熊小館

Open Now

Now Closed

今日同老公同仔仔去咗九龍灣MegaBox嘅Cafe MED熊小館，食咗佢哋嘅「二人套餐B」（$298），真係平靚正之選！餐廳環境舒適，可以望到溜冰場嘅景色，一路嘆嘢食唔錯 ～ 🍽️ 套餐內容逐樣評：*歐陸式濃湯配牛油法包** 🌟4.5/5濃湯每日新鮮熬製，今日係粟米南瓜忌廉湯，飲到粒粒 粟米 碎，香濃creamy！配埋外脆內軟嘅法包，完美開胃組合。*深海帶子拼醬燒汁牛柳（+$10升級）** 🌟5/5👉 帶子：足足2大粒！表面煎到金黃微焦，內裡保持半透明狀態，鮮甜多汁到難以置信👉 牛柳：選用澳洲和牛，medium rare火候完美，切開粉嫩無血水。特調醬燒汁帶微微煙燻味，提升肉香，配菜有薯條炸得好好食，仲有烤蔬菜平衡油膩感。*芝士焗蜜桃汁去骨雞腿飯** 🌟4/5創意fusion菜！蜜桃汁嘅甜味同芝士意外地夾，雞腿肉嫩滑多汁，焗到表面微焦，芝士拉絲效果一流～*今日精選甜品（ 朱古力味嘅雪糕同埋 曲奇味嘅雪糕）** 🌟4.2/5朱古力雪糕，香濃嘅朱古力味口感一流，為晚餐畫上完美句號。*法式焦糖燉蛋白** 🌟4.8/5焦糖色澤均勻，仲有微微嘅裂紋效果，蛋白嘅奶香超濃郁，焦糖層薄脆得嚟唔會太厚，完

熊小館 尋日適逢兒童節，帶咗堂妹去咗Mega Box放電完就揀咗間親子餐廳醫肚，它位於商場頂層可以觀賞整個溜冰場實況。而室內環境無論燈飾，壁畫，擺設或食物上都用咗熊仔做主題，另外仲提供咗玩樂角落與小朋友放鬆時間，亦有小型獨立式派對房間可舉行生日party～ 💫二人套餐$318▪︎前菜歐陸式餐湯+牛油法包 x2✅️  -忌廉湯濃郁，都有唔少磨菇系入面  -法包充滿蒜香味，脆卜卜好好食～===========================▪︎副菜《2選1》法式蛋黃醬焗鮮蘆筍法式香草牛油焗田螺✅️  -田螺口感爽彈，已預先甩埋外殼啖啖肉  -薯仔蓉表面輕輕燒過微脆，口感幼滑；香草同牛油味突出===========================▪︎主菜A《3選1》黑松露牛油熊仔牛柳扒鐵板深海帶子美國極上無骨豬扒鐵板肉眼扒✅️  -我叫咗7成熟，肉質口感鮮嫩軟淋呈粉紅色，唔會覺得燒過火而覺得肉質乾身。另跟薯條，西蘭花，車厘茄＆粟米。===========================▪︎主菜B《4選1》卡邦尼煙肉偏意粉芝士焗蜜桃汁去骨雞腿飯蕃茄奶油吞拿魚螺絲粉芝士焗忌廉菠菜龍脷柳飯✅️  -龍脷柳食落無雪

今日同男朋友去咗睇贖夢 睇之前見到間餐廳拎住今日票尾就有85折 所以就去試下食啦 佢係一間親子餐廳嚟 有兒童閱讀區 亦有好多熊仔打卡位 每張枱面都有一隻熊仔🐻 同埋都有好多餐選擇 咁我就揀咗廚師推介 而男朋友揀咗全日套餐 85折咗200都唔駛 真係一間好啱情侶同一家大細食嘅餐廳

