熊小館

Open Now

Now Closed

同老婆行megabox，晚餐上佢見到呢度唔多人唔洗等位，又多公仔🙄就話要入黎食。呢度都幾多一家大細入黎食，可能成個場都好多熊仔啦，仲可以拎隻大熊仔陪坐，（我地拎左隻😝）童心未泯🤣🤣🤣點左個2人套餐，蛋黃醬焗鮮盧筍，岩岩焗起，聞落好香，食落啲筍好甘甜，正👍黑松露牛油熊仔牛柳扒，黑松露牛油整到個熊仔頭咁，好靚，有啲忍唔住將佢切開😈😈。牛柳點左7成熟，咬落好淋，肉汁多，好鮮美😋😋不過嫌牛柳細舊左啲，如果大舊啲（多1安士都夠）咁就perfect👍👍卡邦尼煙肉扁意粉，呢款意粉比較小食到，醬汁味都幾香，加啲黑椒同芝士粉上去仲正😈😈😈加錢要2杯特飲，熱情玫瑰有陣微花香，飲前要攪勻，如果唔攪，會太甜。清涼仲夏真係幾清爽，薄荷始終係我最愛😍😝臨尾叫左個甜品心太軟，匙羹吉落去，啲朱古力醬就漏哂出黎。食落外熱內軟，幾好食。忌廉都唔錯，不過要快食，因為好影溶🙄，啲生果粒開頭以為係芒果，食落先知係桃黎，幾特別😋埋單4舊水，都唔算貴，仲可以望住下面啲人溜冰，幾舒服。

再次嚟到呢間熊小館，一入到呢間店，店員就將隻大啤啤推向我哋張枱度，等佢可以同小朋友坐。食物送來嘅時候，又會提醒我哋小心熱，仲會好關心小朋友。每次嚟小朋友都好開心。鐵板肉眼扒：這份鐵板肉眼扒非常好吃！肉質鮮嫩多汁，帶有淡淡的鐵板香氣。外表微焦香而內裏仍保持粉嫩的肉色，肉汁令人難忘。黑松露蟹籽帶子黃金意大利飯：米粒散發著誘人的香氣，蘊含著黑松露的高雅氣息。軟嫩的帶子與柔滑鮮甜的蟹籽交織在一起，為整個飯菜帶來陣陣海鮮香氣。飯菜的質感、層次和口感是令人垂涎三尺的頂級意大利料理。心太軟：外層酥脆，一切開，流心朱古力即流出來。食落去，入口即化，又不會過於甜膩，令人口味無窮。熱熱情玫瑰:這款熱情果玫瑰茶香氣撲鼻，清爽甜美，喝後讓人心情放鬆。熱薔薇之戀:這款柚子玫瑰茶香氣迷人，層次豐富。柚子的酸甜味與玫瑰的芳香完美結合，入口柔順細膩。清爽甜蜜,還帶有淡淡的花香。

今日去咗Megabox 睇戲，去咗呢間以熊仔為主題餐廳「熊小館」🧸，每張枱上都有熊仔🐻，部份仲有大熊仔🧸，陪住我地食飯！餐廳入邊有好多熊仔嘅裝飾同埋畫，有唔同種類嘅熊仔，世界盃特別版嘅熊仔⚽️，仲有小朋友corner，仲有間大房，慶祝生日一流🎊🎁！啱晒打卡🥰🔹️鐵板肉眼扒 $155 (套餐)肉眼扒好有驚喜！厚切大塊！叫左5成熟，肉質嫰滑，好淋易切同埋無筋🥰，揀左黑椒汁好惹味，仲有勁多薯條。套餐包咗餐湯、牛油法包、餐飲！真係CP王！🔹️軟殼蟹牛肝菌意粉🦀 $95單點咗呢碟意粉，軟殼蟹好酥脆，牛肝菌嘅味道幾香幾出，意粉份量都幾多下！加$28可以配咗餐湯、餐包、餐飲。🔹️幸福寶寶🐻 $42呢嗰訓緊覺嘅熊仔甜品好可愛😆，其實係雪糕來，下邊仲有涼粉，真係唔捨得對熊仔郁手🤣🔹️心太軟🍫 $42即叫即焗，切開有好多香濃嘅流心的朱古力醬，好窩心！

