九份飽 (蜆殼街) (Moved) New Location

呢間係外賣app叫過幾次，質素高價錢合理，所以經過都想食多次。《懷舊魯肉飯（小）》$30好有台灣既味道，魯肉醃得好入味，肥多瘦少，滷汁都好香、配一個醃黃瓜。分量亦好足夠，《紅燒牛肉麵》$45藥材味較少，但牛肉味好濃，當中係用牛展，用滷水醃制而成。《肉鬆起司蛋餅》$30肉鬆起司蛋餅個蛋味好香，醬汁酸酸甜甜，芝士半溶狀態。《酥炸魷魚》$42即叫即炸，熱辣辣送上，魷魚炸層薄薄地，炸粉唔多，但外層仲好脆，而魷魚又唔會好硬，好有口感。《淡水蝦捲》$30之前無食過呢款蝦捲，食落有D似春卷咁，但個外層皮似薄脆餅

放工搵朋友仔食飯，係轉角位見到燈火通明，紅燈籠掛滿嘅台灣山城——九份......飽鋪面細細但入面好多人，我哋都好快咁等到位叫咗啲嘢食share食，第一道係魚丸湯台灣嘢食得多，但係有魚丸肉羹湯嘅真係好少有魚丸結實彈牙，有啲似較firm嘅白魚蛋，加上生菜，芹菜同肉羹煲嘅湯，濃郁得嚟卻係清甜可口主菜叫咗兩款，分別係紅燒牛肉麵同魯肉飯牛肉麵有好豐富配料，台式牛展，雪菜，芫茜湯底顏色唔似平常食嘅紅燒牛肉麵湯咁透明，較為混濁，飲落仲有少少香料味，證明真材實料濃濃嘅湯底加上油麵，真係令人想一嚐再嚐懷舊魯肉飯絕對係古早味嘅代表，豬腩肉切細條，滷好，入味香濃，豬油滲滿其中醬汁唔會蓋過飯嘅一半，水油比例控制合宜，唔會膩，加上醃蘿蔔一小片，細細碗但係飽足小食叫咗蚵仔煎，煎到好香，有正宗台灣夜市嘅風味醬汁係橙紅色，下面有蚵仔，雞蛋，生菜等等嘅配料，混合木薯粉漿，蠔仔嘅香味同蛋黃互相輝映最後甜品我哋揀咗九份芋圓，有大大粒芋圓，珍珠，紅豆，鮮草同豆花芋圓咬落好煙韌彈牙，唔知係咪因為我哋放咗一陣先食，啲芋圓發漲咗，特別大粒浸住嘅糖水顏色雖然黑，但有別以往我哋食開嘅黑糖味，反而帶陣陣嘅蜂蜜味道，感覺清新

又大雨又冇咩鋪頭開嘅星期日，有開嘅鋪頭都逼滿晒人，周圍行行到去炮台山，見到有間台式餐廳冇咩人排於是就咩都唔諗啦入咗去先。呢間餐廳叫九份飽，鋪仔非常之細，無論係枱，櫈，廚房等都好的骰。但係都裝修得幾古色古香，幾靚。間鋪呢大概有七至八個店員，但適合呢都係得10個左右因為廚房等等已經佔咗一半位。咁呢我哋就叫咗起司蛋餅，懷舊滷肉飯細嘅，招牌奶茶，台式擔仔麵。首先嚟嘅係滷肉飯，細細碗，都幾啱女士嘅份量。佢嘅魯肉炆得好淋，啲肥豬肉唔講以為自己食緊冬菇，而且好甜，啲飯稍為濕咗啲。跟住係擔仔麵，見到張圖你都知碗面個湯底非常之油膩，湯入面有少少酸菜同埋肉碎，有啲似識緊雲南米線，以佢嘅面都有啲似拉麵，但係就比較淋身啲。起司蛋餅呢就煎得好靚，薄餅入面包住啲蛋同埋芝士，面頭有少少甜醬汁，側邊有少少辣椒醬。食落去啲芝士已經開始有少少凝固，因為鋪頭都比較凍，所以蛋餅都有少少凍。成個蛋餅淨係食到有少少薄餅味，芝士有少少黑但係冇咩味，蛋都冇咩味。另外我哋嗌左招牌奶茶，佢嘅沖茶方法係傳統嘅台式沖法，好似人哋沖珍珠奶茶咁樣。用攪拌機搞到佢起泡。望見隻色都好明顯知道佢係用奶精沖出嚟飲落去只有奶精味，飲唔到茶味。唔知係咪因為

最近知道炮台山開咗間台式餐廳，好似幾正宗喎 約咗屋企人收工去食下，睇下質素如何點餐紙 都幾多選擇，價錢好便宜，幾適合學生同小資一族，午晚餐都同價，好扺我想飲仙草，叫咗凍仙草奶茶屋企人想飲珍珠，叫咗熱黑糖珍珠奶茶兩個都幾好飲，叫咗嘅少糖都有做到五香牛肉麵，又大碗又多五香牛肉片都係45蚊抵到爛，味道亦唔錯👏🏻細碗魯肉飯，啲肉臊幾腍同幾入味雖然叫細碗，但其實份量都頗大，又係好抵食煙肉芝士蛋餅，蛋餅皮薄薄地煙煙韌韌，我好鐘意餡量啱啱好，唔會食到勁滯，加埋咸咸酸酸嘅醬同少少辣醬已經好好味食台灣嘢一定會叫鹽酥雞呢度咁多舊都係35蚊，算幾抵啲雞大大舊，唔會好乾，唔錯🤪食到捧住個肚走都係兩舊水有找如果有機會都會再幫襯

返工最大樂趣就係同同事覓食，今次黎到炮台山，經過左九份飽好多次，見唔洗排好耐隊就入左黎試下 不過入到去既感覺係：好逼！行到既空間好有限，就算坐低左，都係人貼人，如果隔離枱要走，一定要起身讓佢地走先得而且枱同地下都好污漕，可能因為冇咩空間俾店員做清潔，但衛生情況的確麻麻。 裝飾係懷舊既台灣感覺，幾有心同幾靚。 首先叫左個細既魯肉飯，係台灣既味道魯肉帶有肥膏，好香！又唔會太咸細細碗唔會太飽，可以留肚食其他小食。 同事叫左份香酥排骨米線，排骨唔會好厚炸粉，而且keep到肉汁，做得幾出色米線湯底夠濃，配埋排骨味道好夾！但呢個就會飽肚啲，始終炸排骨比較油膩。 台灣香腸有少少咸，配埋蒜片食幾香，而且口感更豐富，適合重口味人士花枝丸炸得幾香，唔會好乾身，而且彈牙，值得一試！我好喜歡呢個蛋餅！！餡料好足餅皮煙煙韌韌，加上佢既甜醬+辣醬，簡簡單單已經好好食～ 誠意推介上果陣熱辣辣食，真係冇得輸！另外我叫左杯冬瓜茶，唔會太甜，飲落好舒服同解渴 總結呢間台灣餐廳野食質素好，雖然係坐得辛苦啲同嘈啲，都有少少污漕⋯ 但去唔到台灣又想尋找台灣既味道，值得一黎