火薈中日火鍋

Open Now

Now Closed

今日行到花園街附近，見到附近環境好靜，居然有間火鍋店門面好似幾高級就同朋友上去試吓先，上到去見貼滿明星相，但內裏好似冇乜客但都已行左上來，食過唔好食最多冇下次睇地方都幾大，環境幾寧靜，適合一路食一路傾，如果想多d私穩可以坐入房，因見到可能係食店d朋友或熟客都係坐晒入房。我哋叫左個：海龍皇濃湯鍋、極上本地手切鮮牛肉、手打四寶丸、雙拼餃、鹿兒島黑毛豬、即炸響鈴、皇帝菜和萵荀件。另外，係未有得食火鍋前叫左兩個送酒小食醫吓肚，呢兩個係：酥炸黑松露餃和老友鬼鬼。酥炸黑松露餃：熱辣辣好脆，但黑松露味唔夠濃老友鬼鬼：炸得好脆蝦膠好彈牙海龍皇濃湯鍋：湯底有（大肉蟹、海蝦、大蜆、火箭魷魚）加埋雜菇和蕃茄濃湯一齊，個味道係幾好但覺得呢個價錢，海鮮既份量就唔係幾夠極上本地手切鮮牛肉：鮮牛肉味道係唔同d，牛味特別濃d手打四寶丸：蝦、豬、牛、墨魚四款，入口都幾爽口彈牙雙拼餃：我哋選左雲吞和韮菜，大大隻餡料十足鹿兒島黑毛豬：口感嫩滑，豬味濃即炸響鈴：新鮮即炸，薄而脆，冇油膉味食完呢餐我覺得環境適合大家靜靜地詳談，因為坐左好耐都冇乜客，可能地點偏辟d，另外覺得食物味道可以，不過有d食物價錢和分量就好似少d。

有朋友推介喺太子嘅呢間火鍋店打邊爐 ，咁啱今日天氣天陰陰又涼涼地，最啱去打邊爐暖下胃。店舖面積唔算太大，但裝修十分精緻。見到Menu有十幾款湯底同埋幾十款食物選擇，目不暇給，好多野都想食。1) 牡丹蝦刺身 (⭐⭐⭐⭐⭐):老闆力推，蝦肉間瑩剔透，食落親滿鮮味，要啜埋蝦頭嘅汁先夠滋味！食完前菜，就梗係要入正題打邊爐啦！我哋揀咗沙嗲湯底，香香辣辣先夠惹味。2) 手打四寶丸 (⭐⭐⭐⭐⭐):一個推介嘅菜式就係手打四寶丸，入面有貢丸蝦丸牛丸同墨魚丸，每樣有三粒。我最鍾意嘅就係墨魚丸，大粒得嚟又彈牙咪而且夠味道。好少喺打邊爐食到咁高質嘅墨魚丸。3) 黑松露蝦丸 (⭐⭐⭐⭐⭐):除咗四寶丸之外，我哋亦點咗黑松露蝦丸，第一啖先有充滿黑松露嘅香味，然後咬落釀喺丸入面嘅原隻蝦肉，即刻增添鮮蝦味，簡直係味覺嘅一大享受。4) 唐生菜 (⭐⭐⭐⭐💢):打邊爐亦都唔少得蔬菜類，我哋點咗唐生菜，菜好新鮮，仲有少少香甜嘅味道。開胃得嚟又可以中和返火鍋嘅熱氣，適合健康一族。5) 讚岐烏冬 (⭐⭐⭐⭐💢):最後我哋叫咗店舖推介嘅讚岐烏冬，烏冬本身夠爽口彈牙，再加上吸收晒精華嘅沙嗲湯底，為呢餐畫上完美嘅句號。呢餐每人大概

隨從放假放到悶悶地，話想約出黎打過邊邊吹下水，跟住仲喺火薈Book埋張枱，於是乎朕就出巡太子，去到火薈同隨從們打過邊邊吹吹水！上到去未曾坐低，隨從己經急不及待叫店小二拿酒來解解渴，而朕就坐低睇下Menu先！朕問隨從有咩推介，佢就話想要海龍皇濃湯鍋，而朕就有啲餓，於是就叫左啲小食酥炸黑松露餃同埋老友鬼鬼，而極上本地手切鮮牛肉就緊係唔小得啦，跟手叫埋個手打四寶丸同埋黃帝菜！首先上枱既係小食酥炸黑松露餃，餃皮炸到金黃香脆，食落有重重既黑松露味，小食餸酒一流！老友鬼鬼又係佐酒小食，老友鬼鬼炸到鬼咁彈牙，再喺上面加上蟹籽，有多一重層次，再配埋冰凍既啤酒，無得輸！跟住到海龍皇濃湯鍋，等朕睇過有幾濃＞·＜呢個海龍皇濃湯鍋有鮮海蝦，有蟹有蜆，仲有火箭魷魚，嗰啖湯朕試過，都真係好有鮮味！打邊邊不可少既就當然有牛肉啦，而朕就最鍾意極上本地手切鮮牛肉，牛肉新鮮彈牙又有牛味，真係多多都食得哂，加埋個手打四寶丸就完滿喇！－－－－－－完－－－－－－

今日行完花墟去揾嘢食，見天氣涼涼地就決定打邊爐，行吓行吓見到呢間就入去試試雖然餐廳係閣樓，但地下門口都唔細㗎！上到去我地係第一枱客，因為我地太早喇😅有卡位又有房，如果想private D 可以book 房打邊爐。最開心就係呢度半開放，唔駛冷氣，吹吓自然風，又可以望下街，真係唔錯嘢食嚟之前就梗係混下醬先啦好鍾意呢個煱，清清地，蛤蜊冇沙，冬瓜又可以食番好有牛味，厚度亦好適中睇落portion 唔多，但打開塊肉原來好大塊好彈牙，好香墨魚味未食過咁大粒嘅雲吞，同傳統嗰D好唔同，裡面仲有好大隻蝦添。韮菜餃冇平時食開嘅咁多韮菜，但味道ok出街打邊爐最好係有手打丸，因為係屋企好少食到。呢到嘅手打丸好大粒，好彈牙。最surprise 係我竟然可以見到成隻蝦係粒丸到，好足料烚下烚下唔經唔覺已經兩個鐘，今餐食得好開心