今晚同屋企人去食晚飯，好想喺溜冰場附近搵一間餐廳，可以望到溜冰場景觀，我哋就去咗熊小館。今晚我哋叫咗一個黑松露忌廉汁煙三文魚天使麵，如果喜歡吃煙三文魚的真可以一試，配上幼幼嘅天使麵，麵質彈牙，三文魚的鹹香加上忌廉汁，非常入味。另外我哋叫咗一個蘑菇紅酒汁牛柳拌法式田螺，牛柳煎得非常好，鬆軟的牛扒🥩，小朋友都啱食。跟住我哋叫咗甜品心太軟，真係即叫即焗，心太軟裏面有流心的朱古力醬，配上雪糕，超級吸引大小朋友的甜品呢！為呢一餐畫上完美一句號。

全店充滿着熊啤啤公仔，喜歡熊仔的必定會異常興奮，應應該幾啱細路仔有個自成一國嘅讀書角九龍灣地鐵站轉乘免費穿梭巴士MegaBox，視乎輪候情況，車程大約10分鐘服務態度:⭐️⭐️⭐️⭐️⭐️食物口味:⭐️⭐️⭐️⭐️熊啤啤為主題的餐廳，熊迷必去，亦適合大同小孩一起到訪的親子餐廳鐵板西冷牛扒$149⭐️⭐️⭐️⭐️（送餐湯+牛油法包+飲品個餐湯都幾夠未給足料鐵板餐除咗塊西冷都好大件鐵板燒得夠熱加埋啲黑椒汁好惹味，伴菜有兩條蘆筍粟米同埋蕃茄仔，份量十足自家製心太軟$42⭐️⭐️⭐️⭐️⭐️心太軟都做得好正，熱辣辣脆脆地嘅外皮，中間流心朱古力醬伴着凍凍地嘅忌廉，食落好好味

烤棉花糖吐司賣相：🐧🐧🐧🐧🐧味道：🐧🐧🐧🐧🐧香焗厚身的牛油吐司上，整齊排滿大大粒燒烤用棉花糖，金黃的表面上再淋上朱古力醬，賣相非常吸引。吐司外脆內軟，牛油香味滿溢，表面的棉花糖呈半溶狀，入口軟糯甜蜜，帶點黏黐口感，加上醇香的朱古力醬，美味又邪惡令人難以抗拒。炸薯條配肉醬賣相：🐧🐧🐧🐧味道：🐧🐧🐧🐧🐧薯條炸得金黃香口，脆卜卜口感十足，加上鮮鹹濃郁的肉醬，惹味十足必試之選。心太軟賣相：🐧🐧🐧🐧味道：🐧🐧🐧🐧🐧心太軟朱古力香氣四溢，細細切開，軟滑濃郁的朱古力漿傾瀉流出，入口暖笠笠，蛋糕口感軟棉嫩潤，帶有淡淡的可可苦味，味道不會太過甜膩，下午甜點良選。白熊、黑熊賣相：🐧🐧🐧🐧🐧味道：🐧🐧🐧🐧🐧飲品以汽水作底層，表面蓋上巨大雪糕球，以及精緻可愛的熊啤啤冰飾，打卡必點。汽水冰涼解膩，雪糕香滑細緻，不失為最佳夏日消暑飲料。環境：🐧🐧🐧🐧🐧🐻餐廳以熊啤啤作主題，採用大量熊啤啤公仔、畫作等佈置，營造出溫馨歡樂的氣氛。餐廳更特設小童遊樂區，可讓家長陪同小孩在內耍樂遊玩，合家歡必選。🐧❤️結語：美味又好玩的熊啤啤餐廳，愛熊人士必到打卡點。