親子餐廳設有兒童專區，可以睇書📚玩玩具🧸全間餐廳都布滿住唔同既熊仔🐻好岩打卡叫了二人套餐A 多士香脆有誠意是蒜蓉包，是日餐湯白湯法式香草牛油焗田螺焗田螺個汁好惹味，下面薯蓉用鐵板上熱辣辣好滑黑松露牛油熊仔牛柳扒好得意呀，好可愛嘅牛油熊仔，牛柳扒軟嫩，熟度烹煮得恰好⭐️卡邦尼煙肉扁意粉醬汁香濃，除了煙肉外還有大量蘑菇片，好味飲品🥤橙色派對即是芒果橙汁，飲落去酸酸甜甜，好有夏日氣息而草姊莓莓即是士多啤梨橙汁，未試過這個配搭，原來都很夾，士多啤梨味出啲，再加上橙汁的酸，開胃的一杯飲品

一家人連1BB晚飯，服務好貼心，特別欣賞經理部長，位置最角落，有冰場睇，Bb好開心。特別準備BB餐具，好貼心嘅服務。食物質素中上等，不過不失，沙律菜新鮮，肉眼牛扒都唔錯，意粉軟硬剛好，味道唔算太咸，羅宋湯好香，附送嘅蒜茸法包外脆內軟。甜品很好，心太軟朱古力香濃，法式焦糖燉蛋白唔太甜，連bb都食得！唯一要改善係上菜，因為有閃電手BB，張枱有1/4係BB結界，得返3/4可以放嘢，變相唔夠位放，如果可以加張流動枱放餐就會更好！

去Megabox行街，見到有間熊熊做主題嘅親子餐廳。即刻二話不說帶咗小朋友入去極速睇完個Menu，就飛快咁order咗一個二人餐二人餐已經包左: 歐陸式忌廉濃湯兩客＋蒜蓉法包，最開心係個湯真係好熱，飲落暖笠笠，點埋蒜蓉包食一流！法式香草牛油焗田螺田螺係用鐵板上，煮得好有口感，配埋好有牛油香味嘅香滑薯蓉，令到薯蓉很鐵板上會有一種脆脆嘅感覺，讚！鐵板肉眼扒牛扒好彩叫咗五成熟，原來佢係鐵板上，唔會好快就凍咗，肉質嫩滑加埋黑椒汁，味道不錯！卡邦尼煙肉扁意粉極重芝士味，滿滿嘅芝士同埋煙肉香，意粉唔會好腍夠彈牙！另外除咗套餐之外，我哋都有叫到kids meal俾小朋友佢哋呢個餐有肉醬意粉+ 芝士雞尾腸+牛油粟米＋小熊啫喱，所有嘅味道都唔會好鹹，俾小朋友食啱晒，另外佢仲有幾粒小熊啫喱，小朋友見到都好開心❤️餐廳裏面仲設有熊熊兒童區比小朋友玩，家長食緊嘢嘅時候，小朋友就可以喺呢個地方度放電！🥳

因為太肚餓，我同朋友兩個人入咗去試食，今次嘅體驗比較令人失望，所以冇特意影相。亦都唔打算寫一篇好長嘅食評了。簡單分享下，我哋每人消費$90食一個意粉套餐。我點咗蜜桃雞扒意粉，我朋友點咗西冷牛扒意粉。坦白講，整體質素未達到我哋嘅期望，感覺性價比偏低。食物嘅擺盤同味道似乎比較簡單，與我哋預期中$90嘅餐點有一定差距。當時覺得質量更接近學校飯堂嘅水平，味道亦未能帶來驚喜。可能係我哋個人期望過高，未能與實際感受匹配。另外，餐廳嘅環境裝修確實有一定特色，但我會更加希望見到相應嘅心思能投入喺餐點質素上。相信如果食物質素能進一步提升，整體體驗會更好。

