榕基滷水專門店 1992

Open Now

Now Closed

#大埔搵食 同屋企人一齊放假，所以打算chill住去大埔墟買菜，買菜前當然要填飽個肚仔先😌所以就去左成日排長龍的榕基滷水店，食下打冷嘢。因為店入面位置有限，我去個陣已經好多人，所以舖頭入面真係唔方便影；位置就係普通茶記位，大家又唔需要擔心係D街邊檔形式。舖頭都好乾淨，衛生程度唔錯，侍應都多，一坐低就比QR code點單，所以一定唔需要等好耐。我地order左兩份全日套餐，分別係招牌滷水獅頭鵝一份，另外一份就係香烤焦糖豬頸肉配秘制酸辣汁。獅頭鵝就一如既往的好，肉質好入味，唔會咬唔開！配埋鵝油撈麵，相當正！香烤焦糖豬頸肉配秘制酸辣汁相當有驚喜，份量都叫做OK；但係個豬頸肉加蜜糖烤到相當脆皮，甜得來唔會太膩，超級好食！加埋個酸辣汁，咁感覺仲好有D泰式感覺！此外我地仲額外叫多左份墨魚，相當爽口，脆卜卜！推介大家試下依間榕基滷水店🥰#榕基滷水專門店1992（大埔）📍大埔廣福道97-99號地舖

睇外表望唔到滷水嘢真係唔似一間潮州舖行近啲睇擺出黎嘅滷水又幾吸引，open kitchen部分都算乾淨，唔似傳統果種舊舊感覺，餐廳淺色木調風格同滷水店截然不同，似去左台灣新派果種小店多啲招牌滷水獅頭鵝 配 鮮鵝油撈麵獅頭鵝滷等幾入味，食完唔會口乾，肉質唔會鞋，幾有鵝香，鵝油撈麵有啲似台式撈麵，有鵝油都唔會太油膩，配埋個湯一乾一濕幾好，同埋出面應該好少有鵝油撈，幾特別滷鵝腸 &鮮墨魚鐘意佢啲小食係可以每樣小小咁嗌，唔會限定你幾併咁樣，可以試多幾樣嘢滷鵝腸幾爽口，亦清潔得乾淨，咸香度岩岩好鮮墨魚新鮮彈牙唔錯

你滷味 咁精緻都有嘅(≖‿ゝ≖)✧木系風❗️日式定食托盤❗️竟然可以係一間滷水店見到🔹招牌滷水獅頭鵝🔹 $65先講主角，一小碟看似份量細 其實有兩層🙊，骨位都係得兩三件，份量蠻良心的#鵝肉 偏瘦但唔乾零痴牙，帶輕微鵝膻味。皮下脂肪好薄，但依然咬到鵝皮嘅脂香可以話係皮香肉嫩，只係肥鵝愛好者就唔適合了～小編就覺得身為一隻🦆都係肥返啲，同肉味濃返啲好，要不然就冇咗食鵝嘅意義#撈麵 食得出鵝油香，幾特別 出面未食過嘅味道不過建議落得少少油都唔怕🤏🏻，咁就再突出啲impressed啲另外都可以令個麵冇咁乾，宜家成餅野 食落口唔順滑，略嫌晒咗佢個彈牙麵質一旁餸麵配嘅雞湯好清，唔係就咁比淥麵水你，有心機嘅味道可以加辣 而辣油可以另上🌶️，自行加少少 層次豐富咗🤗

有留意milmilk訪問應該對榕基滷水唔陌生以前喺廣福道細舖而家搬左大舖闊落好多人流都多咗好多吸引既地方是鋪面好光猛整齊食物用木盤小碟上似日式定食.🍖原隻鵝脾 $𝟳𝟴.🍗招牌滷水獅頭鵝 $𝟲𝟯.🍗鵝片拼豆腐 $𝟳𝟯.跟餐+鮮鵝油撈麵跟餐+家鄉甜酸菜..第一次去建議叫原隻鵝脾啖啖肉又夠滑而且滷得好入味其實獅頭鵝/鵝片拼豆腐水準都好高不過原隻鵝脾份量多啲感覺上抵食啲.另外可選白飯/湯麵/撈麵做主食極度強烈推介鮮鵝油撈麵呢碗麵加辣椒油真係超好食辣椒油好香而且辣度適中麵條煮得爽口撈埋鵝油成件事好夾.小碟既甜酸菜好爽口酸酸甜甜都幾開胃

喺香港好難喺一般食店食到獅頭鵝.獅頭鵝一般都是大隻.經常在潮州滷水店會遇見.獅頭鵝銷售價會比較昂貴及重量計算.平民食多是滷水鴨居多.鵝肉比鴨肉厚身厚肉.鴨肉比較薄身.當然鵝肉好食過鴨肉.最近聽聞大埔開咗間滷水鵝專門店.味道都唔錯.今日決定由遠方到來一試.為咗被開午市人潮.立意在下午二時前才到達.在門外排隊時.見有好多人外賣取走.喺櫥窗睇到掛喺度同方間啲獅頭鵝比較細隻.在門口等咗10分鐘左右便可入座.入座用劃餐牌點餐.劃上選餐主食.再選擇手工雞湯麵或鵝油撈麵.最後選擇小食.小食有醃青瓜/醃蘿蔔/家鄉甜酸菜/魚仔花生任選一項。點餐如下：1. 招牌滷水獅頭鵝.鮮鵝油撈麵.魚仔花生.X1 $63元2. 滷水豬手.手工雞湯麵.家鄉甜酸菜. X1 $49元總食評有👍👍👍👍👍今次食評有👍👍👍👍👍再值得加許小小插曲.話說有個大著肚子孕婦.在門外面等候排隊.店員能夠讓其跳籌入座及安排適當位置就坐！❤️❤️❤️.