今日同小朋友去MEGA BOX 行街，佢就話要去熊小館食飯，CAFÉ MED有一種魔力令到小朋友好鐘意去，因為門口已經有一隻好大既 BEAR BEAR 熊🧸每次小朋友經過都會攬下佢唔捨得走😆⭐️蒜片煙肉🥓扁意粉 (走辣椒🌶同埋芫茜) 小朋友既至愛🥰餐廳真係細心，好主動提出可以走辣椒&芫茜，知道小朋友未必可以食辣⭐️加$28 套餐，餐包加餐湯 (鮮橙汁+3)個蒜蓉包🧄是非常香脆的😌⭐️安格斯西冷牛排 🥩牛排煎得好好👍🏻口感唔錯，配薯條🍟好正😋配料仲有蕃茄🍅同埋西蘭花🥦⭐️心太軟 朱古力🍫真係自己流出黎，好吸睛🤩⭐️單球雪糕🍦最後一定要加番個雪糕，好完美既結束😌走既時候小朋友又攬左好大既 BEAR BEAR 熊🧸先走~

［熊小館 (九龍灣)］CP值高 熊仔打卡店地址：九龍灣宏照道38號企業廣場5期Megabox 11樓推薦度（10👍🏻滿）：8.5👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：9⭐️賣相（10⭐️滿）：8⭐️味道（10⭐️滿）：9⭐️價錢（10⭐️滿）：9⭐️服務（10⭐️滿）：8⭐️地點（10⭐️滿）：7⭐️返咗四日工想relax下，成日都係港島區，而家又冇得去旅行，過下海當去散下心😜，搵下啲新搞作。喺OpenRice，見到依間Cafe有好多熊仔，啲嘢食又好似唔錯，放工就約人黎試吓。預備迎接Happy Friday😂去到見到，原來成個商場都開始用緊聖誕裝飾好有氣氛，連間餐廳都有聖誕樹喺度，又有熊仔，非常西式嘅一個聖誕。即時係咁影相。見到有唔少小朋友，仲有小朋友生日，原來佢哋有一個遊戲地方係比佢哋玩嘅。但隔開左又完全唔覺得嘈。而店員都好細心，有小朋友唔小心查打寫咗啲嘢飲，佢哋都好快幫忙抹返。成間餐廳都好大，全部主題都係用熊仔去佈置好特別。坐近露台位，仲可以睇到樓下嘅溜冰場 👍🏻望望下發現原來佢哋仲有個房仔係party Room咁，有少少私人地方最多可以有18個人添🙋🏻‍♀️🙋🏻🙋🏻‍♂️🙋

今日行Megabox見倒依間餐廳放咗好多熊仔公仔好靚，決定去試試～-「二人套餐$298」-*歐陸式濃湯+牛油法包法包香脆，羅宋湯入面放咗好多雜菜，好醒胃-*法式香草牛油焗田螺即焗嘅薯蓉田螺上菜見到一個個bubble係鐵板冒出，入面醬汁味道唔濃，唔會覆蓋田螺嘅鮮味，而薯蓉底面都微微焗焦好香口-*美國安格斯牛肩扒主菜之一牛肩扒擺碟好靚，牛扒好厚身，我哋叫咗七成熟，扒嘅外面燒得啱啱好，鎖住入面嘅肉汁同時食落唔會老，配搭埋薯菜食得好飽好滿足-*卡邦尼煙肉扁意粉扁意粉比幼身嘅意粉更有口感，配合煙肉蘑菇加creamy嘅卡邦尼醬好好味-*心太軟（+$18）身為朱古力控甜食點咗心太軟，心太軟即叫即做，微暖嘅朱古力流心香濃，加上桃肉拌碟正好平衡返蛋糕嘅濃味-*黑熊特飲（+$18）冰製嘅小熊好可愛，放喺可樂入裏，加上朱古力雪糕，睇落好靚之餘，飲落味道好夾

