牛精皇

Open Now

Now Closed

到牛精皇打邊爐🫕，位於九龍城福佬村道60號地舖。 朋友之前食過覺得唔錯，所以今次帶我哋過嚟食。 我們訂了房，所以私隱度高。 當晚我哋點了的菜式📋， 有象拔蚌刺身$988、極上牛肉刺身$228、招牌牛精鍋$200、 頂級手切安格斯雪花肥牛$258、 桂花蚌$128、 廣島蠔$108、紐西蘭羊肉片$88、 跳舞田雞$88、 黑牛柏葉$48、 精選手打四寶丸$108、 即炸紫菜響鈴$68、 皇帝菜$48、超甜粟米$38、 鴨血$48、 鳳城水餃$58、 蝦鬼鬥墨鬼$78、 蓮藕片$38、水魷$48、 順德魚腐$48、出前一丁$30、酸薑皮蛋$38、 炸魚片頭$58、咸檸七$174。 📍講下我比較喜歡的 ： 象拔蚌刺身，鮮甜新鮮。牛肉刺身味道濃郁，唔係好多地方有得食。安格斯雪花肥牛第一碟嚟嘅時候口感非常硬，後來店員換了第二碟，肉質好咗好多。 羊肉片配送腐乳，非常貼心。 田雞啖啖肉， 肥美新鮮。 📍唔好食嘅有 ： 黑牛柏葉的口感非常硬，即炸紫菜響鈴沒有鬆化的口感。 至於其他菜式就正常發揮， 性價比唔算好高，但下次都會為咗食牛肉刺身而來😊。🏷️溫馨提示～ 整個用餐體驗均屬個人分享意見， 只作參考😊。

天氣轉涼，窩夫與蝦子餅是時候出動去吃火鍋。第一次光顧九龍城的「牛精皇」。去「牛精皇」當然要吃牛，不知道該選哪些部位，可參考牆上的圖。牛肉以外還有生猛海鮮。火鍋湯底多達16款。窩夫與蝦子餅選了招牌牛精鍋($208)，一看便知湯底濃郁，是熟悉的牛什味道，香濃但不太鹹。職員在客人面前將金錢牛肚、牛尾、牛腩、牛孖筋和牛膀加入湯內。金錢牛肚爽口，牛腩夠腍，牛孖筋軟硬適中，跟牛尾一樣膠質豐富。精選手打四寶丸($108)有齊墨丸、蝦丸、鯪魚丸和牛丸，最推介蝦丸，好像在吃蝦餃的饀，一試難忘。牛骨髓(半份$48)又白又滑，蝦子餅讚不絕口。豬肺(半份$28)處理得非常妥當，又爽又滑。特選牛脷(半份$58)口感爽脆，牛味濃。海鮮盛盒(二人份$298)有六款廚師推介的時令海鮮，當晚有鮑魚、蟶子皇、沙白、海蝦、貴妃蚌和元貝。鮑魚上桌時還會動的，非常生猛。全部海鮮都新鮮高質，窩夫與蝦子餅最愛鮮甜無比的貴妃蚌。蔬菜方面，點了油麥菜(半份$20)，翠綠新鮮。即炸紫菜響鈴(半份$38)將腐皮和紫菜一起卷起來炸，口感和味道比一般響鈴豐富，值得一試。對「牛精皇」的本地手切肥牛期望甚高，點了半份頸脊($198)，絕對沒有令人

