四川美味 (Closed)

📍葵廣 四川風味 葵廣有2間賣手工涼皮嘅舖，我同友人都鍾意食涼皮，所以試曬2間作比較😎呢間位於3/F人流最旺位置，係果汁店隔離，長期有人排隊買。𓇠 手工涼皮 $25 𓇠叫咗小辣，食落夠麻辣，但唔夠酸。配料有芫茜、炸黃豆、青瓜絲、豆乾、菜脯。呢間比較重口味，應該落咗唔少味精，食完有啲口渴👀📍 G/F 四川美味呢間係葵廣第一間賣涼皮嘅舖，位於地下，人流比較少。𓇠 手工涼皮$24 𓇠呢間無影到相😂但賣相係差唔多嘅～配料有豆卜、芫茜、炸黃豆、青瓜絲、豆乾。相比3/F個間，佢無咁多配料揀同無咁油，而且酸啲，較開胃😋〰️總結：個人比較鍾意 G/F 四川美味，兩間涼皮都好爽滑同掛汁，但四川美味調味無咁重口味，而且唔使排隊👀如果想有多啲配料選擇同鍾意重口味，建議食3/F四川風味。▪️類別：#yinkifoodie_葵廣 #yinkifoodie_noodles🔺味道：3.5/5（四川風味）4/5（四川美味）🔹服務：3.5/5🔸環境：3/5

葵廣有一間門口裝修不太起眼嘅小店連店名都未必能夠一眼看見但永遠店前總係有源源不絕嘅人龍同朋友之間嘅閒談 都係話不如買碗涼皮或者葵廣有間涼皮超級好食 我帶你去呀不過好小可會提及店名「四川美味」🤪🔖 手工涼皮涼皮滑捋捋 又涼浸浸 真係好岩夏天食呢( ´͈ ᵕ `͈ )♡店員會加入醋、糖、芝麻油、炸豌豆、芫荽等食得辣嘅可加辣 (小編平時要小辣) 一齊與涼皮撈勻晒 調味料睇落簡單 但就係會令你一試難忘 心掛掛以為就咁得涼皮好ᴅʀʏ? 其實本身仲配埋青瓜絲同滷豆乾 增加口感層次～

少少辣得黎 滑lulu又有彈性嘅嘅粉皮 配上香口嘅花生🥜同爽脆青瓜絲🥒一啖接一啖 係飽肚抵食之選🤤小編係澱粉控 表示好開心-This is a little spicy and fresh cold dish. The rice roll is elastic and smooth in texture, served with peanuts and cucumber strips. It is large in portion and should be a good choice if u want some street food tonget yourselves full up🥰-性價比：🤤🤤🤤🤤⚪️飽肚：🤤🤤🤤🤤⚪️味道：🤤🤤🤤🤤⚪️環境：🤤🤤⚪️⚪️⚪️（立食）服務：🤤🤤🤤🤤⚪️

🔅🔅🔅趁住放假當然去街逛下今日同朋友去左葵廣女孩子最愛商場之一美食好店全集一身慢慢掃街慢慢逛～🔸呢間小店位於三樓一行過已經見到人龍賣既都係四川風味小吃各式各樣麻辣燙涼拌粉面嗜辣既我睇到已經想流口水🔹<手工涼皮> 排隊之時聽到好多人都點呢款咁受歡迎應該質素不會差吧我們叫左小辣沒加其他送原來涼皮的份量都好多裡面有青瓜絲脆豆粒每塊涼皮薄得透光吃起來很滑嫩～麻麻辣辣好開胃😋🔸<麻辣豆腐串> 之前在大陸吃過難得係香港都食到豆腐全吸收了麻辣汁啖啖好煙韌滋味又過癮👍🏻🔅🔅🔅

葵涌廣場3樓嗰間涼皮真係好好味❤️已經係我第三次食！滑嘟嘟、大大塊嘅涼皮，加入鹽、醋、芝麻醬、辣椒油、青瓜絲、芫荽、葱等，酸酸辣辣，食落夠香口。加咗夫妻肺片，少許麻辣，好惹味😋😋

