打邊爐

Open Now

Now Closed

小編最鐘意打邊爐， 發現左佐敦有間隱世火鍋、刺身專門店—「打邊爐」， 就試下啦！ 聽講呢到嘅火鍋料全部都好得！😍 食火鍋之前先混個醬， 基本調味醬汁都有：炸蒜、生蒜、蔥、辣椒醬和沙茶醬。 因為想一次過試晒兩款口味， 所以我地叫了鴛鴦鍋—皮蛋芫茜湯（$38）拼意大利蕃茄薯仔牛坑腩鍋（$78）， 火鍋一上枱時， 原來有3個湯底， 中間有一個湯底係是日精選湯底—菇菌鍋。 所有湯底味道都係自家熬製和無添加， 所以比較天然清淡， 意大利蕃茄薯仔牛坑腩鍋越煲越出味， 牛坑腩炆得軟腍， 皮蛋芫茜湯有皮蛋、豆腐、芫茜， 其中嘅皮蛋甘香爽口，好味道！ 菇菌鍋有不少菇菌、粟米，清甜味美！ 嫩滑鵝紅（$58） 涮熟後咬落嫩滑不嚡不韌，正！😋 手切滑牛肉（$88）肉香嫩滑，份量合理，值得一試！ 見到d咁特別嘅自家製丸， 小編就最鐘意嘗嘗鮮。😏 自家手釀流沙墨魚丸（$55/4粒） 墨魚丸口感彈牙爽口， 中間釀着奶黃餡， 食落有d似流心月餅！😂 真係好創新嘅嘗試，味道又幾夾喎！ 自家製黑松露牛肝菌餃（$43/4粒） 餃子嘅餡非常多，好足料，味道也相當不錯！ 唯餃子皮容易鬆散，涮好記住要即刻

去開佐敦，正打算食晚飯嘅時候，見到呢間嘢，比佢個名吸引咗，望入環境又不錯，今晚就去 試試。椰子沙白蜆水蟹鍋 $228好喜歡食蜆同蟹，所以唔洗諗就選擇呢個媧，呢個鍋好足料，有蘿蔔、粟米、菇、芹菜等。當然唔少得椰子，所用嘅椰子好特別，係來自非洲嘅新鮮椰子，特別香，特別甜，飲咗咗兩碗先開始打邊爐南非孔雀鮑 (6頭) @$88 $176 可以選擇原隻、切片同切角，店員話切角最好，就切角，入口果然清甜爽口花雕醉蝦五隻 $138十分新鮮嘅蝦用竹簽插住，放在一隻放了花雕的杯內，蝦腳仲喐緊，入口仲充滿酒香手切滑牛肉 $88肉質滑溜，好濃嘅肉味自家制鮮蝦雲吞(4粒) $38飽滿嘅雲吞，皮薄餡足，入面仲見到大大隻蝦鮮魚卜 $68上菜後，體貼嘅店員就走過來，用竹簽將每隻魚吉穿，咁就唔怕放入鍋時漲卜卜，浮晒响湯面健康准山麵 (半份) $20打邉爐好多時都係食烏冬，今次見到准山麵咁特別，當然要試，准山麵比一般麵幼，雖然淮山味不是很濃，不過勝在不經油炸，非常健康黃立倉 $298黃立倉一向都係清蒸，都係第一次食刺身，估唔到肉質咁嫩滑，成碟黃立倉仲有分厚切同薄切，厚切爽口，薄切清甜

呢間餐廳個名真係好鬼正，去打邊爐度打邊爐，一定唔會唔記得個名！環境企理，坐得舒服，店員都非常有禮貌，會不斷主動加茶椰子沙白蜆水蟹鍋 ($228)成個煲超足料，有白蘿蔔、粟米、菇等。椰子味好清甜，原來係用咗新鮮非洲椰子，曾經喺街市聽過用呢款椰子煲湯係特別添㗎！喺未打之前已經飲咗好幾碗湯！紐西蘭蟶子皇 (2*$55)超級長又新鮮，食得勁滿足！手切滑牛肉 ($88)牛肉味濃，口感好滑炸魚片頭 ($68)啱啱炸起，超熱辣辣！就咁食非常香口，放落湯度煮吓感覺冇咁熱氣，不過我都係鍾意就咁食多啲！4粒自家制鮮蝦雲吞 ($38)粒粒非常飽滿，皮薄到好似會跌晒啲餡出嚟咁，入面啲蝦好新鮮而且大隻，食兩粒其實都已經飽飽哋！鮮魚卜 ($68)體貼嘅店員先將每隻魚卜吉一吓，咁煮熟嗰陣就唔會漲卜卜辣親個咀啦，好新鮮完全冇腥味野菌什菜盤 ($68)色彩繽紛，而且份量都算多！半份健康准山麵 ($20)就咁睇佢個樣賣相雖然似公仔麵，不過係冇炸過嘅幼麵。雖然就咁食唔會食得出淮山味，但感覺非常健康！南非6頭孔雀鮑 ($88)將鮑魚厚切起片作刺身，肉質富彈性，味道鮮甜，好抵食！每張檯面都有一樽自家製蝦抽，係用櫻花蝦、葱及蒜造

最近火鍋達人朋友又喺佐敦搵到新 場打邊爐。 還好不是任飲任吃的， 可以慢慢選擇自己喜歡食材品嚐品嘗。餐廳中式裝修為主， 型格之餘又有啲古色古香嘅味道。各種醬料查家裏麵包括咗一款小食 是涼拌芽菜， 芽菜少少辣 幾爽口。 湯底有不少選擇， 選擇困難症又出現， 皆因每款都好似好有特色好大堆頭。 最後我哋揀咗唔辣嘅"濟公豬骨煲"。 好耐冇食豬骨煲啦， 以前好興澳門豬骨煲， 不過後來越來越多台式 ，泰式 fusion 既鍋底， 差啲唔記得咗傳統嘅豬骨湯底。火鍋上枱我哋都好驚訝， 個銅盆真係好大份， 四五個人一鍋都足夠有餘! 目測已有三四件大大件嘅豬筒骨， 配料仲有蘿蔔，粟米， 仲有最後先發現嘅 雞腳， 超正呀勁多骨膠原， 唔怪得個湯咁黏咁濃。湯底鮮甜， 飲落順喉舒服， 仲有少少胡椒嘅辛香。 喺打邊爐之前飲多幾啖， 方能嘗到原始鮮甜嘅味道呀~豬筒骨裏面嘅骨髓超正! 肉骨都煲到好冧， 好入味。粟米最後先食都依然係超甜。手切滑牛肉$88滑牛雖然處理過， 但係仍然都有好濃嘅肉味， 肉質滑溜溜兼有口 。有啲地方會嗱到冇曬肉味得個腍字。 呢度處理得唔錯!皇帝菜$48全份嘅皇帝菜 份量唔少， 不過唔夠嫩綠