發現有間好可愛嘅小熊親子餐廳，食飯仲可以要求提供小熊陪伴服務，成大隻公仔坐係隔離🐻 相信小朋友同女仔都會鐘意，而且餐廳裡有小型樂園🎡 比小朋友放電，家長就可以食得舒舒服服午市/ 晚市包餐湯、餐包、餐飲，今次叫兩人晚市套餐餐飯比想像中濃稠，落左乾柱、蝦米前菜田螺預先起肉再用鐵板上，成件事好加分，而且薯蓉份量好多鐵板西冷5成熟，切開裡面呈粉嫩，扒邊燒到有焦脆，味道幾唔錯，另外吞拿魚螺螄粉中規中舉，不過餐廳職員服務真係好好👍🏾

自費的呢間位於九龍灣去呢一間西餐廳有鋸扒又有薯條又有漢堡包又有沙律仲要有甜品仲要送埋嘢飲佢啲甜品嘥錢出色今日食咗佢個焦糖燉蛋嗌咗一個其實兩個人分都得，不過份量十足仲要佢啲鋸扒勁好食叫即整勁脆脆，如果鍾意食牛扒豬扒嘅朋友一定會勁鍾意食仲有啊，呢間嘅漢堡包都係好好食佢啲牛肉勁厚汁勁厚好食勁鍾意同埋最緊要係個價錢貴，所以如果鍾意食西式嘅話同埋有一齊食一間都好鍾意食好耐不過睇落個公仔如果鍾意嘅話一定要揀啊，我覺得唔錯

假日去MegaBox玩見到呢間以《熊》🐻🐻‍❄️🐼🐨🧸 做主題嘅餐廳都幾可愛就拖住個仔去幫襯下叫左💚【黑松露牛柳套餐】HKD 168 ততততততততততততততততততততততত包左大草原牛柳排配黑松露牛油熊仔+ 薯菜個牛柳扒煎得啱啱好好juicy黑松露牛油熊仔真係好得意擺喺上面又香又靚！成個碟都係熊仔樣影相呃like一流呀🧸【小熊套餐 C 】HKD 88 ততততততততততততততততততত小熊套餐其實就係小朋友餐有肉醬意粉🍝 + 芝士雞尾腸 🧈牛油🌽粟米 + 小熊啫喱肉醬意粉酸酸甜甜好開胃個小熊啫喱仔仲得意到唔捨得食🛁【幸福寶寶】HKD 42 ততততততততততততততততততত可愛小睡熊造型雪糕+涼粉呢個甜品真係必點小睡熊雪糕造型夠晒可愛個浴缸碗打卡一流！涼粉就清清涼涼幾解膩食完好滿足熊小館嘅服務員態度都好親切對於顧客嘅需求非常細心有賓至如歸嘅感覺另外餐廳價格都好親民可以輕鬆享受美食

老夫老妻嘅我哋，心血來潮就今日2月14號搵間餐廳食個晚飯感受一下其他情侶嘅浪漫氛圍，由於臨急臨忙喺OpenRice見到熊小館嘅網評都好唔錯，亦都有啲特色又近屋企附近，於是乎就選擇咗，由於我哋比較晏先入座，所以意大利飯已經冇得選擇！餐廳氛圍係OK嘅，食品質素亦都唔錯，只係我哋略嫌偏鹹同濃味少少，唔知係咪因為今晚個場都比較爆滿，廚房質素就出現啲參差，牛扒肉嫩食得出唔係是但俾啲普通貨出嚟，去骨雞腿焗飯好味，仲有少少好似飯焦咁我哋鍾意，唔知係唔小心定係刻意嘅製作呢？但係好味道嘅，心太軟好味唔會太甜，係飲品反而就覺得有啲失色、款式唔多，只係果汁加啲果醬調較而成，但係性價比嚟講都係好合理架喇，而且場所氛圍唔錯，有好多不同大小嘅態啤啤公仔及場景供大家打卡