聽個名已經知道是以熊仔做主題的餐廳，所以吸引左我黎打下卡，食下野。去到發現原來餐廳睇到溜冰場，可以一邊食飯一邊欣賞，這晚有比賽，但我們坐左入面，睇唔到，唔緊要啦！出嚟食飯都係想有個地方同朋友聚下姐。2人餐 $298羅宋湯+法包羅宋湯味道適中，啱飲。法包勁脆，咬得暢快😋牛油焗田螺薯蓉味道一流，田螺好食，仲好香牛油味。深海帶子拼燒汁牛柳帶子爽口，牛柳叫左五成熟，黎到切開剛好是我們想要的熟的程度，一啲都唔鞋，好淋，表面係煎香脆左，呢個牛正啊！芝士焗蜜桃汁去骨雞腿飯個汁酸酸甜甜加上有蜜桃肉一齊食，帶起胃口，雞腿比蜜桃汁搶哂味道，食落冇鞋口，整體滿意。甜品～雲呢拿雪糕+朱古力心太軟（加$18）心太軟係熱辣辣架～味道好正！朱古力控無法抵抗😜玫瑰花茶柚子（加$16）玫瑰花茶味及柚子味都飲得出來既，夾埋一齊又唔太差喎！ok啦。士多啤梨燈汁（加$16）味道似四方啫喱，都ok既。

今日約了小熊係九龍灣等，去到mega box，一齊享受一下美好既晚餐。餐廳裡面真係好多小熊架，而且坐得好舒服，幾乎每一張枱都有小熊陪你食飯。更有一個birthday corner,如果有小朋友開生日會一定好開心，又有自己一個小角落，同小朋友一齊玩。裡面好似一個小王國咁架，出面又有其他corner比小朋友好好enjoy下。我地今日叫左個2人套餐首先黎餐湯餐包，磨菇湯加蒜蓉包，小熊係隔離，都好似好想一齊食呀。意式焗肉醬茄子，肉醬味香，芝士都好夠，而且新鮮做起，好好味道，熱辣辣。主食方面深海帶子配醬燒牛柳自己叫了7成熟，但係一樣軟滑，裡面好juicy肉質好香，好滑，好好食。帶子亦煎得好香口，加上薯條等等，令人十分享受。卡邦尼煙肉意粉好creamy，汁份量係好足夠，食到啖啖既奶油，熱辣辣，兩個人share 食就岩岩好了。甜品，可以揀唔同味既雪糕，我就揀左曲奇。另一份就升級左做心太軟。心太軟既流心真係好正，外脆內軟，我再將雪糕夾埋一齊食。飲品升級了特飲，1) 檸檬草蜜茶- 女士飲其實好好，熱飲再加蜜，養顏2) 草子莓莓-燈汁加士多啤梨汁，相當開胃

係九龍灣行街時，見到有間好可愛的熊小館Cafe Med @cafemed_hk ，但我記得以前去其他分店既cafe med係叫紅蔥頭，記得價錢係比較親民，野食都唔錯，今次見改左名，以熊啤啤做主題就入去食。一入去都覺得充滿左童心， 裡面放滿熊啤啤，要抱實影相打卡！如果係一家大細，帶小朋友來一定玩得好開心。我地叫左以下晚餐..▪️鐵板什扒(豬扒、雞扒、煙肉)▪️鐵版薄西冷+豬扒▪️白酒忌廉煮藍青口▪️心太軟▪️凍紅豆pop pop▪️凍草子莓莓.. 鐵板系列一上枱，見到份量都幾大，扒都大大塊，而且夠厚，煎得香脆，肉質幾嫩滑，估唔到什扒有埋太陽蛋，幾靚☀️伴菜同薯條都幾多！..青口唔錯wor，賣相很好，好juicy同入味。甜品叫左心太軟，很不錯，估唔到會伴有芒果粒🤣 飲品唔錯，唔會死甜，幾fresh..

