串酒里 (Closed)

唔知有無人聽到粗口會打冷震？如果有就同我完全唔同世界，我做果行有好多睇落斯文，但內裡麻甩嘅女仔，粗口流俐，簡直出口食文！今日去到尖沙咀嘅 #串酒里 ，一見到支粗口啤就諗起我啲麻甩底朋友！串酒里隱身於小巷裡面，餐牌有海鮮、牛肉、豬肉及蔬菜等等，選擇多多，滿足晒心多多的香港人。◽️ 串酒里燒蠔拼盤$238本身先食車打芝士口味覺得有驚喜，於是追加拼盤，一次有齊9個口味，包括：黃金蒜蓉、車打芝士、辣味剁椒、黑松露蒜蓉、黃金醬、泰式辣汁、日本雞蛋、冬陰公汁、青芥末，頭三甲有添上蛋香的日本雞蛋口味、香氣誘人的黑松露蒜蓉，以及食落有辣勁的辣味剁椒，其他都有驚喜，值得「蠔」食呀！◽️ 車打芝士燒日本廣島蠔 $88一份有3隻，面層是香氣迫人的芝士，入口先食到芝士再有蠔味。▪️ 手工啤酒 $78外型煞食，打卡度100分，柑橘果香令人易於入口。◽️ 日式芝士焗玉子$39滿滿的木魚絲有芝士和玉子，芝香、蛋味兼備。◽️ 川式麻辣香燒雞翼$32雞皮燒至香脆，仲有陣陣辣味，肉質一啲都唔乾。◽️ 原條免治雞肉棒$49好香肉味，如果有蛋黃沾一沾就完美啦！◽️ 鹽燒安格斯牛柳粒$68牛柳牛味十足，燒得剛剛好，加少少店家調味料更好味！◽️

💛近期梗係去掃黃啦，今日介紹一間尖沙咀嘅串燒店，連個名都串過人，佢就係串酒里🤣🤣，不過香港人嘅理念係串唔走嘅，梗係要懲罰下佢啦😉一入店已經見到好多非常本土嘅裝飾，而重點梗係佢嘅啤酒啦😂😂(一入門口就見到成排 「吊」(為免被ban, 原字請睇圖😆) 好難唔吸睛XDD，上面仲有777，實在太正🤫)🤭留意返港產粗口手工啤有齊哂「吊」「9」「L」「7」「西」，代表唔同味道(為免被ban, 原字請睇圖😆)，想集齊一套就要約一班人黎啦，我地兩個就叫左「7」過下癮😆😆黎到食物，選擇真係唔少，不過重點一提係燒牛舌同燒鰻魚都真係好正，牛舌厚切夠哂咬口，仲要燒到岩岩好非常彈牙，調味適中，真心推介👍🏻👍🏻鰻魚蒲燒汁味道突出，份量仲要大大條，肉質鮮嫩夠哂新鮮，一定要試😍😍🍆另外佢地嘅燒茄子蒜味十足，仲有日式木魚係面夠哂香。🐷豬仔脾就抵食夾大件，仲要惹味得黎肉質鬆軟，非常唔錯😋炸物方面，雞軟骨都好出色，炸到鬆脆味道又咸淡適中。不過真係太多選擇不能盡錄，由其係海鮮都有好多，不過我地兩個就真係食唔落啦🤣唯有下次再戰😎總括黎講串燒價錢合理味道唔錯，啤酒價錢略貴，但係包裝都值回票價，絕對係值得支持嘅本土小店💪🏻💪🏻

這間人氣串燒店就不用多介紹了，不過去到發現原來門口都頗“隔涉”。這裏的手工啤酒名字非常過癮，我就不打出來了，免得兒童不宜，詳情就看看相片吧！我點了香檸薄荷味，感覺不太有檸檬味，反而吞下去後有股淡淡薄荷香，這個after taste不錯！至於同行友人點了香甜蜜糖味，則有點失望，因爲完全得啤酒味，無甚特別。至於串燒，我們太肚餓了，所以點了十一道菜，包括很多人推薦的：厚燒牛舌、蒜蓉燒扇貝、原條蒜蓉燒茄子、醬燒牛油玉米以及原條燒鰻魚等等。可是，衆多推介菜中，無一道能抓住我的心，反而這個推介list以外的芝士煙肉烤大啡菇則非常有驚喜！成寸厚的芝士粉滿滿覆蓋著整個大啡菇，一刀切下去，菇的汁多到漏出來，煙肉烤到卜卜脆，加上芝士粉下面還有半溶芝士，拉出來看見長長芝士絲，大滿足！全晚第二道好吃的就是這個原條蒜蓉燒茄子，上面覆蓋足料蒜蓉，再加鰹魚片，茄子肉淋甜多汁，味道層次豐富，而且份量之大，令人吃得滿足。這道醬燒牛油玉米，本以爲吃起來會很乾，可是一咬下去，juicy得爆汁！配上醬汁味道剛剛好，既不掩蓋玉米本身的鮮甜味，又有牛油香，值得一試。然後就到扇貝，同樣是滿滿蒜蓉鋪在上面，很足料！扇貝比想像中大顆，

