳情睇下面:忌廉湯同沙律都正常，上餐湯嘅時候會跟兩三塊面包，仲會有黑醋同橄欖油俾你點黎食。我地另外叫左一個香煎鵝肝伴野菌Toast做小食，鵝肝煎得好香，夾住個麵包食一流😋主菜一係西班牙海鮮飯，酸酸甜甜嘅蕃茄飯底加上好清甜嘅蜆肉同大蝦，好開胃，好好食❤️主菜二係德國脆皮豬手，豬手上枱嘅時候用匕首插住，幾搞笑🤣店員會拎俾你打卡影相先，然後就會幫你拎番入去切，唔洗自己動手，等食真係好😛豬手味道幾好，唔會太咸，肉質都唔會太乾。甜品係朱古力蛋糕，口感同味道都唔錯。餐飲我地叫左特濃朱古力同Oreo 奶昔(+$15) ，特濃朱古力真係好香濃，鍾意飲朱古力嘅一定要試！Oreo奶昔俾想像中淡啲

入到黎“𝖈𝖆𝖙𝖊𝖊”好似進入左魔法世界咁🧙🏼‍♂️有種神秘既感覺...呢度係以貓咪🐱做主題，會看到周圍貓咪既擺設🔹德國脆皮豬手 $188呢豬手黎到好驚訝呀👀有把刀🔪插住左～～成日食豬手，但咁樣就第一次見👍🏽所以剩係識得影隻豬手，完全唔記得同fd拎住黎影😂影完相之後侍應會好貼心，行過剩幫我地拎去廚房再切一舊舊外皮焗到好香脆，咬落仲會發出索索聲✨粉紅色的肉，肉質就好嫩滑🔹蒜香鮮蝦意大利麵 $148落足料呀！有好多蒜係入面，黎到聞到好香既，蒜味勁濃，食飽飽成口都有蒜味🤭要飲好多水ᴏʀ食下香口膠清一清口腔既蒜味😂蝦蝦🦐有成5、6隻，sɪᴢᴇ都好大隻同都好彈牙🔹virgin colada $58由於呢個月要介酒的關係，今次就唔飲酒叫左virgin colada！係以波蘿汁加椰汁🥥混出來的，飲落椰汁味好濃但又帶點點酸酸苦苦..成杯都是白雪雪的～上面有勁多ᴄʀᴇᴀᴍ 😻 係好正但好似會好肥咁，但唔諗咁多啦...飲左再算，哈哈👯‍♀️🔹西柚汁 $48朋友就健康為主叫了西柚汁 ，有一舊西柚係上面！

荃灣既南豐紗廠其實都開左一段時間 一直都好想去但無時間 直到琴日男朋友放假先有時間陪我去 之後我地仲book定7點鐘黎附近既Catee 食晚餐除左dinner set之外 好多款主食加$50就可以轉做餐 有齊餐包 餐湯 沙律 同野飲 餐包有三款而且好鬆軟 侍應倒左一大碟黑醋同橄欖油俾我地 但係我地都係中意點餐湯食多D 當晚係番茄湯 番茄味好濃郁 口味微酸又帶點甜 我就唔太中意德國脆皮豬手 ($178)真係無諗到隻豬手係插住把寶刀岀黎 其實都係用黎打卡 侍應仲提醒我地如果影完相就可以俾佢地拎番入去切我地都好興奮咁影左左陣相 侍應都好樂意幫我地合照 服務態度唔錯起晒骨都仲有咁大碟肉 外皮烤焗到脆卜卜又煙韌 肉質嫩滑 肥瘦恰到好處 配上芥末醬同酸菜非常惹味 我地2個人好快就食晒一碟都唔覺得油膩美國安格斯牛板胛 ($278)叫左七成熟 一拎岀黎就切個下肉汁好豐富 口感扎實 但係豬手一上枱就被冷落左 過左陣先再食 感覺就已經好唔同 或者應該係過熟既關係 下次都係叫番5成會比較好Iced Chocolate見到在座既大部分人都叫chocolate 所以本身愛朱古力既我都毫不猶豫咁點左杯 Iced