早幾日同朋友嚟咗呢間親自餐廳, 呢度嘅裝修超級可愛, 成間舖頭都擺滿咗熊啤啤公仔, 仲有間可以開party嘅房, 有啲家家酒玩具, 非常適合有小朋友嘅家庭嚟食飯~ 店員仲超級親切會拎啲熊公仔同小朋友玩咖~ 食物方面都算抵食, 估唔到裝修咁靚嘅餐廳食物都咁抵~🐷 蜂蜜味BBQ燒豬仔骨 ($140) (+$28轉套餐)呢條豬仔骨超級大條! 可以切到7-8舊出嚟, 適合同朋友/ 家人share食! 啲肉都容易切, 唔會痴住晒舊骨切唔開~味道方面都幾重, 有陣燒過嘅BBQ味, 仲有蜂蜜嘅甜味, 鍾意食重口味嘅朋友超級鍾意! 仲配埋好脆嘅粗薯條, 仲有個蔬菜沙律😋 轉咗套餐會有多一個好creamy嘅忌廉磨菇湯, 一塊牛油法包, 一杯餐飲添!🐮 鐵板肉眼扒餐 ($148) 呢個價錢已經包咗餐湯餐包同飲品! 肉眼扒我叫咗五成熟, 果然好腍好好味! 有少部分位置有筯, 但大部分都好soft好好味, 有入口即化嘅感覺~ 份量都一樣係好大, 仲配有超多薯條, 仲有青葵、牛油粟米、車厘茄、洋蔥添!🍫 心太軟 (套餐+$29) 、 🍨 單球雪糕 ($15)飯後想食少少甜品, 就叫咗心太軟同一個朱古力雪糕🤩 朱

環境舒適寬敞，裝修充滿童真超有特色，超多熊啤啤陪你一起吃飯，還有兒童小熊樂園區、小熊主題房，可以來慶祝生日有包房的感覺。另收+1服務費，外賣盒加一蚊#蘑菇紅酒汁牛柳伴法式田螺 $158厚切牛柳叫了五成熟，肉嫩不會硬。還有蘑菇、玉米、車厘茄、蘆筍等配菜。幼滑薯蓉吸晒田螺的味道，底下還有五粒軟淋的田螺。不錯#意大利魷魚 #墨汁意粉 $82濃郁墨汁味，黑咩咩的意粉，食完尤如塗料黑唇膏一樣很有趣🤣重口味之選#帶子菠菜忌廉湯 $32 奉送脆卜卜蒜蓉包，有3粒小帶子和濃郁菠菜味的忌廉湯#心太軟 $42配忌廉和蜜桃，朱古力🍫蛋糕不會太甜，而且口感綿厚。另外，焦糖燉蛋像雞蛋布丁一樣，甜甜的幾好吃(๑•ᴗ•๑)意式焗 #肉醬茄子 $48熱騰騰的茄子厚實有口感，酸酸的蕃茄肉醬#啤酒炸洋蔥圈 $48有個架比鮮油炸出來的洋蔥🧅圈滴油， 不會咸，旁邊提供蛋黃醬和檸檬。邪惡之選～服務質素：8/10環境舒適度：8/10ᶘ ᵒᴥᵒᶅ個人口味評分：7/10

星期日晏就同老公睇完傢俬之後，就黎到呢間有好多熊仔🐻‍❄️嘅餐廳。好多一家大細嘅客人都黎幫襯，基本上每一個角落都會有熊仔嘅蹤影，每一張枱都放左一隻熊仔，餐廳裏面嘅小朋友見到有咁多熊仔都好興奮。叫咗一個二人套餐$298🍲餐湯係歐陸式濃湯配牛油法包🎋法式蛋黃醬焗鮮蘆筍蘆筍顏色清嫩有光澤，係中型size，尚算清甜，加埋蛋黃醬焗都夠入味。🥩深海帶子拼醬燒汁牛柳牛呀😍唔單止軟腍，仲好多汁！再點少少燒汁超夾， 帶子有兩粒，外圍煎得很香脆。有好多薯條🍟，熱熱地都幾好食。🧀芝士焗忌廉菠菜龍利柳飯龍利柳少少鹹，忌廉混合埋菠菜好香濃。甜品：🍮［自家製］心太軟 （跟餐 + $18）和 曲奇味雪糕🍨心太軟好好食😋火候控制得很好，一拔裏面嘅朱古力就熔出留黎。有一球雪糕，上面灑上colourful 嘅糖碎都幾靚。飲品： 草子莓莓（凍）士多啤梨橙汁 （跟餐 +$16）和 橙汁熊熊 🐻（跟餐+$8）兩杯凍飲都好靚😍，當然我最鍾意係橙汁熊熊，成隻冰熊浮係橙汁中好似係度bath 緊，超可愛。