串酒里位於尖沙咀山林道的一個在小巷裡，門口已看到這裡的招牌粗口啤酒。啤酒是由本地釀啤酒廠製造的，夠晒本地。店舖有戶外和室內，今日因為落雨，所以只可揀室內，好啱三五知己來邊飲邊傾。店內的粗口啤酒樽裝飾好吸晴。講返串燒，種類眾多，除咗肉類、海鮮類、蔬菜，仲有唔少特色串燒，一款食材仲有幾款燒法，食物予人煥然一新的感覺。最先上場的是邪惡之首黃金扭扭薯條 $49，香脆惹味，忍唔住一條接一條咁食。日式燒魷魚 $79燒魷魚最香，肉質較厚，食落有嚼勁，魷魚同啤酒係絕配。惹味汁燒雞泡魚乾 $49食落有魚乾香氣，送啤酒一流！秘製汁燒鮑魚（兩隻） $99秘製汁燒，味道甜甜地，鮑魚肉質彈牙而不韌。兩款燒蠔，各有特色。黃金醬燒日本廣島蠔（兩隻） $49。外層香燒醬汁，下層蠔肉鮮嫩多汁。黃金蒜蓉燒日本廣島蠔（兩隻）$49舖滿滿的蒜蓉，啖啖蒜香，同鮮味的廣島蠔好配合。8吋虎蝦沒有報大數，真係有8吋長。虎蝦開半燒，肉質彈牙，啖啖肉。黃金醬燒8吋虎蝦 $49 十分滋味。冬陰功汁燒8吋虎蝦 $49 夠晒惹味，冬陰功汁的辣不算勁，但有後勁。蒜蓉燒原條茄子 $45燒茄子最能突出軟綿綿的茄子肉，起肉拌入蒜蓉，滋味不盡。汁燒豆腐

上星期同事在IG post 左一張好特別既相, 是粗口啤酒, 於是問他在哪裡飲的, 要跟朋友去打卡乾杯, hahaha! 餐廳在山林道, 地點都算很方便, 而且有室內室外各佔一半座位比例, 吸煙人仕可以訂外面吹水呢~~~ 我們才 7pm 左右坐下, 就經常見到客人 walk-in, 點知原來閒日都會 full book , 見到無數人打退堂鼓, 好彩我有習慣book 位同冇遲到 第一件事當然叫他們的獨家啤酒啦! 有6 款不同的港式粗口俾大家揀, 代表6 款不同味道, 試完後覺得老闆都幾細心, 捉摸到男女的會點粗口名的機率, 決定酒的味道 支裝手工啤酒  - 甜橘微辣 這個名一定女仕會點的機率多些, hahaha! 而味道是帶點花香很重, 帶有甜橘果香味而不真的辣, 很易入口, 而且酒精濃度只有 4.2%, 比一般啤酒的濃度為低! 很中我的口味 !  支裝手工啤酒 - 西柚回甘這個名又真的是男人點的機率多些! 所以味道跟 前者 有點不同, 濃烈重口味好多, 真的是男仕的口味! 啤酒第一口的西柚果香很香, 第二口就感覺到帶少少回甘及酒精濃度高好多, 有6%, 真的很適合男性市場 串酒里燒蠔

