帝樂 - 德國餐廳 (Closed)

 今次係經朋友介紹食呢間德國餐廳位置係洪水橋落車行幾分鐘就到,都算方便但如果唔係搵食真係唔會行到去呢到一入到去已經覺得環境好靚坐低就即刻點菜先! 頭盤係呢個麵包,味道就無咩特別.. 只係普通麵包不過重點真係佢既醬,有沙津同鵝肝醬,鵝肝醬比我既感覺係好咸,但朋友就覺得OK之後黎既係德國腸拼盤,我地叫左大既仲送一個薯仔沙津, 不過我就略嫌D薯仔煮太耐,好淋一夾就散,味道都係酸酸甜甜好開胃德國腸有唔同種類就唔逐一介紹,呢SET好似$280咁上下重頭戲就出場! 德國餐廳點可以唔食豬手?WAITRESS仲好細心問我地要唔要影左相先影完就幫我地切開分好一舊舊, 豬手皮脆脆地,肉質都唔錯食到尾聲既時間,聽到有人唱歌,望一望竟然有LIVE BAND有點驚喜如果想舒服咁食個晚餐呢間餐廳真係一流

上日大家講開話元朗德國菜好食，碰巧這晚有車，就專程入去一試，因為帶了小狗一起，所以訂位時已指定坐戶外。預了食肉會很滯，所以叫了四個主菜五人一狗一齊吃，結果都有剩小小，打包回去留給小狗宵夜。腸拼盤，當中有多款不同的腸，各具特色，脆皮腸，入口皮脆肉淋，口感獨特，味道鮮甜；豬肉腸，味道傳統，入口偏淋，比較普通；雞肉腸，味道偏咸，口感彈力十足；牛肉腸，肉質較實，口感較重，牛味濃郁，佐酒一流；雜肉香腸，味道中庸，口感清脆；慕尼黑白腸，香草味濃郁，口感清爽，食後回甘。德國豬手，超級大隻，外皮燒得非常香脆，內裏肉質嫩滑，肉質汁保存得非常好，口感香脆中帶鬆軟，味道濃郁，咸香可口，是另一佐酒美食。串燒海鮮，用煙肉包着魚柳燒，魚吸收了煙肉的油香，份外美味，入口煙肉香脆而魚柳嫩滑，味道清甜而不膩，魚是燒得不錯的，但隻蝦就燒得過火了，入口老鞋，味道也頗淡，與魚相比，真是差別很大。芝士粉糰，之前在另一集團的餐廳試過，可以接受，所以也試一下這裏的出品，這裏的糰口感更有彈性，煙韌有咬口，加入芝士味覺濃郁香甜，喜愛芝士味道的人，一定會喜歡這度菜。