巴依餐廳

Open Now

Now Closed

一年前嚟過一次，嗰次阿哥話帶我嚟試新嘢，其實對佢嚟講一啲都唔新，因為佢自己就幫襯咗好多年。佢話老闆娘去新疆旅行識咗個當地人，即係而家嘅老闆，千里姻緣從這開始。佢話嚟呢度一定要食手抓羊，今次我哋當然都有order啦。不過如果怕羊肉嘅「蘇」味，同埋怕「漏」，咁最好就同人share －塊，因為好大塊。我哋今次仲試咗洋蔥羊肉飯同京蔥羊肉飯。京蔥嗰個好食啲。😋 平時我都唔係好食內臟，今日阿哥點咗個羊雜湯，羊肝切得好薄，連乜肝都唔鍾意食嘅我，都覺得好okay。雖然$150都值得一試。有湯、有肉又有飯，加埋個炒菜就perfect啦！個菜雖然肥咗少少，但係好有回鍋肉入面啲菜嘅風味，好食。最後我哋試咗新嘅甜品：酸奶涼糕，本來想一人一份，好彩店員話都好大份，同埋有糯米，應該唔使一人一份，於是叫咗一份試吓。果然係好大份。😅呢個超好食😋😋，值得推介，之前阿哥話酸奶啲味好怪，不過今日連佢都讃好。👍🏼👍🏼

新疆菜喺香港嘅選擇唔多，其中最威威之一就一定係 巴依餐廳，之前連續九年攞到米芝蓮推介，主打羊肉料理，身為「羊魔」梗係要去試試佢。餐廳唔算好大，好彩有訂枱，我地坐低無幾耐已經全場爆滿喇，留意返，佢地嘅「烤羊腿」係需要預訂先有，訂枱嘅時候記得訂埋呀～ 先嚟上左兩個菜先，熗苞菜，一道好常見嘅家常菜，爽口辣辣地非常開胃。 新疆老虎菜，本身以為咩係 老虎菜 個名咁勁，原來 老虎菜 即係 東北菜沙律 嘅意思，將唔同嘅蔬菜切絲撈埋嘅涼菜，亦係另一個東北常見嘅家常菜。洋蔥嘅微辣，醋嘅酸度，青瓜嘅爽甜，加埋晒食落又係非常開胃。再嚟 手抓羊，大大串羊肉，首先留意返， 佢一份係兩串，我地叫左兩份所以先係四串。 一上枱已經聞到勁香羊味，細細粒咁一口一口羊肉 非常之爽。 蘸埋佢啲香料，東北菜嘅味道就更加強烈。主角 烤羊腿 出場喇～ 一大盤嘅羊肉，下面係有連埋條骨，如果鍾意食羊的話一個人劈晒成盤應該無乜問題，肉非常香，個皮都好香口，但係調味上，其實同啱啱食完嘅手抓羊 都幾似。見到隔離枱叫，又叫埋個「羊肉薄皮包子」，佢一份，係15 隻！！ 如果人唔多想食就真係要三思，佢真係幾薄皮，所以好易一夾就穿，味道方面，其實佢

自從三年前去過北彊旅行就一直對新疆烤羊念念不忘。巴依係一間我嚮往嘅餐廳，難得週末有時間，於是就一家四個羊痴齊齊去食羊肉一嚐心願。Dinner 訂咗七點半，去到時餐廳外已經有好多人等位，而且講普通話嘅人居多，相信係因為香港人對羊嘅接受程度不及國內同胞高。畢竟係米芝蓮推介嘅餐廳，如果冇訂位都唔使旨意等得到位。餐牌上嘅選擇唔多，價錢亦都非常親民。我哋訂位時已經預留烤羊腿。因為鍾意食羊，侍應亦都介紹手抓羊同羊湯，四個人食其實已經非常足夠，但係難得嚟到呢間餐廳，梗係會試其他菜式，於是乎就要咗涼拌豆腐，酸辣土豆絲等。我老公話冇米飯唔得，所以仲嗌埋新疆拌麵，飲品方面我哋就要咗三杯酸奶。第一道上嘅係涼拌豆腐。嘩，好好味呀！呢個豆腐刀工好，加埋皮蛋同榨菜絲，味道一流。跟住上嘅係我哋期待已久嘅烤羊腿。真係唔知點樣形容嗰個好食法-啲羊腿非常脆皮，羊肉極之好味，沾上孜然粉，完全係新疆嘅味道。下一道上嘅係手抓羊，其實就係原汁原味嘅羊肉。大大件羊肉對於我哋啲羊痴嚟講，睇到就開心，當然亦都充份滿足咗我哋的口慾。只係因為有個對比，所以覺得都係烤羊腿好食啲，下次再來就唔會兩樣餸一齊嗌，今次係我哋太貪心了，所以有少少失策

今次補番1月既食評每年一月, 我都會同一眾食食食好友舉辦一次烤全羊活動, 今次人材濟濟, 相約50位朋友一起到西環水街巴依餐廳包場活動!提下大家, 若果想食烤全羊, 當然要預訂位同留食物, 烤全羊係超大隻既, 老板娘話要睇來貨, 一般25至40幾磅不等. 不計食其它餸菜. 一隻25磅既羊都要17 18 人先食得哂, 所以大家約人數要留意!講番環境, 係有新疆既感覺, 除左有一張張吾同雜誌介紹巴依既海報外, 仲會有一塊好大既絨布裏面繡左近新疆既地圖, 制作精美, 場同柱之外亦會有一D曬乾左既粟米同洋葱做裝飾, 氣氛不錯, 坐位都是一張張木製既長枱同長櫈, 感覺良好.不過冷氣吾夠, 若果夏天去可能有少少熱老板娘都有心機解釋每味餸既特別, 同不是會同作為搞手既我吹水.其實待應亦都有禮價錢方面: 羊斷磅計, 一磅100蚊. 而小食好似青瓜之類大慨在40至50蚊, 正常餸菜例如手撕雞, 手抓羊大慨60至80蚊, 都算平食物方面:由於今年4X磅大羊冇, 所以叫左兩隻2X磅羊兩隻羊需要兩個壯丁先拎到出黎, 場面裝觀,傳來陣陣羊SO 味且吾同既香料味, 令人流口水!你可見到羊身燒到金黃而且睇得出皮十分