Via Tokyo (Closed)

自從上年食過via tokyo既刨冰之後就一直念念不忘今年一到夏天又黎食過啦🥰用睇就已經覺得好濃抹茶味啦佢特別既係唔係只係普通既抹茶冰入面係有白玉架 上面仲有抹茶忌廉好靚又好食🥰

食完霸嗎拉麵未夠飽，仲想食甜品，諗起Via Tokyo就喺附近🤓 尖沙咀分店開左之後唔使去到銅鑼灣都食到，好方便！夏天梗係食凍野消消暑首先嗌左厥餅焙茶雪糕，雪糕一如以往既好味，不過比起抹茶味好似甜左少少。兩粒抹茶厥餅唔煙韌，茶匠清水一芳園既出色好多🙁Via Tokyo近排出左日式刨冰，當日有士多啤梨/焦糖忌廉/抹茶/焙茶，仲有季節限定既櫻花味！感覺都係叫番Signature抹茶味最穩陣，結果冇揀錯，真係好好食最頂有海量抺茶忌廉，同抺茶味濃既刨冰一齊食，滿口都係幸福既感覺😍食到底仲有紅豆蓉，旁邊既白玉都好煙韌。唯一要小心既係刨冰好易倒塌😂同另一日本刨冰專門店shari-shari比較，覺得shari-shari既刨冰好食D，但via tokyo既抺茶味冇得輸呢。值得一試！

知道尖沙叼開分店後, 方便左, 所以一定黎食啦. 條龍都唔算長, 都幾個人排, 好快就可以入座.店內裝修好日式感覺, 而且服務態度友善. 連排我前面既日本遊客都吸引到, 應該不錯吧.抹茶刨冰 （$75）：當日天氣都凍凍地, 但呢個限定抹茶刨冰幾凍都要試啦.好大座冰山, 個分量係好多, 2個人先食得哂.面層有特濃抹茶打成既泡沫, 同刨冰一樣極輕盈.有少少甘味, 反而個抹茶味估唔到甘濃. 入口即溶到好似飲緊凍既抹茶espresso中層仲有大大粒紅豆, 夠哂粉軟香甜. 底層係有濃抹茶糖醬, 唔太甜, 圍邊見到甘深既抹茶糖醬就知幾重味, 食到最尾都唔怕口淡淡.生果抹茶雪糕白玉蜜餡 （$54）：呢款就係咩都有既, 友人第1次食, 所以我推介佢食呢個. 另外我第1次食既係3色雪糕個款. 同樣可以試到多款口味.有新鮮草莓, 香蕉, 奇異果, 仲有白玉煙韌好咬, 紅豆蜜餡比較甜, MOCHI 都好有彈性.不過我覺得最正都係佢地既抹茶軟雪糕. 厚身軟滑又濃郁抹茶味, 冇得輸.

一向都是via tokyo的擁躉，終於在尖沙咀開了分店怎可以不捧場～話明是尖沙咀限定當然要試刨冰啦。焙茶刨冰 ($75)刨冰的部份淋上了特製焙茶糖漿，以焙茶茶葉沖的茶注入糖漿調製而成，所以味道比較甘香清純，就好像飲緊冰凍的焙茶一樣，非常清新解渴。刨冰質感好綿好幼細，沒有未刨碎的冰塊。而espuma (泡沫) 的部份則以焙茶粉調製，所以味道較濃郁且帶點苦澀。口感綿滑厚身，更會食到粉沫的質感。兩者產生甘甜及苦澀的對比，卻沒有一點違和感，食到底更有紅豆，紅豆好甜好好食，跟焙茶襯到絕！抹茶刨冰 ($75)刨冰外層淋上抹茶糖漿，用匙羹一舀發現入面另有啡色糖漿，問老闆得知原來是他們自家製、用不同材料blend成的糖漿，味道顏色都似黑糖。食一啖就嘗到抹茶的清澀味及特製糖漿的香甜味，刨冰質感幼細，非常好食。表面淋上抹茶espuma，質感沒焙茶的厚身，但一樣creamy回甘。兩款刨冰都超好食！