i kitchen (Closed)

本來沒有太大的期望，心想跟其他的工廈餐廳應該差不多。意想不到每一道菜都很好味，而且裝飾得像藝術品。二人晚餐內的每一道菜都很出色，青口很鮮，豚肉香口，甜品心太軟不算太甜，外脆內軟，晚市套餐有一道酥皮磨菇牛柳，牛柳很嫩，酥皮香，伴碟像幅畫。另一道是三文魚，有䓤及香菜，個人不太喜歡，但家人說好吃。單點的主菜也可升級做套餐，。另外點了托托蜆，用香檳煮，超及好吃！大大隻蜆肉，很大的驚喜！我們是慶祝生日，帶了個蛋糕去，也沒收切餅費，值回票價之選！

最近很喜歡在工業區覓食，皆因現在有好多高質素餐廳在工業區開鋪。今次相約友人去觀塘食西餐。 餐廳地點好方便，觀塘地鐵站附近的工廠大廈。雖然門口沒有特別裝修，但內部裝修雅緻舒適。店員細心介紹餐牌食物，set dinner 可加錢選擇其他喜愛甜品，非常貼心鮮蠔濃湯好重蠔味，非常鮮甜，不會腥。黑豚肉鞍約9成熟，肉質非常鮮嫩。青蘋果蓉令肉質更加鮮嫩，沒有溜的感覺。每碟食物都有靚得出奇的 decoration. 真的捨不得食。心太軟外脆，暖暖的，甜度適中。每樣甜品都有靚到不得了嘅 decoration。每次一出甜品，就令我地嘩聲四起。真的怪你過份美麗，捨不得食你呀 連飲品都不欺塲， 伴碟 decoration，飲品賣相都精心設計。 廚師喺咪畫家嚟㗎，畫得咁靚嘅。食品質素、賣相都很讃。座位好舒適。

我第二次嚟呢間餐廳喇，我覺得呢度十分值得幫襯，特別係前菜，意大利飯，意粉呢啲，呢間餐廳真係做得好好，而且琴日情人節正日，佢哋都係比平時收多幾百蚊，但套餐比番你既野其實無乜點貴到，無襯節日斬食客，質素都保持到，我一定會再嚟食，大家都可以嚟試下，呢個價錢呢個質素嚟講性價比好高！套餐入面最好食個樣當然係前菜，多士厚得嚟好脆，正，上面啲料都夾得好好。飯，呢間餐廳最值得食既野之一，做得好好。湯，白松露湯我覺得好香，個人嚟講好鍾意；另一個湯覺得佢好有五星酒店感覺，上左隻碗先倒湯落去，好少餐廳會咁做，不過塊象拔蚌個樣就切得普通啲，可以試下其他形狀。雪芭，甜品唔洗講，呢間餐廳不嬲無得輸。係牛扒，唔知係咪成本高得濟，兩次嚟都係覺得塊牛扒好細塊，但單叫就特別貴，不過又唔會覺得特別好食；但我係用呢間餐廳平均質素比，大家唔好拎加鬆肉粉加到塊扒一陣內臟味個啲扒比，唔會差到咁。純粹比意見，覺得唯一可以改善既就係塊牛扒，其他都做得太好，無挑剔。

來到位於觀塘這種工廠大廈林立的地方，當然要搵返Ｄ位於工廈內的食市試試看，i-kitchen是其中一家氣氛不錯的西式餐廳，很適合搞派對活動。餐牌食品種類算多，但我會比較喜歡多圖片比對的。先點了些頭盤開開胃，煙燻三文魚伴血橙+羊奶芝士&火箭菜，因加入血橙汁後，口味由原身的咸香變得有種清新感覺。黑魚籽鮮蝦忌廉蛋味道比一般蛋濃郁，中間就像溶化了的蛋漿一樣，我個人不太喜歡生蛋的腥味，這款微微這感覺，有點吃不慣。有機紅菜頭茸湯非常的濃縮，但味道絕對不膩，朋友說有種像媽媽煮出來的感覺＠＠黑松露帶子野菌意粉是我最愛的一道菜，醬汁濃度剛剛好，加入新鮮蘑姑碎更有口感，芝士味偏咸香味，帶子肉質嫩口。燒魚亦不錯，外層如果微微再焦脆一點就好了，不過肉汁新嫩，滴幾滴檸檬汁更加新味，沒有太細條的魚骨，容易入口。煎大蝦三文魚配天使麵，這道菜較為特別的是底部的天使麵也是煎過的，整塊麵底都脆脆的，可是有放冷後會變得有點硬，所以要趁熱馬上叮吃，大蝦被放在頂部，就像跳躍起來的樣子，賣相一流。最後點了個心太軟作為甜品結尾，設計件碟還算不錯，切開後馬上流出熱辣辣的朱古力濃漿，口感綿綿的，每口都有種幸福的感覺，還算不錯吧～