一直以來, 知道九龍城最多泰國餐廳, 除此之外, 也有不少火鍋店. 早前便去了位於九龍城的牛精皇食飯. 一見到個名, 就知道這裡食牛的款式出名. 這裡除了一般火鍋湯底外, 也有一些特式湯底. 愛食牛的我, 當然選了招牌牛精鍋. 當中包括了金錢牛肚, 牛肺, 牛膀, 牛孖筋, 牛尾和牛腩. 可以話一次過滿足晒愛食牛各部份的我. 店員先奉上湯底和湯底材料, 再在客人面前放入湯裡. 直到滾起, 便可以先食一些材料. 牛肺和牛膀夠腍身, 吸收了湯, 單食也好味. 牛肚和牛孖筋帶少許咬口, 而牛尾夠滑身, 口感和牛腩有所不同. 我自己最愛食牛肺, 牛膀和牛尾. 另外, 也點了一些配料, 包括黑椒牛筋丸, 自家製鮮蝦雲吞和即炸響鈴. 自家製鮮蝦雲吞. 一碟有六粒. 每一粒幾大粒. 雲吞皮尚算薄身, 而且一咬開雲吞, 便見到餡中有好多蝦, 入口夠爽口彈牙, 夠皮薄餡靚. 黑椒牛筋丸. 一咬開, 便充滿黑椒的香味, 牛味也幾重, 口感十足, 黑椒牛筋丸較無黑椒味好食. 即炸響鈴. 這個響鈴可以直接點甜酸醬食, 但我鍾意放入鍋裡整諗, 完全吸收晒湯底的精華, 食的

昨晚去打邊爐，可能因為天氣轉冷的關係，而九龍城每次都係我必選地方，多選擇而且大部分好食， 九龍城出發了。我地漫無目的地搵美食，見到有間餐廳專食牛的食肆門口等位人數眾中，基於好奇心驅使下，我地決定加入戰團一齊等，我們七點半去到開始等，但店員提議我地周圍行下先，我地放工腳板都很累，就去了對面按腳，到九點番黎再等多一陣終於有得食。坐底店員就好熱情向我們推介湯底，最後選定了一個招牌湯底─招牌牛精鍋和其他火鍋配料，我們靜靜地等候，但又好期待，見多人等位，質素應該很高吧!大約五分鐘， 湯底上枱了，牛香由遠至近飄來， 我們未放火鍋配料前立即裝了几碗清試味，湯就個招牌牛精鍋湯底真係不得了，精華湯底，入口好清甜牛味，沒有味精湯的感覺，相信一定餚了很久，然後，加入金錢牛肚，牛肺，牛尾，牛腩，牛孖筋及牛蒡，清晰可見湯底十分濃郁，牛愛好者絕不能錯過，配上稍後分享的鮮牛配料，令我垂涎十尺，食指大動了！然後，牛皇拼盤隆重登場了，這個拼盤真是精彩，上枱時已十分震撼，有牛舌，牛白肉，安格斯牛肉粒，金錢牛月展，本地肥牛及頂級肥牛，牛舌和牛月展很爽口，牛白肉就比較脂肪味重但清楚食到牛脂香，其餘牛部位的肉質口感都十分平均，

自從品嚐這所火鍋小店後，真的是百般滋味在心頭，還是回味無窮。原因很簡單的， 湯底是每天用上十二斤牛骨及其他秘料新鮮淆製的，絶無添加味精，鍋底用料與湯底分開烹煮 。而且抽風系統良好，即使用上絨毛面的櫈子，亦無沾上半點火鍋味，離開的時候，更不會鍋味隨身。今天晚上，再與識飲識食的好友團長，再次光臨這所火鍋小店。為的就是要多次品嚐這裏的招牌鍋底招牌牛精鍋。這個鍋底呈深啡色，面層幾乎沒有任何油脂浮游著。不稍一會，侍應哥哥再給端上食材，當中包括有金錢牛肚、牛肺、牛尾、牛腩、牛孖筋及牛膀。每款食材份量十足，絕對是童叟無欺。還是先嚐一口湯底，依然是濃厚鮮甜，富有牛味，但絕無牛羶味。這次我和團長還點選了招牌主打的牛皇拼盤。拼盤用上三層式的層架端上，當中包括擺放在頂層的牛白肉、安格斯牛柳粒、中層的牛舌、牛展及底層的手切安格斯肥牛及本地手切肥牛。視覺效果非常精緻吸睛。待應哥哥解釋牛肉每天由屠房新鮮直送的，因此肉質豐盈飽滿，色澤均勻。位於頂層米白色的牛白肉，是接近牛胸骨的軟骨位，又稱為牛胸肉，每只牛只有一斤左右，所以非常罕貴。侍應哥哥吩咐我們滾灼六秒便可，熟透後會成卷曲狀，口感爽彈煙韌。另一款是安格斯牛肉粒，