之前一直都好想喺MegaBox食住嘢睇溜冰，尤其係冰球比賽時段。今日就去咗位於溜冰場樓上嘅一間熊仔主題西餐廳，一門口已經見到超多隻熊仔公仔同裝飾佈滿晒餐廳，而且店員都超級好，將隻大啤啤熊擺喺我隔籬，陪我食飯。晚市餐廳安排咗好多唔同款式嘅套餐，我哋就揀咗個二人套餐，入邊包含咗餐湯及麵包、小食、兩個主菜同兩杯飲品。餐湯係羅宋湯，材料好豐富，而且煮得非常入味。薯蓉焗田螺份量都算好多，而且田螺咬落都頗為爽口，薯蓉食落都好creamy。主菜方面，我哋分別揀咗黑松露牛油熊仔牛柳同芝士焗蜜桃去骨雞腿飯。每樣份量都好大，牛扒啖啖肉，面頭配上熊仔造型嘅黑松露牛油，打卡一流。焗飯方面，因為配上蜜桃，所以食落非常香甜。

Megabox其實有好多餐廳😋😋🩷但係估唔到其中有間性價比咁高🩵🐨就係@cafemed_hk 熊小館🐻成間都係熊啤啤嘅餐廳😍😍全部張枱都有一隻小bear🐻仲有大大隻係出面呀！！侍應哥哥仲將大大隻嘅啤啤熊放瑤瑤隔離開心到我差啲唔記得咗落單叫野食 🤣🤣仲有個玩具角🩷🩵可以比小朋友係等野食期間放電 👍🏻👍🏻👍🏻🐻#小熊套餐🐻一次過滿足曬瑤瑤嘅食慾😎又有#薯條，又有#炸蝦，#雞翼，粟米😋😋仲有佢最鍾意嘅#啫哩糖😘形狀係啤啤熊頭🐻所以一擺低第一時間已經消滅晒四粒啫哩糖啦，🤣🤣薯條都幾高質，條條都脆，放耐咗都仲脆👍🏻🐻#蘑菇紅酒汁牛柳伴法式田螺薯蓉批🐻牛柳真係好好食🥰🥰瑤媽叫咗五成熟，一切開肉汁標出黎之餘，牛柳仲非常之焾🐻生日小熊心太軟🐻熱辣辣嘅心太軟其實已經完勝😎加埋鮮忌廉同雲呢拿雪糕🌟🌟要同瑤瑤鬥快先可以食得到🥹🥹如果唔係十秒內佢已經ko曬成份甜品😏😏

放假過嚟megabox 行吓街，下晝肚餓諗住搵間餐廳食吓lunch，誤打誤撞就入咗呢間試吓，初頭見到係親子餐廳都諗住係咪冇乜嘢食揀，睇見餐牌都有好多選擇，於是就入咗去坐。我叫咗個鐵板肉眼扒餐仲有9折，塊扒真係好大塊又厚又抵食，仲要好少筋又淋，我要5成熟，佢真係比到5成我，由於我驚啲薯條會腍，所以我冇將個黑椒汁淋落去，我選擇點嚟食，啲薯條係熱到辣口又好味。女朋友就叫咗個lunch set辣蒜雞肉意粉都係好正好惹味。

今日去咗個小熊主題嘅親子餐廳，係一個好睇又啱親子嘅用餐場所。餐廳裝潢得好可愛，處處都係小熊嘅元素，充滿童趣氣氛。嚟到食物部分，大人兒童餐嘅小熊造型漢堡包真係吸引眼球，唔單止造型可愛，味道亦出色。漢堡包夾著嘅肉餅好多汁，配料新鮮。再叫一杯特別嘅白熊飲品，配上白熊造型嘅冰塊同雪糕，唔單止清涼解渴，仲好睇好食。而黑熊飲品，則係可樂、朱古力雪糕同冰淇淋嘅組合，特別適合小朋友嘅味蕾。另外聖誕節期間佢哋出咗聖誕套餐，可以額外多咗一張親子DIY聖誕畫卡，可以同小朋友又或者身邊嘅朋友一齊玩。最後唐揚脆脆雞翼，外脆內嫩，調味適中，非常開胃。