食飯時間既荃新天地好多時候都要等位我同朋友就搵到依間西餐廳門面睇落都好有格調 又唔洗等位一於入去試下先！裡面充滿住萬聖節既裝飾雖然店入邊面積唔大但係睇到餐廳好有心思去佈置 令到每一個角落都充滿着節日氣氛咁嘅燈光同環境底下最適合促膝詳談每張枱都會有蠟燭 感覺好溫馨 我地一人嗌左一個 Main Course加多 $50 可以變做 set Dinner 咁超值梗係第一時間加啦首先黎既係餐湯同四款餐包個南瓜湯味道好濃厚!餐包可以點橄欖油同埋醋開下胃又或者點南瓜湯一齊食 唔錯之後就到三文魚沙律滿滿既三文魚鋪喺沙律上面望到都覺得好滿足侍應好貼心問我地啲飲品想食完上定係而家上 我地話冇問題而家上都可以我嗌左個薄荷茶而朋友叫左杯 Rose Latte 上主菜啦！ 德國豬手伴蜜糖芥茉及德國酸菜上碟見到淨係個賣相都已經好吸引之後叫人幫我地切開我係中間見到啲肉汁好 juice 半肥半瘦既豬手入口一啲都唔韌 個皮仲好脆 加埋芥茉漿同埋酸菜簡直就係絕配 再黎依個威靈頓三文魚外面有一層簿簿嘅酥皮包住一大塊三文魚扒聽侍應介紹原來中間仲配有少小鵝肝 食落好有層次感 ！ 如果能夠加埋檸檬喺上面就更加好最後食埋個甜品 今

環遊南美返香港後嘅第一個大餐就貢獻左俾呢餐慶生飯特登揀左壽星女最鍾意嘅貓貓主題餐廳，燈光裝修餐具全部都好有格調。兩個女仔一人一個dinner set，包飲品、沙律、主菜同甜品，另外好奇叫多左個小食，超級飽！小食-雙影帶子配黑魚子啫係兩隻煎香嘅帶子同兩隻生帶子。終於到戲玉！威靈頓三文魚-唔沾沙律醬會微腥，但鍾意食魚嘅壽星女好鍾意！全晚最推薦嘅就係呢個德國脆皮豬手！店員俾我地相機食完先攞去切，呃like必點食到飽一飽仲有甜品！係濃濃嘅芝士蛋糕。服務周到，食材新鮮，上菜速度好快，埋單每人350有找，不過想食三文魚鵝肝魚子豬手呢啲貴價野就絕對值回票價~ 拍拖撐檯腳慶生紀念日會再黎過

尋晚同朋友去左呢間catee食晚飯，坐低無耐店員就拎左個happy hour餐牌俾我地原來佢地做緊紅白酒同cocktail買一送一好似好抵咁就叫左一支意大利紅酒仲諗住買一送一唔多好飲，喜岀望外地係好柔順，而且味道唔錯，真冇介紹錯！之後叫左幾個店員介紹既菜式首先黎個魚蛋，無錯係魚蛋！係用三文魚肉做既魚蛋！味道都相當有著驚喜，咬落啖啖三文魚肉，外面炸得好脆，店員同我地講用左好耐時間研究呢度菜，真係好好食！然後就到呢隻豬手，作為食肉獸既我當然都係食肉啦，但落左隻豬手時店員拎左把刀岀黎插落隻豬手度！原來係因為皮太脆所以另外有把專用刀，吸睛率爆燈！食落皮超脆肉地都好嫩滑，而且鹹度適中，岩岩好可以做下酒菜成間餐廳氣氛好舒服，音樂都係好relax，荃灣開左呢間新既西餐廳真係好靚，店員招呼都好好，會同我地傾下計同聽下我地既諗法，下次一定會再黎！