九龍城都算喺我半個主場，依到大大小小嘅火鍋店都食過！不過依間新開大半年左右嘅新貴火鍋店，真喺好好奇想試試！今次我約埋團長三個人試試！依間火鍋環境裝修非常舒適，連張櫈坐落都非常舒服！但最重要喺抽風系統做得好，行入舖頭時，完全聞唔到傳統火鍋店個種火鍋味！其實都幾有 Home Feel！打邊爐咩最重要？緊喺鍋底同火鍋料新鮮啦！依到提供嘅鍋底有十五種咁多，一時之間都唔知揀邊個好！經店員介紹之後，我哋決定試吓依到嘅主打《招牌牛精鍋》！依個鍋底用料十足，當中包括有《金錢牛肚》、《牛肺》、《牛尾》、《牛腩》、《牛孖筋》同《牛胶膀》！湯底濃郁，好有牛味！而且每件食材都非常大嚿，份量充足！聽返店員講依個湯底原來隔晚煲定，而且最少用上二十斤牛骨同其他秘料淆製，真喺好有心機同真材實料！先飲啖湯先，好有火喉，喺屋企真喺煲唔到咁嘅味道！聽返店員講，依到嘅牛肉都每日由屠房新鮮運到！另外，我哋三個麻甩仲叫咗《本地牛坑腩》、《精選牛孖筋》、《手打墨魚丸》、《招牌手打蝦丸》、《黑栢葉》、《牛骨髓》同《韓國金菇》！火鍋料新鮮唔在講，原來佢哋嘅丸類同餃類出品，都喺自家製！食咁多嘢，真喺好難一一描述，但當中我自己最欣賞幾款！

地球，對不起，我有罪！　　我一直自稱喜歡吃牛，若可以選擇肉類，就必定以牛為先。只是我以往不吃內臟，有不好的回憶。這一年多才開始接觸內臟膳食，如豬腸、雞腎等。好友曾經說若我不吃內臟的話，稱自己愛吃牛是太不妥當了。這次另一位朋友就相約到這家來闖闖關！　　店面環境實則不大，大概就是五至六枱大枱，即四人左右一枱。不過還是那句，不用自取的話就只要能走動就好了。衛生方面就是有些小昆蟲，雖然很常見但就是挺煩人的。　　點餐紙上寫明不少常見的火鍋配料。但可以看出主要是賣牛，相關食材佔據版面大部分。不槐以牛作店名及招徠，大抵會比較專門用心吧。　　另外有餐牌列出各款湯底，由清淡到濃重的各式各樣，任君選擇。我們一場來到，那就要嚐嚐招牌的牛雜湯底。　　醬油配料是少不得的，$18一位。只是湯底味道已夠香濃，其實也用不著蘸點醬油。不知道醬油盤可否是客人要求之下才上桌及計費呢？招牌牛精鍋　$198　　牛精鍋不單只有湯底，更是有一大碟氣勢如虹的牛雜入湯。店方問我們需要什麼湯底，可選清湯或沙爹，並指濃湯的味道出來有點像牛肉麵湯底。看著一盤堆滿如小山的牛雜，嗯……濃味湯底似乎保險一點。至少是有什麼差池也可以靠滾，讓異味滾出

話說有一日經開九龍城打波, 咁行行下見到間新野就黎開張, 個名又撞中我心頭好"牛", 你話叫得牛精皇, D牛當然唔會差掛, 咁我就個晚兩個人去試下.................咁我去到當然叫左個招牌野"招牌牛精鍋", 因為係個靚仔哥哥介紹, 話好好吃, 好足料, 基本上用左牛既各個部份做鍋底 (根, 腩, 肚, 肺, 腎, 骨等等)仲有DD配菜, 另外再叫左頂級手切牛肉, 珊瑚蚌, 紫菜響玲, 墨魚滑, 豚肉到戲肉, 個個牛鍋未放到上枱, 已經聞到一陣陣牛味, 之前放低仲見到非常多料, 一眼就睇怕兩個人食唔晒TIM其它每樣野都好新鮮, 特別係紫菜響鈴, 味到一流, 又係既炸個下正個晚我同我朋友食到差D走唔到, 太飽了有機會一定會約多D人黎, 試埋個番茄鍋, 見到人地枱食, 好似幾好咁~~~哈哈