同幾個好姊好聚一堂食好西吹下水，所以決定黎呢間，因為又有得食有得啤啤佢，可以暢談既好地方。佢地最出名既手工粗口啤酒好特別，支支都唔同口味，甜酸辛辣都有，非常特顯到香港既文化，呢個主題真係好貼地。點菜時間：好多選擇，花多眼亂，真係樣樣都好想試，樣樣都好想點。我地都好鐘意食辣，所以好多串燒都叫左麻辣雞肉呀、麻辣雞腎呀、火辣牛丸等等等等，火辣牛丸真係好辣呀⋯⋯但食得好刺激。雞肉好滑，加上麻辣既口味，簡直係我既至愛！燒玉子真係好厚身，外脆內滑、甜甜滑滑既玉子真係食得人好開心鹽燒安格斯牛柳我個覺得點多幾串都唔怕多，因為太好食啦，叫一串係唔夠架，牛肉多汁嫩滑，唔會燒到好老，燒得好有水準。8吋虎蝦有六種口味，我地分別叫左剁椒、冬陰公、蒜蓉同埋黑松露既口味；隻隻虎蝦都大大隻，冬陰公蝦好入味啖啖肉好好食。蒜蓉扇貝都係大大隻好入味，一份兩隻都係$52，抵食又大隻，必點。仲有樣都係我心中必點既燒物，就係燒蠔啦⋯⋯好在我幾個好姊妹都係食蠔之人，所以我地點左燒蠔拼盤，一份9隻$198；九款口味都好特別好好食，有蒜蓉、車打芝士、剁椒、黑松露、冬陰公、生蛋燒蠔、芝心都有、泰式辣汁，最特別係魚香肉碎燒蠔；d燒蠔唔會腥

為了多些了解這位新相識兼是同屋主，今晚一於相約吃飯傾計。她常常去尖咀飲嘢，可以話係地膽，既然來到尖咀，當然由她安排吧！她喜歡飲啤酒，而我就喜歡吃，所以今晚就揀了一間又有得食又有得飲的串燒店。小店都幾隱蔽，位於山林道的一條小巷，幸好有一個搶眼的鮮紅色燈光招牌高高掛，較易發現。還未走進內裏，已見到一大塊特式手工啤的廣告牌，難怪她選擇這裏。走進內裏，已看到幾張高枱椅的露天座位。另一邊是室內用膳區，設有六七張二至四人枱張四人枱，地方小小，枱與枱之間較密，好適合包場開派對，夠晒熱鬧。店子以深啡色為主調，燈光柔和，採用木枱椅。牆身掛上寫了推介菜式的黑板和貼上雜誌的報導，而最搶眼就是貼在正中的特式手工啤海報。還未看點菜紙，同屋主就先order兩支獨家啤，共有六款口味，每款都有一個名字。她揀了一支香甜蜜糖味的【柒】支裝手工啤酒 ($68)和一支西柚回甘味的【門西】支裝手工啤酒 ($68)。雖然我不太懂喝啤酒，但為了慶祝新相識，一定要乾杯，Cheers!我個人就較喜歡【門西】支裝手工啤酒，有些西柚的清新味，挺特別；友人就覺得【柒】支裝手工啤酒 甜甜地，也不錯，但還是【門西】較特別，較好喝。無錯！先點定兩

好耐之前都黎食過架啦，今次再朋友黎食。係後巷入面，黎到記得抬頭望一望招牌。牆上有手工啤介紹，好！嗌返支試下！粗口手工啤，落order個陣都唔係咁好意思，好彩係自己剔menu啫！好多人都唔知手工啤係咩黎，其實同普通啤酒都好唔同，手工啤酒用新鮮同特定品種啤酒花，除左小麥大麥外，仲用獨有酵母發酵，味道濃郁之餘，仲可以加入唔同口味。每支粗口啤酒都唔同味，有興趣可以叫晒黎試啊！香燒燒魷魚釀糯米飯$89十分飽滿，加上鏗魚片，香上加香。札幌芝麻香燒餃子雞翼兩隻$49裡面個餡都幾特別，不過我唔太sure係咩黎，明太子？黑胡椒香燒雞翼兩隻$28雞亦燒得十分juicy~ 黑松露沙律醬薯條$49黑松露同沙律醬mix埋，我覺得口味反而互相抵銷左，變左個味唔特出。車打芝士燒扇貝兩隻$52超多芝士！！！芝空控必點！黃金蒜蓉燒扇貝兩隻$52同行朋友十分喜歡蒜蓉，冇得輸！惹味汁燒雞泡魚乾$49鹽燒厚切牛舌$59鹽燒安格斯牛柳粒$59好厚肉，如果再juicy d 就好啦！惹味汁燒豬大腸$38惹味魚香燒原條茄子$45好似魚香茄子咁，有D肉碎～香菇燒安格斯牛肉卷$59good！自家製惹味雞肉串$32黃金蒜蓉燒日本廣島蠔兩隻

