大公別館

Open Now

Now Closed

又是每月一餐的時候，Happy Friday，又好耐冇見，大家食好啲，友人揀左大公館/大公別館，中菜館，見好多人食小菜，但比手工火鍋吸引，一於齊齊打邊爐。門面，灰磚牆及紅門，中式之感。內堂面積頗大，裝潢古色古香之中帶有西式的風格，中西合璧，設有多間貴賓房，我地入其中一間，感覺雅緻，設有酒吧位，有空間感，坐得舒適。混醬又出現~都幾多款。油碟每位，$15。茶芥每位，$23。餐牌，初到貴境，就試下滋補養生的花膠濃湯雞鍋，及人氣推介。陳皮化梅梳打(瓶)，$88，酸酸甜甜清爽之感。花膠濃湯雞鍋，$298。金黃色的湯底，湯頭味道濃郁鮮甜，花膠爽滑，十分足料!鮮雞，肉質嫩滑。本地新鮮牛肉-牛頸脊，$268，肉質鮮嫩，口感爽滑牛味濃，美味。西班牙黑毛豬腩片，$208，擺盤精緻的玫瑰，黑毛豬腩片口感軟滑，味道甘香。招牌四寶丸，$128，自家製，有8粒共4款口味，脆骨烏雞丸、XO醬豬肉丸、芫荽牛肉丸及芝心墨魚丸，試了脆骨烏雞丸，口感札實，有粒粒的脆骨，都幾美味。新鮮紫淮山，$48，個賣相好靚，口感黏滑鲜爽。台灣鴨血，$58，口感滑溜。手打魚腐，$48，好大粒圓碌碌的手打魚腐，因為錄得太耐好大粒，食落口感軟

位於D2 Phase一期10樓既大公別館，就在🚇荔枝角站D2出口，行左5️⃣分鐘唔駛，好方便就去到。去到唔駛煩，叫左個火鍋set，湯底一邊辣，一邊唔辣，肉就係兩款牛肉 - 本地牛&美國和牛、四寶丸、鮑魚雞粒餃，手打魚腐；菜就有唐生菜、千層枝竹、豆腐紙、淮山麵；甜品就係金箔芝麻卷。另外，仲點左菊花茶，解油膩啱晒。牛肉係真心好嫩，好好食，所以四個人係唔太夠食呢 四寶丸顏色算豐富，同樣地，如果可以每人一粒就好啦手打魚腐同鮑魚雞粒餃都好味，餡料都足。✨✨而最為我地欣賞係豆腐紙同淮山麵，口感好正🌟；淮山麵好爽口🌟；時蔬係唐生菜，睇得出佢地係有心揀過既，但份量就似一人量😅千層枝竹在其他地方無食過，所以呢個好特，好多層，不過要煮耐d先可以食。😽金箔芝麻卷就係貴氣，大家睇相都一定感受到啦😆最後埋單人均$400左右。

呢到任何食物都係非常新鮮, 口感獨特, 食得出真味道😋😋！真係要大大力推介👍👍。首先，枱上迎接我們這一家既係一張ＳＥＴ到好高貴既枱，再放咗一盒9個非常精緻既陶瓷醬料瓶。當中令我愛上💖咗佢👉＂黃椒醬＂—　香、辛、甜、醒胃。愛醬既我又要去入貨了！（希望買到同佢一樣咁好味架啦！）川屬痳辣鍋 (小辣): 好鍾意呢啲有漢方中藥既痳辣味道😍，唔係得層辣油係面果種👍；辣方面我哋要咗小辣，鍋內仲有好多大大片既鴨血添呀🥰！超正💯！美國極黑和牛封門柳矜貴啲叫咗個和牛封門柳，肉身比平時打邊爐叫開既牛頸脊腍，睇落脂肪少啲，牛味都係咁濃，都值得食😋手打魚腐:未食過咁滑捋捋既魚腐, 質感好似輕飄飄既”包仔”豆腐, 佢都可以吸到湯鍋既味,烚耐啲都唔怕, 真係滑得好緊要!😉豆腐紙: 外表平平無奇的豆腐紙（差啲以為佢係餐巾🤣）, 滾兩滾就食得, 係超好味, 豆味香濃, 質感薄而滑, 係一款食不停既火鍋新食品😋😋金箔懷舊芝痳卷: 打邊邊竟然有中式甜品叫, 佢既軟腍腍同非常香濃既芝痳味令我對芝痳卷大大改觀, 原來芝麻卷可以咁好食🥰！人人讚既芝痳卷都有食過, 通常都係小小爽口同有淡淡優香, 對我黎講唔係好大興趣, 但呢到既芝

今晚約左荔枝角返工嘅frd 食飯，發現之前黎過食高質中菜嘅大公館開左間別館做火鍋，即刻好想黎試下，睇下有無中菜一樣咁正。個場有d 高級私竇feel，有酒吧，座位好闊落。醬料都幾吸引，最正有炸蒜，沙茶醬勁香，仲有好少見嘅自制香蔥油，醬料開始已經有驚喜。叫左麻辣鍋同花膠濃湯雞鍋，個湯頭真係超香濃鮮味，每人先飲返2碗，花膠好足料，雞肉好嫩滑，非常推薦。封門柳肉質比較嫩，肉紋分明，近肝臟位置所以有香濃嘅肉香，打邊爐很適合。手打魚腐望落平平無奇，但食落就有驚喜，好似食緊棉花糖咁嘅口感，彈牙嫩滑，食多2舊都得。原隻醉雞，花鵰味香，夠入味，雞肉鮮嫩彈牙。仲有一輪蔬菜同豆品大戰，最後黎個爽滑淮山麵，吸哂湯汁精華，撈香蔥油黎食真係飽到癲。甜品試左椰香雪芭，好有椰奶香味，份量唔少，2個人share 1 個都無問題。整體黎講真係高質邊爐，仲見到隔離枱開左條象拔蚌刺身，真係流哂口水，出bonus 個時要再黎豪一次