身為四川人，第一次品嘗在香港的四川美食。 這間位於葵涌廣場的「四川美食」是朋友一直推介的美食店。 更說每次經過的時候都排長龍，今日就來試試到底能不能滿足我的思鄉症。店內主要有兩位店員落單和製作食物。一位店員在製作食物時雖然有戴手套，但又會接單收錢；而另一位店員則沒有配戴手套就處理食物，可見衛生問題可作出改善。這間店鋪美食可說是應有盡有。說到經典四川美食，不外乎有夫妻肺片、口水雞。麵食就以涼皮、酸辣粉最為著名。而食物相片也是相當吸引，而且相片質素、清晰度高，讓客人能清楚看見食物賣相，可見在餐牌上都花了不少心思。因為尚未吃午餐的關係，加上聞到好香的四川涼拌味，實在餓到不得了，嘗試吃這間店的*手工涼皮*($25)。 這裡的涼皮比我想像中大碗，作為午餐剛好。配料多，有青瓜、花生、葱、蒜等。對了，我還加了豬耳（$8），$33午餐來說真的很抵食！再說說味道，醬汁微微的酸甜酸甜，加上點了小辣，十分開胃入味，令人忍不住不停吃另外口感甚佳，豬耳彈牙入味，青瓜爽脆，涼皮煙韌，很讚整體而言，四川美食非常值得光顧，喜歡吃四川食物和辣的朋友要試一試

葵廣多左好多川菜涼麵，每層都有幾間，如果要我每間都要試哂既話，係一件有難度既事，所以唯有睇人龍揀。今次呢間人龍好長，仲要有兩位保安做分流，店面光鮮，有一種乾淨感，所以決定試佢。手工涼皮涼皮基本配料有青瓜絲、芫茜碎、炸鷹嘴豆，之後再按辣度加入辣椒、蒜水等調味。我第一次食涼皮，所以唔知呢度既正唔正宗🤔，食落涼皮滑身，比坊間既大塊，不過由於係即撈即食既關係，味道偏淡，唔夠入味。我覺得如果即撈即食既話，食番麵條會好D，因為掛汁表面大，食落都濃味D麻辣燙一直都好中意食豆卜，所以當我見到呢度既豆卜不停係煲內翻滾，貎似好入味果陣，就忍唔住點左串。豆卜的確吸盡湯既精華，唔算太辣，不過略嫌唔夠麻；牛拍葉彈牙但無乜味，因為我點完之後職員先放入湯中煮熱

睇到呢間小店嘅菜色不算多，我記憶中係少過十種選擇，對於我呢種有選擇困難症嘅人嚟講，某程度上係福音我嘅最終選擇如下：片皮鴨。＄20一份有兩件，味道算中規中矩，皮唔算厚，餡料亦算足夠，一件片皮鴨裡面大概有2-3片鴨肉，仲食到鴨香添。而大葱，青瓜絲同埋鴨肉嘅比例平均，如果甜麵醬可以多番少少會更易入口就價錢來講都算抵食嘅，而且兩件嘅份量當下午茶來講都算唔錯。手工涼皮就相對做得比較出色。＄22一份，如果要配料嘅話，就需要額外加錢，咁我就加＄8要左一份雞絲。＄8有呢個份量嘅雞絲來講，都算係抵嘅但係一個淨涼皮要＄22我就覺得有啲偏貴如果涼皮嘅價錢能夠調低到＄17左右會更加合適。而雞絲涼皮嘅味道，整體來講我覺得相當唔錯。每條涼皮都沾得到調味料，入口惹味，花生亦夠香脆；雞絲方面，除咗分量足夠之外，味道都屬於合格之上，雞肉夠嫩滑，亦都無冰鮮雞嘅雪味要挑剔嘅係，食完呢兩款小食之後有啲口渴，但係我都明白冇辦法避免要落d味精去調味，呢方面係可以體諒。