這間位於山林道的串燒店都有名氣。不知不覺已來過多次，不過食物價格都直線上升，沒有從前那般實惠。店內不設套餐，全部都要散點。坐下先點兩支手工啤酒（各$68）。味道沒有太大驚喜，都是噱頭罷了。脆燒日本原條鰻魚（$49）燒得不太脆但調味不錯。惹味懷舊燒魷魚鬚（$39）有一大堆木魚絲，魷魚鬚只有數條，還是很細條那些。麻辣汁燒雞泡魚乾（$49）的麻辣汁下得太重手，愛好麻辣火鍋的我都覺得太辣。雞泡魚燒得香脆。秘製汁燒鮑魚（2隻）（$99）的汁味道特別，鮑魚不太有鮮甜味。黃金蒜蓉燒日本廣島蠔（2隻）($49) 份量算大，味道惹味中也比較正常，蠔身身肥美，味也算鮮。鹽燒厚切牛舌（$59）是比較清淡的一味，牛味還好但有點硬。香脆蜜糖燒粟米（$29）粒粒飽滿，蜜糖味恰當。黃金蒜蓉燒8吋虎蝦（$49/一隻）味道符合預期，不過似乎定價太高。冬蔭功汁燒扇貝（兩隻）（$52）的配搭頗為新穎，不過蓋過了扇貝本身的鮮味。日式汁燒BB露荀（$39）燒得太乾身，汁也太濃味。總括而言，大部份串燒都很濃味，比較適合「重口味」人仕。上菜時間約在20分鐘內，店員服務到位，收碟有效率。

看日劇看得多，一直很響往跟好友找間類似居酒屋的地方，吃串燒、喝啤酒。把我吸引來到山林道這間「串酒里」絕對是他們馳名的手工啤酒，愛喝啤酒的我，當然要來試試！走入山林道沒多久，便可看到這條小巷，走進去便是「串酒里」。喜歡食店的環境夠光、乾淨，洗手間也很好，這樣才不會影響食慾！我就是為了你們而來的，哇哈哈！朋友不太喝酒，我也不是酒量很好的人，所以只選了一支來試試。經店員介紹，較易入口的就是「9」這支，所以，我們試了！果然，易入口啊！熱愛吃海鮮，所以點了秘製汁燒鮑魚(2隻）$99，有點貴，但吃落啖啖肉，不會因為燒熟後而變得難咬，而且秘製汁也很香口啊！鹽燒松葉蟹腳$138，鹽味帶出海鮮的鮮味，好味！一份有150-170克，足夠兩個人吃囉！蒜蓉燒日本廣島蠔(2隻)$49，抵食啊！蠔大大隻，不會燒完變豉！愛蒜香的朋友，這個必點，好多蒜蓉，吃得好滿足呢！牛油鹽焗翡翠螺$58，一份有好多粒，每粒都啖啖肉，牛油好香，非常惹味！鹽燒頂級安格斯牛$49，夠肉汁，牛味也香脆燒日本鰻魚$49，香口，好想點一碗白飯啊！還有很多很多食物，不能盡錄。整體來說，這家店真的很不錯，特別喜歡串燒店有居酒屋的氣氛，可以盡情吃串

早已有留意這間位於山林道的串燒店，聞說是利用火山石燒技術鎖住肉汁，頗為特別，但一直未有機會嚐試。正好本月有朋友外國畢業回流，打算約出來聚聚，既可吃串燒，又可啤啤佢，就一於來試一下吧！餐廳位置其實有點難找，雖說山林道就是一條直直的大街，但這小店是在山林道的小小巷子來，難找就是因為地理位置實在不太起眼。餐廳有分室內及室外座位，空間有點小，室內大概只有十幾個位，配有木色調長枱長椅，但桌椅都很寬闊，所以坐得舒適，沒有侷促的感覺，絕對適合三五知己靜靜聊天。雙面而且印到滿滿的點餐紙看得我們太興奮了，食物多款多樣，即使是同一種食物也提供不同味道給客人選擇。當不知道選哪個時，好看看牆上掛著的黑板，有著數款是日推介。每一隻碟都有不同的花款，本人認同漂亮的餐具實在會為食物加分，食都食得開心啲。桌子上設有七味粉及孜然粉，讓客人自行加料。手工啤酒 $58除串燒外，手工啤酒也是此店主打之一，有多款選擇，如果味、朱古力味、咖啡味等等。手工啤酒有獨特酵母同新鮮啤酒花，比平時飲開的麥味更重，而且有點回甘的味道，夠晒特別。燒玉子 $32不是太推介，原本期望會有點將日本的燒玉子般帶甜味，雖有塗上蜜糖，但玉子口感一般，燒得