滾爺火鍋 (金巴利道)

Open Now

Now Closed

餐廳環境寬敞，入門口仲有靚靚花牆及草泥馬作為打卡位，而內堂也設有多個卡位，最緊要用餐時唔會有壓迫感😊 1️⃣ 我哋二人叫咗個招牌椰子雞鍋，用料無揸留灘，倒哂兩個大椰青水同椰肉，再落埋出名皮脆肉嫩的文昌雞，加埋用沙漏在水滾後計時，時間恰度適中，打開蓋時椰香撲鼻，令人食指大動。2️⃣ 牛肩胛肥瘦比例剛好，只需淥幾秒時間一轉色時就要撈起入口，肉香肥美，牛味沖天。3️⃣ 新鮮第一刀豬肉片薄薄切出，增加快熟感，肉質扎實，沒有肥肉膩感，但要小心容易過火變柴。4️⃣ 手打四寶丸口感並不是太Q彈，但味道濃厚，似新鮮手打出來。5️⃣ 皇帝菜留待最後淥一淥，吸收哂其他食材的精華，入口郁香同帶點椰香，不失作為打邊爐完美結尾。

呢幾日夜晚凍返，即刻又想打邊爐😂 今日去開尖沙咀試吓之前bookmark咗嘅呢間！位置喺婚紗街，門口招牌大大個唔難搵～ 行落一層嘅地牢，有卡位坐，私隱度都幾高，坐得舒服，仲有部電視睇😂 啱晒一路打邊爐一路等啲嘢滾～ 叫咗呢幾樣：#鴛鴦鍋 （麻辣+芫荽皮蛋 ） $168勁多皮蛋，仲要大大粒粒，唔怕滾滾吓唔見晒！我食咗好多粒😂豆腐仲好滑添～另一半嘅麻辣好香，麻得嚟唔會過分辣👍 啱我食#Choice級美國安格斯牛肩胛 $228上檯賣相好靚，有仙氣飄出嚟，打卡一流。個牛肥瘦適中，唔錯～#手打四寶丸 $88一碟有齊 #牛丸、 #鯪魚丸、 #蝦丸 、 #墨魚丸爽口彈牙，手打係唔同啲，每樣兩粒兩個人share啱啱好另外叫咗 #冰鮮魚皮餃八粒 $48 ， #皇帝菜 $38，仲有打邊爐覺得熱氣，要整返兩罐 #王老吉 $18/罐 飲吓😂呢間火鍋位置方便，坐得舒服，推薦手打丸！

最近無意中發現呢間火鍋好高質，好適合一班朋友去聚會🥰我地點左一個有招牌椰子雞鍋嘅 2 人餐，配料包括美國安格斯牛板眼、兩隻大元貝、脆鯇骨腩、手打四寶丸、雲吞、皇帝菜、紫菜響鈴及烏冬🍲呢個半隻雞嘅椰子雞鍋超高質又特別！店員會將四個椰子嘅椰水倒落鍋中同雞一齊滾，煲滾再焗五分鐘後就可以先飲湯同食雞，呢個時候嘅湯好清甜但唔膩，雞肉包括雞胸肉都好嫰滑，食完一件又一件食唔停😋 非常推介呢個湯底👍🏻食完雞之後就可以加埋雞湯打邊爐，呢個時候碗湯嘅鮮味又多左啲層次☺️ 配料之中我最欣賞係元貝、脆鯇骨腩同手打四寶丸。元貝好新鮮，其中有一隻我放落鍋之後好耐，唔記得左時間撈起🤣點知食落都仲係爽口而且鮮甜😌 而脆鯇骨腩相當爽脆，絕對交足料👍🏻值得一讚係部份卡位有私家電視，邊食邊睇電視超正🤭 而且店員服務有禮細心👍🏻臨走見佢有 VIP 房，下次要再同班朋友來食椰子雞鍋☺️