孵化生活

Open Now

Now Closed

我和家人晚餐在荔枝角工廈區，餐廳名叫「孵化生活」，意指「從無到有，破殼而出」，是一家著重生活文化的餐廳，美味可口的西式佳餚、舒適的用餐環境和良好親切的服務，讓我們愉快地享受共樂天倫的晚餐。炸本地大尾魷~大尾魷被稱為「魷魚中的王者」，肉質細緻，味道鮮甜，酥炸處理把口感和味蕾都打開了！安格斯牛柳絲意粉配瑞士汁~瑞士汁是本土的一種地道醬油，不會過鹹又較突出甜味，配西式安格斯牛柳絲意粉，味道也非常合拍。德國豬手配柬埔寨黑胡椒汁~豬手烤至外皮焦香酥脆，肉質還保持嫩滑，蘸少許柬埔寨黑胡椒汁吃，感受又多一美味層次的享受。 咖啡雪糕~濃郁熱咖啡添加在雪糕，咖啡撲鼻的濃香，雪糕清甜軟滑，組合成一份極好的滋味甜品。提拉米蘇~是自家製意式甜品，口感細膩甜美！

老婆幫我慶生，阿仔又話想跟埋去，就睇吓附近有咩好嘢食～見倒呢間餐廳都幾多哈哈笑，便膽粗粗試吓😎雖然位於荔枝角工廠區，但大堂翻新咗，望落幾闊落同舒服，一入到餐廳侍應就安排咗卡位俾我一家，可以自成一角，加哂分😌本著乜都試一餐嘅諗法，頭盤叫咗藍龍蝦湯同焦糖鵝肝；主菜就叫咗香蒜花甲意粉同德國豬手～藍龍蝦湯有層泡泡冚住，估計係想保持湯嘅溫度，龍蝦湯飲落幾足料，味道同平時啲龍蝦湯真係好唔同，好好味～焦糖鵝肝配脆麵包真係幾夾，俾咗少少阿仔食，不過佢淨係鍾意食脆麵包多啲😏而“花甲”就…我覺得似蜆肉多啲，味道係好食嘅，但性價比唔高，同我期待嘅花甲嘅size都幾大落差～德國豬手等咗勁耐，但份量幾足，對得住個價錢，side dish有焗蔬菜同炸薯條，醬汁雖然唔夠但可以叫佢refill～本身諗住叫埋甜品，但飽得滯直接埋咗單，埋單$800有找～味道係okay嘅，但價錢貴咗啲啲，報告完畢～