貴花甜糖水甜品專門店 (Closed)

原來裝左修，今次再黎遇上一個好好presentation 既人招呼！西利西利！一黎就叫左個心太軟，仲要話係特濃，不過好似濃左d,又熟左d!不過另外兩樣野搭夠！超濃朱古力味，奶凍仲好滑添！好好食，呢個可以不停返食！😍😍😍呢個係新張期間like Facebook fans page送既，食完濃味朱古力飲，岩岩好，送走膩既感覺！

係街度收到傳單，無任何折扣，但只係覺得個店名幾得意就去左試下，叫左個心太軟同埋雙色蕉糖燉蛋，例牌糖水鋪大細，坐位逼逼地，不過我都係諗住快食快走，所以無咩所謂，可能心太軟要焗會等比較耐，大約１０分鐘後上台，熱辣辣既朱古力蛋糕切開流心漿唔算多，但幸好味道夠濃，配埋雪糕凍冰冰幾好味。雙色蕉糖燉蛋一邊係普通燉蛋，一邊係朱古力味，碗既厚度其實好薄，所以分量唔算多，基本上一人可以食晒２邊，朱古力味不算重，反而普通燉蛋比較出色，焦糖不太焦，沒有燶味，還算不錯。

剛係cafe玩完..出番黎地鐵站個頭見到有人派傳單..望下..咦有心太軟就二話不說問個個哥哥係邊..佢帶我地去間鋪度啦咁就..以為好遠啦..原來只係隔一條馬路轉個彎就到好多人呀..要等位..一路等位一路睇下有咩野食先..佢地主打心太軟同火焰雪山..原來仲得過獎..唔怪之得個價錢都偏高少少啦不過我地最後都係決定食心太軟xd4個人嗌2個兩份分..等左陣..d哥哥可能見我地悶就同我地講解下d野食..哈哈...幾親切好啦..等左10分鐘..有位入得啦..位都未坐..我已經叫佢「唔該兩個心太軟」等心太軟黎個陣..周圍既人都有食火焰雪山..原來佢地係係個鐵匙裝住d酒點左火再淋落去個山度..而唔係就咁點火落個山度..唔知係米因為咁..所以d火好細同埋太快熄啦..唔夠過癮既我地個心太軟等左好耐..呀..終於到啦..外皮好脆..個心好流...好味好味甜度岩岩好呀..唔係好甜..食完唔會覺得好濟..唔會覺得口乾..48蚊個心咁貴..都抵啦

今日經過見到呢間甜品鋪派傳單,就入去試下,點知......一入去招待真係一流,侍應好詳細介紹有咩甜品出名,我同女朋友叫左一個心太軟同橙酒火焰雪山,先講火焰雪山,一個字"正"因為用橙酒點火後再落個雪山上面,令到有好香橙味,心太軟非常好食,一開D朱古力就流出黎,勁!!!

食完飯之後，就前往我期待已久既甜品舖。其實想去呢度好耐，因為佢地既甜品選擇多之外。仲有好多她得意既甜品，咁入到去唔使等位，真係太好啦。芒果爆珠個名唔係好記得，不過呢個都幾好食。果爐珠會爆出果汁，好得意。而個芒果都唔太酸，不過唔係食得好多，所以唔講咁多啦。橙酒火焰雪山呢個甜品都令我期待，因為佢真係好出位。好似真係有料到。等左一陣，店主表演雜技。將火點著酒，做出火焰既效果。好彩，我及時捕捉到呢個精彩既一刻。面頭係一層甜甜地既忌廉，而且食到陣陣橙香味。之後，食落去係一層既海綿蛋糕，呢度就無乜特別好講。心太軟另一個幾好食既甜品，雖然要等好耐，但都係值得既。因為個蛋糕切出黎會有濃郁既朱古力醬，好似溶岩流落黎一樣。而且朱古力醬味道唔算太甜，食落好有口感。熱既蛋糕配上冰冷既雪糕，一冷一熱口感好惹味。呢餐雖然真係貴左，但食到平時唔會成日食既甜品。點都抵翻哂，而且店員既服務真係幾好。當你無頭緒食咩既時候，會推介心手既甜品俾顧客。店員都幾有禮貌同耐性，甜品真係好正，下次實會翻兜。

是夜在廟街飯後與男友漫步到停車位置取車,途經一甜品小店, 男友總喜歡飯後來點甜品才覺得是完成一頓完整的晚餐!店內坐位不多, 看到有幾名年輕人很用心的招呼和介紹出品給每個客人, 服務態度比前陣子熱爆的甜品店"糖百府"好多了! 很欣賞這幾位年輕人的創業精神值得 時下年輕人學習!我們點了鎮店的三款其中兩款! 比利時朱古力心太軟和法國櫻桃酒梳乎厘. 比利時朱古力心太軟 : 很濃的朱古力味! 很滑很香! 法國櫻桃酒梳乎厘 : 很軟綿綿...入口溶化! 酒味略為重了一些! 雖然價錢略為貴! 但無論如何，食甜品令人開心，一定會再來試其他。

朋友介紹於是去左貴花甜食特登搭車去食果然冇令我地失望雖然價錢偏貴,每個甜品大約都要$40,但質素好好, 果然係"一分錢一分貨"一入到去侍應好詳細咁介紹甜品鋪既招牌野同新出產品之後我地3個人叫左個甜品share等左一陣終於有得食喇 火焰雪山: 侍應係我地面前燒酒,發出一陣陣酒香味,之後食出面有一層好似脆棉花糖, 勁香酒味非常之好食,食到入面係哈根大師既雪糕,內外互相配合得非常之好!梳孚尼:未食已經俾佢外面吸引到, 焗得好靚! 食落有好香既蛋香味! 水準好高好好食!心太軟:朱古力一d都唔甜相反朱古力既苦澀味好重,配埋雪糕一齊食就岩岩好!

我不是第一次這家店,所以今次都帶朋友來給他們試,本人頗為喜歡食心太軟,但這家的我未試過,今次就試一下,我還推介我的朋友試芒之戀,(他說是因為有益力多才點,是我知他會喜歡才推介)另一個朋友點了北海道牛乳奶凍,喜歡牛乳食品的人也可一試,我們還相約下次再來,(因為店員說遲些還有新食品推出)